Hechos 11:23 - Biblia Dc en Mixe de Quetzaltepec

²³ Ko jam jyä'äjty ja Bernabé ets t'ijxy wi'ix ja antioquiiëtë ja'ay ënety tëë ja Dios kyënu'kxëtën, ënät ojts jotkujk nyäjyawëty ets tjotmëkwinkajpxëy ets ëmuumtu'ukjot ja Wintsën tmëpëktëty.

Biblia Mixe de Quetzaltepec

²³ Ko jam jyä'äjty ja Bernabé ets t'ijxy wi'ix ja antioquiiëtë ja'ay ënäty tëë ja Tios kyënu'kxëtën, ënät ojts jotkujk nyäjyawëty ets tjotmëkwinkajpxëy ets ëmuumtu'ukjot ja Wintsën tmëpëktëty.

Hechos 11:23 ပူးပေါင်းရင်းမြစ်များ

1 Corintios 15:58

Paaty, mëku'uktëjkëty mëti'ipës ni'ik ntsojktëpën, tu'ukyë ja mwinma'any xyaj'itëty; tuun'ëtë'ëtstë mëti'ipë ja Wintsën tsyojkpyën; jä'ä ko mnija'awëtëp miits ko ka'ap nyama'ata'any ja tuunk mëti'ipë mtuuntëpën mëët ja Wintsën.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënety ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Dios ja kyutujkënën, kopkpëky ko nku'ëyo'owëmëty.

Hechos 13:43

Ko ye'eywya'kxnëtë tsajptëkotm, nimay ënety ja jutiis ja'ay jam ets näjyëtu'un ja ja'ayëty mëti'ipë ënety të tmëpëjknëtën ja jutiis ja'ay ja myëpëjkënëty, jä'ä pyanëjkxtë ja Pablo ets ja Bernabé. Ënet ja Pablo ets ja Bernabé ojts tkajpxwijtë ja ja'ayëty ets nyäyaj'itëtëty mëët ja Dios ja tsyojkën jya'awën.

1 Juan 2:28

E tyam, u'unk maayëty, itë tu'ukyë mëët ja Kristë, ets akujk jotkujk npatmëty n'ijxmëty ko ënety myiny jatëkok; nitii tsë'ëkë ets nitiitsëtyu'un ënety nkamëët'ajtëm ko myinëty.

2 Timoteo 3:10

Mijts tëë oy xypyanëjkxy yë n'ijxpëjkënës, wi'ixës njuuky'ätyën, tiis ntunäämpyën, wi'ixës nmëpekyën, wi'ixës nmä'kxtukyën, wi'ixës ja ja'ay ntsoky njawën ets wi'ixës nmëët'atyën ja mëjaaw etsës nmëtänë ja ëyo'on jotmay,

Colosenses 1:6

mëti'ipë jampaat të jyä'tyën ma miitsëtyën. Ni'ikyë myëjwiin kyëjääjë ya'atë aaw ayuk ets oy wyimpëtsëmy oy tyimmatsowëty naaxwiinyëtë apëtsëmy. Jëtu'un tä të jyäty të kyëpetyën ma miitsëtyën ko ojts ëka'any xymyëtowtë ja oy aaw oy ayuk ets xyjyä'äkyujkëtyë ja tëyajtën.

Hechos 20:24

Ka'apës yë'ë nmëjpëjktä'äky; yë njuukyajtënës ka'ap tii tsowëty, yi'iyës ntukjotkujk'ajtyp ko ja ntuunkës nyajwintu'upëka'any mëti'ipës yë Wintsën Jesús të xytyuknipëkyën ets nkajpxwa'kxëtyës ja aaw ayuk oypyë ets ntuknijawëtës wi'ix ja Dios ja ja'ay ttsoky tjawën.

3 Juan 1:4

Nitiijës të nkatukjotkujk'aty ijxtëm ya'atën, koos të nijawë ko ja n'u'unk n'ëna'kës jyuuky'atë mëët ja tëyajtën.

Hechos 14:26

Jam ja kepy nëëwinye'epyë tuktëjkëtë ets jyajtë Antioquía, ma Dios ja tsyojkën jya'awën ënety të kyäxëtën tuunpë ets tëë ënety tyajwintu'upëktë.

Josue 23:8

Yë Wintsën jëtu'un xëmë mka'ëxmatstëp jëtu'un tä tyampaat xytyuntën.

Deuteronomio 30:20

Tsoktë jawëtë yë mWintsën, mëmëtowtë ets tu'ukyë yë'ë xypyanëjkxtëkëtëty. Jä'ä ko, ënät mjuuky'atëty ets jeky jam mtsëënëtëty ma ja it naaxwiinyëtën, mëti'ipë ojts tukwinwanën mëët ja aaw ayuk ja kutujkënmëëtpë ja Abraham, Isaac ets Jacob mëti'ipë miits m'ap'ajt m'ok'ajtëpën.

Deuteronomio 10:20

Winkutsë'ëkëtë yë mWintsën ets ëwtatë yi'iyë tu'ukyë. Mëtuntë oy yajxon ets pën tii ayuk mnikäjpxantëp mëët yë kuttujkën, yë'ë xyëëw myajtuunëtëp.

Juan 15:4

Itë tu'ukyë mëët ëjts etsës n'itëty tu'ukyë mëët miitsëty. Tu'kxe'entypë kepy ka'ap tjëkyepy ets tyëëm'atëty ko kya'itëty tu'ukyë mëët ja myëjkepy; näjyëtu'un miitsëty ka'ap tjëkyepy mtëënmpätëty pën ka'ap tu'ukyë myajpaatë mëët ëjts.

Mateo 16:24

Tääts ja Jesús t'ënëmaay ja y'ijxpëjkpëtëjk: Pën tsyojkpy etsës n'ijxpëjkpë'atëty, wä'än ja kyë'ëm winma'any tja'atyëkoy ets ja wyinma'any mëk tpëjkta'akëty ijxtëm tu'uk ja ja'ay kyëruuts tpatsëmyën ko ja y'o'kën t'anëjkxë, etsës xypyatsoonëty.

Josue 22:5

Mëti'ipë tëy miits n'amëtoowtëpën ets xytyuntëty, yë'ë ko xypyatuntëty xëmë ja ënä'ämën tëyajtën mëti'ipë ja Moisés yajmooyën, yë Dios yë myëtuunpë. Mtsoktëp mjawëtëp xëmë ja mWintsën Tiosëty ets yë'ë ja nyëë'aaw tyu'u'aaw mtimpyanëjkxëtëp, mëtowtëp ets mkäjpxyjyä'äkyukëtëp; yë'ë mka'ëxmatstëp ets winë aaw winëjot xymyëtuntëty ets tu'ukyë winma'any tu'ukyë winma'any.

2 Corintios 1:17

¿Ka'apës jëtää ojts oy nmëmay nmëtajyë? ¿Wä'än m'ëna'antë koos je'eyës nkajpxminy nkajpxëpyë?

Hechos 20:32

Mëku'uktëjkëty, tyam ja Dios miits ntukë'ëtëkëtë ets ntukmëwë'ëmtë ja Dios ja tsyojkën jya'awën. Yë'ë myëët'ajtyp ja mëk'ajtën ets myajyääkëtëty mëët ja kënu'kxymyëk'ajtën ets mo'ojëtëty tëkokyë mëti'ipë ja nyaax kyajpn të tukwinwanën.

Hechos 15:40

e ja Pablo yë'ë wyoow ja Silas ets ja mëpëjkpëtëjk ojts kyënu'kxëtë ma Tiosën ets tsyo'ontë;

Marcos 2:5

Ko ja Jesús t'ijxy ko myëët'ajtëp ja mëpëjkën, ënät ja pa'amja'ay t'ënëmaay: U'unk maay, pokymye'kxy mijts mwë'ëmy.

Daniel 1:8

E ja Daniel jëtu'un ojts ja wyinma'any tpëjktä'äky ko ka'ap nyätyukyaj'ëxëëkëja'anyë ja yajkutujkpë ja jyi'kxy ets t'ënëmaay ja wintsën mëti'ipë jam tuunpën ma ja kutujkëntëjkën ets ka'ap tyukyaj'ëxëëkëtëty ja jë'kxy mëti'ipë ja yajkutujkpë jyi'kxy'äjtypyën.

Proverbios 23:28

Jëtu'un nyë'ëtän tyu'utänë tä tu'uk yë mä'tspën, ets may yë ye'etyëjktëjk tyajnë'ëtëkoy tyajtu'utëkoy.

Proverbios 23:15

U'unk maay, ko ënety ja wijyajtën të xypyääty, ni pën jëtu'un jotkujk kyanäjyawëtëty tääjës ëjtsën.

Salmos 17:3

Mijts mnija'ap wi'ixës nmay ntajyën; oy kyootsëty wa'atsës xy'ixy, jëtu'unës mijts xyajtooywyä'ätsy tä ja'ay pu'ts pujxn tyajtooywyä'ätsyën ets ka'ap tii ëxëëkpë të xypyääty ma ëjtsën. Ka'apës nijëna'a tii të nikäjpxy mëti'ipë ka'ap nyimëtyaknëtyën.

Hechos 4:36

Jam ijty tu'uk ja Israel ja'ay mëti'ipë ja Leví y'u'unk'ajtyp y'ok'ajtypyën; Josee'ajtp, Chipre kyukajpnëty, mëti'ipë ojts ja ijxpëjkpëtëjk yajxëëwpetyën Bernabé jä'ä nyiwijy Yajotkujk'ajtpë.

Romanos 12:8

mëti'ipë jotmëkwinkajpxëpën, wä'än tjotmëkwinkajpxë; mëti'ipë tii yäjkypyën, wä'än tyäky; mëti'ipë nyikopk'ajtypyën ja mëpëjkpëtëjk, wä'än tuny yajxon ets mëti'ipë oyjyä'äy'ajtpën, wä'än t'oyjyä'äy'äty.

2 Corintios 6:1

Jëtu'un, ijxtëm ëëtsajtëm nmëtu'unëmën ja Dios, tyam nmënu'kxta'aktë ets xytyukjuuky'atëty ja oyajtën mëti'ipë ja Dios të mtuk'ixëtën,

1 Pedro 5:12

Ja nmëku'uk'ajtëm Silvano, mëti'ipë oy tsuj ja Dios myëtuumpyën, yë'ëjës yam yë noky xytyukputëjkëpës ma miits yam nkajpxwijtën ets ntuknijawëtë ko ja kënu'kxën mëti'ipë të xy'ëxajëtën yë'ë yajnikëxë'kpy ja mëtëypyë ja Dios ets ja tsyojkën jya'awën. Yë'ë jëtu'unpë tsojkën ja'awën xëmë mmëët'atë.

Judas 1:4

Jä'ä ko tëë ja ja'ay jya'të mëët ja näwyin'ë'ënën mëti'ipë ja Dios ojts tëëyëp tnikäjpxyën ko nyëjkxa'antë ëyo'ontum. Ëxëëk ja'ay yë'ëjëty, je'eyë nëkoo ja Dios ja y'aaw y'ayuk tyajnaxtë kajpxpäjn ma ëxëëkajtën tuntën. Ka'ap tmëjpëjkta'aktë ja Dios ja y'oyajtën, ni'ikyënëm t'ixtijtë ja Dios ja myëj'ajtën ets ja Jesukristë ja kyutujkën.

2 Reyes 18:6

Mëk nyäyaj'ijtë ma Wintsënën ets ka'ap ninu'un t'ëxmajtsy; ojts tkuuytyuny ja ënä'ämën tëyajtën mëti'ipë ënety ja Wintsën të tni'ënä'ämën ma Moisésën.