Hechos 10:35 - Biblia Dc en Mixe de Quetzaltepec

³⁵ kyupëjkpy pën wintsë'këyëp ets pën tyuunpy mëti'ipë paat'ajtëpën.

Biblia Mixe de Quetzaltepec

³⁵ kyupëjkpy pën wintsë'këyëp ets pën tyuunpy mëti'ipë paat'ajtëpën.

Hechos 10:35 ပူးပေါင်းရင်းမြစ်များ

Job 28:28

Ets Dios t'ënëmaay yë naaxwiinyëtë ja'ay: Ko yë Dios oy yajmëtuny, yë'ë ënety yajmëët'ajtp yë ixpëkyajtën; ko yajmëjëkämke'eky yë ëxëëkpë, yë'ë ënety yajmëët'ajtp yë wijyajtën.

Salmos 111:10

Yë wijyajtën ets nija'awën, jam yaj'ixy ma ënety yë Wintsën yajwinkutsë'ëkën. Pën yë Dios wyinkutsë'këpën myëët'ajtyp yë wijyajtën. Dios mëj'äämpy y'ita'any.

Salmos 19:9

Yë näwyinkutsë'ëkë mëti'ipë yajmëët'ajtpën ma Wintsënën ka'ap nyätyuktëkëty mëët yë ëxëëkpë. Yë Wintsën yë y'aaw y'ayuk tëyajtën yë'ë, ets tëkokyë aak mëtëy.

Salmos 85:9

Janty tëyajtën jëtu'un, ko yë Dios winkon yajpaaty, ets tyajnitso'oka'any mëti'ipë mëjpëjktakëpën, ets myëj'ajt y'oyajtën yaa yajpaata'any ma naax'ajt nkajpn'ajtëmën.

Proverbios 1:7

Yë wijyajtën yë'ë mëët tsyo'ontä'äky ko nwinkutsë'këmëty yë Dios. Yë tsuuja'aytyëjk ka'ap tuntë këwentë yë wijyajtën ets nätyu'uwinwow nätyu'uwinwitsë.

Proverbios 16:6

Mëët yë tsojkën ja'awën ets tëyajtën yajnime'kxy yë poky; ënät yë ëxëëkpë yajmëjëkämke'eky pën yajmëjpëjktakp yë Dios.

Proverbios 2:5

Jää yajxon xyjyä'äkyukëty wi'ix yë Wintsën yajwinkutsë'ëkëja'anyën, ets xynyijawëty wi'ix yë Dios yaj'ixy'ätyën.

Proverbios 3:7

Këtii janty wijy mnäyajnaxëtëty. Winkutsë'ëkë yë Dios ets näjyëpëkët ma ja ëxëëkpën.

Eclesiastés 12:13

Jëtu'un jyëjpkëxy ja kë'ë ëma'ayën. Yë Dios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.

Oseas 8:13

Yi'iyë tsyojkën'ajtëp yë wintsë'kën ets tyaktë yë wintsë'kën ets tsu'utstë yë tsu'utsy mëti'ipë të tukwintsë'ëkëtën ja y'awinaxëty; e ëjts Wintsën ka'apës jotkujk näjyawëty: Nja'amyätsäämpyës yë y'ëxëëktu'un y'ëxëëk kajpxënëty ets ntuktëytyunäämpyës yë nyëë pyokyëty, nyajwinpitäämpyës jap jatëkok Egiptë.

Lucas 1:28

Tääts ja tsajpjotmëtë kukäjpxy tyëjkëy ma ja Maria ënety jap y'u'unyën ets t'ënëmaay: Dios mkënu'kxëtëp Maria, ni'ik mijts ja Wintsën mtsokyë, Dios mijts mëët myajpaaty.

Hechos 10:2

Xëmë ja Cornelio ijty twintsë'ëkë ja Dios, näjyëtu'un mëti'ipë tsënaaytyëpën jam ma tyëjkën, pyutëjkëp ijty ja ja'ay mëët ja wit meeny ko pën kyaka'ajtxëty ets xëmë tja'amyetsy ja Dios.

Hechos 10:28

Ënet ja Pedro y'ënäny: Ejxtëm xynyijawëtën, ka'apës ëjts yë n'ënä'ämën kyutuky ets jutiis ja'ay mëët ye'eymyuk nyajxmuktëty ja ja'ay mëti'ipë ka'ap jyutiisëty, nän ka'ap tjëkyepy tyëkëty ma tyëjkën. E tëëjës ja Dios xytyuknijawë ko ka'ap y'oyëty koos pën ntijëty ëxëëk.

Hechos 15:9

Dios y'aak oyjya'ap yë ja'ay, wä'än tpënëty, jä'äkyëjxm ko tëë ja pyoky yajknimä'kxtë ko të myëpëktë.

Hechos 9:31

Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.

Romanos 2:13

Jä'ä ko ka'ap yë'ëkyëjxmëty ja'ay wyë'ëmtë wa'ats ma Tiosën ko tmëët'atë ja ënä'ämën, ënät wa'ats wyë'ëmtë ko tpatuntë.

Romanos 2:14

Jä'ä ko ka'apë jyutiisëty ets nän ka'apë nijawëtën ja Dios ja y'ënä'ämën ets jëtu'un winë tuntë ijxtëm ja ënä'ämën y'ënä'änyën, yë'ë kë'ëm ja ënä'ämën myëët'ajtëp,

Romanos 3:22

mëët ja mëpëjkën jam ma ja Jesukristë, Dios wa'ats tyajnaxy ni'ëmukë ja ja'ay mëti'ipë të myëpëktën. Ka'ap wyin'ixy wyinkexyëty;

1 Corintios 12:13

Yë'ëkyëjxm ko tëë ni'ëmukë nnëëpäjtëmë mëët ja Kënu'kxymyëkajtën paaty tu'ukyë nyajpatëmë ijxtëm ja ni'kx kopkën tu'ukyëpë, wä'än tjutiis ja'ayëty ëkë wä'än tkajutiis ja'ayëty, wä'än tmëtuunpëty ëkë tkamëtuunpëty.

2 Corintios 7:1

Jëtu'un, mëku'uktëjkëty, yë'ë jëtu'un ya'atë waantä'äky nmëët'ajtëmë. Paaty nyaj'ijtmëty wa'ats ja ni'kx'ajt nkopk'ajtëm ets ja njoot'ajt nja'awën'ajtëmë näjyëtu'un ets ntsë'këmëty ja Dios, tsojk ntu'unëm ja oypyë ets ja wa'atspë Dios wyintuuy.

Gálatas 3:28

Ka'ap ma y'ëktuunnë pën jutiis kajutiis, mëtuunpë ëkë kamëtuunpë, ye'etyëjk ëkë to'oxytyëjk, jä'ä ko tu'ukyë miitsëty ijxtëm ja ja'ay tu'ukpën, jä'äkyëjxm ko tu'ukyë mëët ja Kristë Jesús m'itë.

Efesios 1:6

Paaty xëmë ja Dios nmëjja'aw njaantyja'awëmë jä'äkyëjxm ko ja mëjmëyajtën të xynyamo'oyëmë mëët ja y'u'unk, mëti'ipë ni'ik tsyojkpyën.

Efesios 5:21

Näjyä'äkyukëtë nixim niyam jä'ä ko Kristë xywyintsë'ëkëtë.

Filipenses 3:3

jä'ä ko ëëtsajtëm jëtu'un nxëëwajtëm mëti'ipë ja ye'etyëjkajtën të yajnatsujk'ëwtityën, mëti'ipë y'ëwtajtëpën ja Dios mëët ja Kënu'kxymyëkajtën, ets yë'ë nätyukmëjja'awëm ja Kristë Jesús, ka'ap yë'ëjëty nätyukmëjja'awëm ja nëkëjxypyë.

Colosenses 1:6

mëti'ipë jampaat të jyä'tyën ma miitsëtyën. Ni'ikyë myëjwiin kyëjääjë ya'atë aaw ayuk ets oy wyimpëtsëmy oy tyimmatsowëty naaxwiinyëtë apëtsëmy. Jëtu'un tä të jyäty të kyëpetyën ma miitsëtyën ko ojts ëka'any xymyëtowtë ja oy aaw oy ayuk ets xyjyä'äkyujkëtyë ja tëyajtën.

Colosenses 3:11

Ka'ap yë'ë kyopkpëkyëty pën griegë ja'ay ets jutiis ja'ay, pën tsuky ets pën katsukyën, wä'än tpën ja'ayëty tiija'ayëty, wä'än yë'ëjëty mëti'ipë ka'ap kyajpxwijyëtyën, ëkë mëtuunpë nitookpyë ëkë wä'än t'ëwaatsëtumpëty. Yë'ë kopkpëky ko ja'ay y'ity mëët ja Kristë mëti'ipë tu'kë'ëyë winë myëët'ajtääpyën.

1 Juan 2:29

Mnija'awëtëp ko ja Jesukristë mëtëy winë tuny, ets mnijawëtëp näjyëtu'un ko pën tyuunpyën ja oypyë, yë'ë ënety ja Dios u'unk'ajtëp.