Hechos 10:30 - Biblia Dc en Mixe de Quetzaltepec

³⁰ Tääts ja Cornelio y'ëtsooy: Tyam mëmajktaxk xëëw ma ya'atpë horë yaa n'ayuu'atyës maas ntëjkën. Tiosës nja'amyejtsyp jënäkyxyëëw, ko ojts ajotkumonë n'ijxpaatyës tu'uk ja ye'etyëjk xywyintänës. Atë'kxp ajajp ja wyit kyëxë'ëky.

Biblia Mixe de Quetzaltepec

³⁰ Tääts ja Cornelio y'ëtsooy: Tyam mëmajktaxk xëëw ma ya'atpë horë yaa n'ayuu'atyës maas ntëjkën. Tiosës nja'amyejtsyp jënäkyxyëëw, ko ojts ajotkumonë n'ijxpaatyës tu'uk ja ye'etyëjk xywyintänës. Atë'kxp ajajp ja wyit kyëxë'ëky.

Hechos 10:30 ပူးပေါင်းရင်းမြစ်များ

Salmos 55:17

Jopyëp, kujkxyëëw ets uxëp një'ëja'any nya'axa'anyës, ets yë'ë myëtowäämpy.

Daniel 10:12

Ënätës xy'ënëmaay: Këtii mtsë'ëkë, Daniel, jä'ä ko jä'ä xëëw ma ojts mijts xytyuknipëjktaakës xyjyä'äkyukëja'ay tsipëtypë winma'any ets m'ënany ko yu'unk naxy mnäpyëjkta'aka'anyë Dios wintum, yë'ë ojts tmëtoy yë mnu'kxtakën. Paatykyëjxmës ëjts të nminy.

Mateo 28:3

Jëtu'un ja tsajpjotmëtë kukäjpxy y'ajajy ijxtëm tu'uk wëtsukën ets poop ja wyit ijxtëm yë tsajp'o'pykyën.

Marcos 16:6

e ja yä'äy ëna'k jëtu'un y'ënëmaayëtë: Këtii mtsë'ëkëtë. Miits yë'ë m'ixtaaytyëp ja Jesús, Nazaretëtë ja'ay, mëti'ipë ojts kyëruutspetyën. Tëë jatëkok jyuukpyiky, ka'ap ja yaa pën. Oy xytyim'ixtëty ma ojts yajpëjktä'äkyën.

Lucas 24:4

Tam ënety myäytyë tyajtë tii tyuntëpën, ko ajotkumonë t'ijxpatë nimäjtsk ja ye'etyëjk pyë'aayëty, ajajp atë'kxp ja wyitëty.

Hechos 1:10

Tam ënety pya'at'ixtë tsajpjotm ko ja Jesús tsyajpety, mäjtsk ja ye'etyëjk ajotkumonë kyëxë'ktë jam pyë'amëty, aak poopxoxy yaj'ixtë,

Hechos 10:22

Tää ja kukäjpxy y'ëtsoowtë: Ja tsiptuunpë wintsën Cornelio, yë'ëjës xykyäjxtëp. Oy ets mëtëy jyuuky'äty ets wyintsë'këp ja Dios, oyjya'awëyëp ets tsojkëtëp ja jutiis ja'ayëty. Tu'uk ja Dios ja y'anklës të nyë'ëmxëty ets mijts myajwowëty ets nja'amëty ma ja Cornelio ja tyëjkën ets xytyuk'ëwaanëty mëti'ipë mkajpxäämpyën.

Hechos 10:29

Paatyës të nminy ënätyë yaa ets nitii ayukës të nkapaaty, yë'ëjës njanijawëjäämpy tiis ko të xywoowtsowtë.

Hechos 10:3

Jënäkyxyëëw ënety, ko ojts t'a'ijxnaxy tu'uk ja Dios ja y'anklës myëwinkonyë ets y'ënëmaayë: Cornelio.

Hechos 10:31

Ënätës xynyëmaay: Cornelio, tëë ja Dios ja m'aaw m'ayuk tmëtoy, y'ijxyp nyija'ap ko të xyjyä'äymyetsy ets wi'ix ja mëyajtën xytyunyën ma ja ja'ayëtyën xypyutëkën.

Hechos 3:1

Tëkok ja Pedro ojts nyijkxy mëët ja Juan ma ja mëjtsajptëjkën, jënäkyxyëëw ënety, jää ma ja ja'ay ijty nyiye'eypyätën Dios mëkajpxpë.