Hechos 10:28 - Biblia Dc en Mixe de Quetzaltepec

²⁸ Ënet ja Pedro y'ënäny: Ejxtëm xynyijawëtën, ka'apës ëjts yë n'ënä'ämën kyutuky ets jutiis ja'ay mëët ye'eymyuk nyajxmuktëty ja ja'ay mëti'ipë ka'ap jyutiisëty, nän ka'ap tjëkyepy tyëkëty ma tyëjkën. E tëëjës ja Dios xytyuknijawë ko ka'ap y'oyëty koos pën ntijëty ëxëëk.

Biblia Mixe de Quetzaltepec

²⁸ Ënät ja Pedro y'ënäny: Ejxtëm xynyijawëtën, ka'apës ëjts yë n'ënä'ämën kyutuky ets jutiis ja'ay mëët ye'eymyuk nyajxmuktëty ja ja'ay mëti'ipë ka'ap jyutiisëty, nän ka'ap tjëkyepy tyëkëty ma tyëjkën. E tëëjës ja Tios xytyuknijawë ko ka'ap y'oyëty koos pën ntijëty ëxëëk.

Hechos 10:28 ပူးပေါင်းရင်းမြစ်များ

Isaías 65:5

Ets y'ëna'antë: Jääyë ëwxit, këtiis nëkoo xytyony; ëjts kënu'kxyës mëj këjää, ka'ap tjëkyepy nëkoo xytyonëtyës. Tääpë ja'ayëty jëtu'un tä jëënën tu'kxëëwpë yeenyën; je'eyës xyajja'antyixy koos xyjyëjp kujokë.

Marcos 7:2

yë'ë y'ijxtë ko ja Jesús ja y'ijxpëjkpëtëjk ka'ap kyë'ëpujtë, ka'ap tpatuntë ja aptëjk ja y'ënä'ämën, paaty ojts twiink'ixtë.

Lucas 18:11

Ja fariseë ja'ay, tënääpy ja Dios tmëkäjpxy ets në'ix pa'at'ix, jëtu'un y'ënä'äny: Dios Teety, mijts yam nkukajpxëp ko ka'apës njëtu'unëty ijxtëm yë ja'ayëtyën, mëti'ipë mä'tstëpën, mëti'ipë ëxëëk ja'ay'ajtëpën, mëti'ipë ka'ap ja nyiye'etyëjk ëkë ja nyito'oxytyëjk twintsë'ëkën; ets ka'ap njëtu'unëtyës ijxtëm xiipë yajkukëpäjtpën.

Juan 18:28

Ënet ja Jesús tmëtso'ontë ma ja Caifás ja tyëjkën ets ojts tmënëjkxtë ma ja këmoontëjkën, ma y'ëne'emyën ja romanë yajkutujkpë, xëënyënëp ënätynyë. Ka'ap ja jutiis ja'ayëty ojts tyëkëtë këmoontëkoty, jä'ä ko ka'ap wya'atsëty ja këmoontëjk. Yë'ëjëty jëtu'un ja mëpëjkën tmëët'atë ko tyëkëtëty muum ma ka'ap wya'atsëtyën tsojk y'ëxëëkëtëty ets ka'ap tjëkyäpëty wi'ix y'a'ux'atëtyën ma ja ëmaayxyëëwën.

Juan 4:27

Ënet ojts jya'të ja y'ijxpëjkpëtëjk, mëj'ixy ojts t'ixtë ko ja Jesús myëtyä'äky mëët ja to'oxytyëjk. E ni pën ojts kyanätyuk'a'ixëty ets tyajtëwëty pën tii ja to'oxytyëjk tsyojkpy ëkë pën tii ënety mëët myëtyäkpy.

Juan 4:9

Ka'ap ja jutiis ja'ayëty mëët ja samaariëtë ja'ay nyämyäyëtë, paaty ja to'oxytyëjk y'ëtsooy: ¿Wi'ixës ko mijts yë nëë xy'amëtoy?, mjutiis ja'ayts mijts ets ëjts samaariëtë ja'ayës.

Hechos 10:29

Paatyës të nminy ënätyë yaa ets nitii ayukës të nkapaaty, yë'ëjës njanijawëjäämpy tiis ko të xywoowtsowtë.

Hechos 11:9

Ënet ojts jatëkok xymyëkäjpxyës: Ka'ap xytyijëty ëxëëk mëti'ipë Dios të tyajwa'atsyën.