Hechos 10:23 - Biblia Dc en Mixe de Quetzaltepec

²³ Tääts ja Pedro tyajja'ajtäky ma jam y'ityën ets jam ja tsuu tyajnajxtë. Komjëpom tsyo'ontë ets ja Pedro jënaakën jyämyëët'ajtëtë ja mëpëjkpëtëjkëty mëti'ipë jam tsënaaytyëpën Jope.

Biblia Mixe de Quetzaltepec

²³ Tääts ja Pedro tyajja'ajtäky ma jam y'ityën ets jam ja tsuu tyajnajxtë. Komjëpom tsyo'ontë ets ja Pedro jënaakën jyämyëët'ajtëtë ja mëpëjkpëtëjkëty mëti'ipë jam tsënaaytyëpën Jope.

Hechos 10:23 ပူးပေါင်းရင်းမြစ်များ

Eclesiastés 9:10

Mëti'ipë jyëkyejpyën mëpaat xytyunyën tun ets winë aaw winëjot xytyunëty; jä'ä ko jap o'kpëjutjoty ma mnëjkxa'anyën ka'ap jap tii yajtuny yajkäjpxy, ka'ap jap tii yajmëmay yajmëtajy ets ni ijxpëjkën ets ni wijyajtën jap kyä'ty.

Hechos 1:15

Näy jää tiempo ja Pedro ojts wya'këxë'ëky ma jam ja mayjyä'äyën; nimëko'px ja i'px ënätyëty jam ets y'ënäny:

Hechos 10:29

Paatyës të nminy ënätyë yaa ets nitii ayukës të nkapaaty, yë'ëjës njanijawëjäämpy tiis ko të xywoowtsowtë.

Hechos 10:33

Paatyës yë nkukäjpxy ënätyë të nkexy ets mwowëtëty. Oy ko yë mëyajtën të xytyuny ko të mminy. E tyamts ëëts tu'ukmukyë nyajpaatë Dios wyintum ets yaj'amëtoow'ita'any ja aaw ayuk mëti'ipë ja Wintsën të mtuk'ëne'emyën etsës xytyuk'ëwaanëtëty.

Hechos 10:45

Ja mëpëjkpëtëjkëty mëti'ipë ja Judá ijxpëjkën mëpëjkën tyuk'ijtëtyëpën, mëti'ipë ënety ja Pedro mëët të jya'tën, jä'ä ojts mëj'ixy t'ixtë ko ja'ayëty yajmo'otë ja Kënu'kxymyëkajtën mëti'ipë ka'ap jyutiis'atën,

Hechos 11:12

Ënet ja Kënu'kxymyëkajtën xynyëmaayës etsës ja kukäjpxy mpanëjkxëty ets ka'apës n'amäjtsk njotmäjtskëty. Ojts näjyëtu'un xypyanëjkxtës ya'atë nitëtujkpë mëpëjkpëtëjk. Ets ni'ëmukë ntëjkëtyës ma ja Cornelio ja tyëjkën,

Hechos 28:15

Tëë ënety ëëts ja nmëku'uktëjk nijawëtë mëti'ipë jam Roma yajpatëpën. Yë'ë tso'ontë etsës ojts xyjyëjpye'eyë'ëktë ma ja kajpn txëëwatyën Foro Apio ets näjyëtu'un ma ja it txëëwatyën Tëkëëk Ja'ajtakn. Ko ja Pablo y'ijxëtë, tää jyotkujkëy ets ja Dios tkukajpxëy.

Hechos 9:36

Jam ma ja Jope kajpnën, jam ijty tu'uk ja to'oxytyëjk mëpëjkpë tsyëënë, Tabita''ajtp. Dorcas yajtijy griego ayuk. Ya'atë to'oxytyëjk xëmë ijty tuny mëti'ipë oy ets pyutëjkëp ja ëyoopëja'ay.

Hechos 9:38

Winkon ja Lida kajpn ënety wyi'im. Ko ja mëpëjkpëtëjk tnija'awëtyë ko ja Pedro jam Lida, ënät nimäjtsk ja kukäjpxy tkäjxtë ets ja Pedro tuk'ëwa'anëtyë ets myinëty jotëkoy ma ja Dorcas të y'ookyën.

Hechos 9:42

Ni'ëmukë tnija'awëtyë ja ja'ay mëti'ipë tsënaaytyëpën jam Jope. Jëtu'un ja Wintsën nimay tmëpëjktë.

2 Corintios 8:21

Paatyës oy winë ntuntë, ka'ap jyämyëty Wintsën wyintum, näjyëtu'un ma ja ja'ayëtyën.

Hebreos 13:2

Këtii xyjyä'ätyëkoytyëty ja oyjä'äyajtën; oyjyawëtë mëti'ipë ja'ajtëpën ma ja mjëën mtëjkëtyën; jä'ä ko jëtu'un jënaakën të tuntë, ka'ap tnijawëtë ko tsajpjotmëtë kukäjpxy të tyajjajta'aktë.

1 Pedro 4:9

Ëxajëtë nixim niyam ko pën jya'ajta'akëty ma ja mjëën mtëjkëtyën, ka'ap ok xynyikajpx xynyimëtya'aktëty.