Hechos 10:22 - Biblia Dc en Mixe de Quetzaltepec

²² Tää ja kukäjpxy y'ëtsoowtë: Ja tsiptuunpë wintsën Cornelio, yë'ëjës xykyäjxtëp. Oy ets mëtëy jyuuky'äty ets wyintsë'këp ja Dios, oyjya'awëyëp ets tsojkëtëp ja jutiis ja'ayëty. Tu'uk ja Dios ja y'anklës të nyë'ëmxëty ets mijts myajwowëty ets nja'amëty ma ja Cornelio ja tyëjkën ets xytyuk'ëwaanëty mëti'ipë mkajpxäämpyën.

Biblia Mixe de Quetzaltepec

²² Tää ja kukäjpxy y'ëtsoowtë: Ja tsiptuunpë wintsën Cornelio, yë'ëjës xykyäjxtëp. Oy ets mëtëy jyuuky'äty ets wyintsë'këp ja Tios, oyjya'awëyëp ets tsojkëtëp ja jutiis ja'ayëty. Tu'uk ja Tios ja y'anklës të nyë'ëmxëty ets mijts myajwowëty ets nja'amëty ma ja Cornelio ja tyëjkën ets xytyuk'ëwaanëty mëti'ipë mkajpxäämpyën.

Hechos 10:22 ပူးပေါင်းရင်းမြစ်များ

Hechos 11:14

Yë'ëts mtuk'ëwaanëtëp wi'ix mnitso'okëtyën mijts ets mëët ni'ëmukë mëti'ipë tsënaaytyëpën ma mjëën mtëjkën.

Hechos 10:2

Xëmë ja Cornelio ijty twintsë'ëkë ja Dios, näjyëtu'un mëti'ipë tsënaaytyëpën jam ma tyëjkën, pyutëjkëp ijty ja ja'ay mëët ja wit meeny ko pën kyaka'ajtxëty ets xëmë tja'amyetsy ja Dios.

3 Juan 1:12

Oy tsuj ja Demetrio yajnimëtyä'äky ko mëtëy ja oypyë tuny. Näyjyëtu'un ëëtsëty nän oyës nnimëtya'aktë, ets mijts mnija'ap ko mëtëyës nkajpxtë.

2 Pedro 3:2

Ja'amyätstë mëti'ipë ja Dios ja kyäjpxynyajxpëtëjk jyääywyë'ëmtën tëëyëp, ets ënä'ämën tëyajtën mëti'ipë ja oy ayuk käjpxynyajxpëtëjk nyimëtyaktën.

Hebreos 12:23

Näy tëë xymyëwinkontë nimay ja Dios ja y'u'unk y'ëna'k mëti'ipë ja xyëëw jaaypyety tsajpjotm yajpatëpën. Miits të xymyëwinkontë ja Dios, mëti'ipë ni'ëmukë ja ja'ay pyaye'eytyëpën ets nän miits të xymyëwinkontë ja ja'ay jyot wyinma'anyëty mëti'ipë oyjyä'äy'ajtë ets ojts y'ooktë ets ja Dios ojts pyëjkta'akëtë oy wa'ats,

Hebreos 11:2

Ja nteety'ajt n'ap'ajtëmë ojts ja Dios tyukjotkëta'akëtë ko myëpëjktë.

Hebreos 10:38

Yë n'u'unkës mëtëy jyuuky'ata'any mëët ja mëpëjkën; jää tëy ko tyu'utëkatsëty ka'apës nëjkx oy näjyawëty.

1 Timoteo 3:7

Näyjyëtu'un wiinkutsë'ëkëtëp ja mëpëjkpëtëjk, këtiipë nyipäxëtëkëty ets ja mëjku'u yajtëkoyëtëty.

2 Corintios 5:18

Tu'kë'ëyë ya'atë, aak Dios jëtu'un të tuknipëjktakëtyä'äy, mëti'ipë mëët ja Kristë të xyajnämyë'oypyëjkëmën ets të xymyo'oyëm ja tuunk ets ja ja'ay ntuk'ëwa'anëmëty wi'ix yë tsyip y'äkë tyaj'oyëtëtyën.

Romanos 1:17

Ya'atë aaw ayuk oypyë yë'ë xytyukni''ijxëmë wi'ix ja Dios ja npoky'ajtëm xytyukniwatsmëtyën: mëët ja mëpëjkën tsyo'ontä'äky ets jëtu'un jyëjpkëxy. Jëtu'un ijxtëm ja Dios ja y'aaw y'ayuk këxja'ay myinyën: Ja wa'ats ja'ay mëpëjkën mëët jyuuky'ata'any.

Hechos 24:15

Nmëpëjkpyës ja Dios näjyëtu'un ijxtëm yë'ë tmëpëktën, ko ja Dios ja o'kpë jatëkok tyajjuukpyiky, mëti'ipë oy ka'oy të jyuuky'atën.

Hechos 22:12

Jam ënety tu'uk ja ja'ay mëti'ipë xyëëwajtypyën Ananías, yë'ë ja Moisés ja y'ënä'ämën pyatuunëp ets ni'ëmukë ja jutiis ja'ay mëti'ipë tsënaaytyëpën jam Damaskë oy nyimëtyä'äkyë.

Hechos 10:33

Paatyës yë nkukäjpxy ënätyë të nkexy ets mwowëtëty. Oy ko yë mëyajtën të xytyuny ko të mminy. E tyamts ëëts tu'ukmukyë nyajpaatë Dios wyintum ets yaj'amëtoow'ita'any ja aaw ayuk mëti'ipë ja Wintsën të mtuk'ëne'emyën etsës xytyuk'ëwaanëtëty.

Hechos 10:6

Jam jya'ajtä'äky ma ja tyëjkën ja wiinkpë ja Simón, po'oko'tsk tyuunk'ajtyp, jam winkon tsyëënë mejypyë'am.

Hechos 6:3

Mëku'uktëjkëty, tyam ëëts yajxon nikajpxtë ko xynyikajpxpätëty niwëxtujk ja ja'ay, mëti'ipë mtukmë'a'ijxëtëpën wijy kejy yajpaatëty ets mëti'ipë ja Kënu'kxymyëkajtën mooyëpën ja mëk'ajtën ets ja winma'any ets tuntëty tkajpxtëty mëti'ipë ja Dios tsyojkpyën. Yë'ë mtuknipëktëp ets ja näypyutëkë yë'ë tyajwa'kxtëty.

Juan 17:20

Dios Teety, ka'apës yi'iyëty nni'amëtow nnipëjktsowë mëti'ipë tyam mëpëjktëpën, näjyëtu'un mëti'ipë mëpëkantëpnëm ko tmëtowtëty ja aaw ayuk mëti'ipë yë'ë nyikajpxantëpën.

Juan 17:8

Tëës ntuk'ëwaanëtë ja ayuk mëti'ipës mijts të xymye'eyën ets tëë tkupëktë. Tëë tnijawëtë ko tëy jëtu'un ko jamës ntsoony ma mijtsën ets tëë tmëpëktë ko mijts të xykyexyës.

Juan 13:20

Tëy miits nëëmëtë, pën kyupëjkpy mëti'ipës nkejxypyën, nän ëjts ënety xykyupëjkp; ets pën xykyupëjkpës, nän yë'ë ënety kyupëjkpy mëti'ipës xykyäjxpën.

Juan 6:68

Ënet ja Simón Pedro y'ëtsooy: Wintsën, ¿Pën n'ëkninëjkxtëpës? mijts yë'ë mnimëtyäkpy ja juukyajtën xëmëkyëjxmëpë.

Juan 6:63

Ja Dios ja Jya'awën yë'ë ja juukyajtën yäjkpy, ka'ap tyuny mëti'ipë jam yë nyi'kx kyopkën. Mëti'ipë yam të ntukmëmëtya'aktën yë'ë mëti'ipë ka'ap yaj'ixyën je'eyëp ko yäjkpy ja juukyajtën.

Juan 5:24

Tëy miits nëëmëtë, pën xy'amëtoow'ijtpës ets tmëpëky mëti'ipës xykyäjxpën, pyaatëp y'ixëp ja juukyajtën xëmëkyëjxmëpë ets ka'ap yajpoky'ixëty, tëë ënety tu'knax ja o'kën ets tëë ënety tpaaty ja juukyajtën.

Lucas 23:50

Jam ënety tu'uk ja ja'ay oyjyä'äypyë ets wa'ats ja'ay, José xyëëwajtyp; Arimatea tsyoony, Judea y'itjotm. Jutiis ja'ay, jap tyuny ma ja tsajptëkotyëtë yajjuntëtuunpën. Tyaapë José jyëjp'ijxyp ënety jëna'a wyinkony ja Dios ja kyutujkën; ka'ap ojts oy t'ixy ko ja wintsëntëjk tyaj'o'ktë ja Jesús.

Lucas 2:25

Jam ënety tu'uk ja ja'ay tsyëënë Jerusalén, Simeónk'ajtp. Oy ets wa'ats jyuuky'äty ma Tiosën, wyintsë'këp ja Dios ets y'owëxijtyp jëna'a ja Israel ja'ay nyitso'oka'antën. Ja Simeón myëët'ajtyp ijty ja Kënu'kxymyëkajtën,

Marcos 8:38

Pën xytyuktsëtyuumpës ets pën ja n'aaw n'ayukës tyuktsëtyuumpy ma ya'atë pokyjyä'äyëtyën, näjyëtu'unës nëjkx ntuktsëtyuny koos jatëkok nminëty mëët ja nTeetyës ja myëj'ajt y'oyajtën ets ja y'anklëstëjk wa'atspë.

Marcos 6:20

Jä'ä ko nyija'ap ja Herodes ko mëtëy ja Juan kyäjpxy ets wa'ats ja y'aaw jyot, paaty ojts tkuwa'any. Oy ja y'aaw y'ayuk ojts tmëtoowë ets jotkujk nyäjyawëty ko ja Juan myëtyä'äky.

Mateo 1:19

Ja José, mëti'ipë Maria mëët ajaaymyuky y'ityën, oyjyä'äy ijty, ka'ap ojts t'ëxmatsa'any mayjyä'äy itkujky tsëtyu'unmëët, jëtu'un tjatukniwinma'ayëy ets ayu'utsy tja'ëxmatsany.

Habacuc 2:4

Jëtu'un xykyëxja'ajëty, ko yë ëxëëkja'aytyëjk amëj akëjxm nyäyjyawëtë e yë wa'ats ja'aytyëjk juuky wyë'ëma'antë ets juuky'atantëp mëët ko Dios oy tmëtuntë.

Oseas 14:9

Mëti'ipë ja'ay wijyën ets këpetyën wyinja'ap ya'atë aaw ayuk: Mëti'ipë yë Wintsën tyu'u'ajtypyën tëy yë'ë, yë wa'ats ja'aytyëjkëty yë'ë jëtu'unpë pyanëjkxtëp; e yë pokyjä'äytyëjkëty ko jää jyaye'eya'antë pojën y'anäpëtë.

Mateo 2:12

Ko ënety të t'ëkwintsë'ëkëtë ja mëxu'unk, tääts ojts yajtuk'ëwaanëtë kuma'ayjoty ko ka'ap nän jam y'ëkwinpijnëtëty ma ja Herodes. Tääts wyimpijnëtë ma wiink tu'ujën ets nyëjkxnëtë kyajpnjotm.

Lucas 9:26

Pën xytyuktsëtyuumpës ets n'aaw n'ayukës tuktsëtyuunë; näjyëtu'un tyuktsëtyuna'anyë ja naaxwiinyëtë ja'ay ja y'U'unk, ko ënety myiny mëët ja Dios Teety ets ja wa'ats anklëstëjk ja myëj'ajt y'oyajtën.

Hechos 10:21

Tääts ja Pedro jyënäjky ets t'ënëmaay ja Cornelio ja kyäjpxynyajxpëtëjkëty: Ëjts jëtu'un mëti'ipë miitsëty m'ixtaaytyëpën. ¿Tii mnimiintëp?

Hechos 10:30

Tääts ja Cornelio y'ëtsooy: Tyam mëmajktaxk xëëw ma ya'atpë horë yaa n'ayuu'atyës maas ntëjkën. Tiosës nja'amyejtsyp jënäkyxyëëw, ko ojts ajotkumonë n'ijxpaatyës tu'uk ja ye'etyëjk xywyintänës. Atë'kxp ajajp ja wyit kyëxë'ëky.

Apocalipsis 14:10

yë'ë ja ëyo'on yajmo'ojaanp jä'äkyëjxm ko ja Dios të tyajjotma'aty; jëtu'unts y'ëyowëty ma ja jëënyä'änk tyoyën mëët ja azufre, Dios y'anklëstëjk wyintum ets mëti'ipë yajtijpën Kupixyn U'unk wyintum.

Deuteronomio 30:13

Ëkë ka'ap jyamëty yajpaaty muum mejy winnaxy ets pën y'ëna'anëty: ¿Pën jëtää ya'atë mejy y'ëktuknaxëp ets nëjkx tyajtsoony ja ënä'ämën tëyajtën ets xytyuk'ijx xytyuknija'awëmëty tääts npatu'unmëty?