Hechos 10:15 - Biblia Dc en Mixe de Quetzaltepec

¹⁵ Ojts jatëkok tmëtoy ja ayuk ets y'ënëmaayë: Mëti'ipë Dios të tyajwa'atsyën, ka'ap tjëkyepy xytyijëty ëxëëk.

Biblia Mixe de Quetzaltepec

¹⁵ Ojts jatëkok tmëtoy ja ayuk ets y'ënëmaayë: Mëti'ipë Tios të tyajwa'atsyën, ka'ap tjëkyepy xytyijëty ëxëëk.

Hechos 10:15 ပူးပေါင်းရင်းမြစ်များ

Mateo 15:11

Mëti'ipë aawjoty tëjkëpën ka'ap yë'ëjëty ja'ay yaj'ëxëëkëty; yë'ë tëy mëti'ipë jap aawjoty pëtsëëmpën.

Marcos 7:19

jä'ä ko ka'ap jyapëty tyëkë ma jot winma'anyën, jap tyëkë, moxjoty ets ok pyëtsim ma jot nini'kxën. Yë'ë ojts tijy ko aak wa'ats ja jë'kxy pëky, ka'ayën ukën.

Hechos 10:16

Tëkëëk ok jëtu'un tmëtooy, ënät ja wit pya'tëjkënë tsajpjotm.

Hechos 10:28

Ënet ja Pedro y'ënäny: Ejxtëm xynyijawëtën, ka'apës ëjts yë n'ënä'ämën kyutuky ets jutiis ja'ay mëët ye'eymyuk nyajxmuktëty ja ja'ay mëti'ipë ka'ap jyutiisëty, nän ka'ap tjëkyepy tyëkëty ma tyëjkën. E tëëjës ja Dios xytyuknijawë ko ka'ap y'oyëty koos pën ntijëty ëxëëk.

Hechos 11:9

Ënet ojts jatëkok xymyëkäjpxyës: Ka'ap xytyijëty ëxëëk mëti'ipë Dios të tyajwa'atsyën.

Hechos 15:20

Nikë oy ko ja noky nkäjxmëty ets ntuk'ëwa'anëmëty ko yi'iyë ka'ap ja jëyujk tsu'utstëty mëti'ipë ëxëëkën, mëti'ipë ja tsaamëxan të yajtukwintsë'ëkën; ets näjyëtu'un ka'ap tkupëktëty ja pëjkën ukën ka'apë myëtëyëtyën, ets ko ka'ap tsu'utstëty ja jëyujk najts'ookëpë, ëkë ja yo'kpenypë, ëkë ja mëti'ipë kë'ëm o'kpën ets ja ne'pnymyëëtpë.

Hechos 15:29

ka'ap ja jëyujk xytsyu'utstëty mëti'ipë tsaamëxan të yajtukwintsë'ëkën, ka'ap ja ne'pyny xyjyë'kxtëty, ka'ap ja jëyujk xytsyu'utstëty mëti'ipë ka'anëm wyintaxynyëmën, ets ka'ap mëpaat xytyuunk'atë ja pëjkën ukën ka'apë myëtëyëtyën, ma ja wiink ye'etyëjk ëkë ja wiink to'oxytyëjk xymyëët'ajnëtën. Pën mpatuuntëp ya'atë, oypyë ënety mtuuntëp. Dios mkënu'kxëtëp.

Hechos 15:9

Dios y'aak oyjya'ap yë ja'ay, wä'än tpënëty, jä'äkyëjxm ko tëë ja pyoky yajknimä'kxtë ko të myëpëktë.

Romanos 14:14

Ëjts njanija'apës ko aak'oy aak wa'ats winë; ets yë'ëkyëjxmës jëtu'un n'ëna'anyës koos ja Jesús nmëpëky. E pën winmääpy ko tää ja jë'kxy pëky mëti'ipë ka'ap y'oyëtyën, jëtu'un ja myäy tyäjy ko ka'ap y'oyëty.

Romanos 14:20

Ka'ap mëpaat ja Dios ja tyuunk kyutëkoy ko tii yajjë'kxy yajpëky. Tëy ko aak wa'ats yë kääky uuky. Yë'ë tëy ka'ap y'oyëty ko jä'ä një'kxmëty mëti'ipë ja nmëku'uk'ajtëm ja myëpëjkën tukyajtëkooyëtëpën.

1 Corintios 10:25

Tsu'utstë miits ja tsu'utsy mëti'ipë to'këp ma ja tsu'utsytyo'ktaknën, ni xykyayajtëwtëty pën maa ja tsu'utsy tsyoony ets këtiipë poky yajjawëty ko xyjyë'kxtëty,

Tito 1:15

Pën myëët'ajtëp ja jyot wyinma'any wa'ats, aak wa'ats winë t'ixtë; e mëti'ipë ka'ap ja jyot wyinma'any y'oyëtyën ets ka'ap tmëpëktën ja Dios ka'ap tii wa'ats t'ixtë. Jä'ä ko ëxëëk ja jyot wyinma'any tmëët'atë.

Apocalipsis 14:20

Jëtu'unts ja tsatsymtsya'am yajwinma'atsy kajpnpë'am ets kom pyëtsiimy ja ne'pyny. Jëtu'un jyä'äjty ja ne'pyny ma ja kwaay ja y'ajäänë'ëkën, jä'ä wyinjëkämëty majk xëëw ye'eyën.