Hechos 1:5 - Biblia Dc en Mixe de Quetzaltepec

⁵ Tëy ko ja Juan yajnëëpejty mëët ja nëë, miitsëty tsojk mnëëpäta'antë mëët ja Kënu'kxymyëkajtën.

Biblia Mixe de Quetzaltepec

⁵ Tëy ko ja Juan yajnëëpejty mëët ja nëë, miitsëty tsojk mnëëpäta'antë mëët ja Kënu'kxymyëkajtën.

Hechos 1:5 ပူးပေါင်းရင်းမြစ်များ

Joel 3:18

Jä'ä xëëw yë tsatsymnyëë ets tsi'tsknëë pyëyë'ëka'antë tä mëjnëëjën jam tunkëjxm kopkëjxm ets ma Judá y'itjotmën; komnëë jam pëyë'ëkaanp wokjotm. Jam maas yë ntsajptëjkën jam yë nëë myuuta'any mëti'ipë Sitim itjot yajxookäämpyën.

Mateo 3:11

Nëë miits ntukyajnëëpäjtëp, ets yajnijawëty ko tëë ja mka'oywyinma'any xy'ëxmatstë. Temë tää tu'uk xypyaminyës mëti'ipë yajnëëpätaanpën mëët ja Kënu'kxymyëkajtën ets ja jëën. Yë'ë ni'ik ja kyutujkënmëëtëty këtiinëm ëjts, ni yë'ëjës xykyapaatë'aty wi'ixës kyë'ëk mpawijtsëty.

Mateo 3:6

Tmaaywyatstë ja pyoky ets ja Juan yajnëëpätëtë Jordán nëëjotm.

Marcos 1:8

Tëë miits nyajnëëpätë mëët yë nëë; yë'ë, Kënu'kxymyëkajtën mëët myajnëëpäta'anëtë.

Lucas 3:16

Tääts ja Juan y'ënëmaayëtë ni'ëmukë: Nëë mëët miits nyajnëëpätë, je'eyëp ko xypyamiinpës tu'uk ja ja'ay mëti'ipë myajnëëpätanëtëp mëët ja Kënu'kxymyëkajtën. Ka'apës ëjts xypyääty etsës ja kyë'ëk n'akäjëty.

Juan 1:26

Tääts ja Juan y'ëtsoowëtë: Nëë mëët nyajnëëpetyës; je'eyëp ko tää tu'uk ma miitsëtyën mëti'ipë ka'ap xy'ixy'atën,

Juan 1:31

Ka'apës ijty nijawë pën yë'ë, je'eyëp ko tëëjës nminy yajnëëpäjtpë nëë mëët ets Israel ja'ay ntuknijawëtëtyës.

Juan 1:33

Ka'apës ënety ëjts nijawë pën yë'ë, je'eyëp ko mëti'ipës xykyäjxën etsës nyajnëëpätëty nëë mëët, yë'ëjës xynyëmaay: Yë'ë mtuk'ixëp ko ja Kënu'kxymyëkajtën tyukëta'akëtëty ets nyäpyëjkta'akëtëty ma yë'ëjën, yë'ë ënety mëti'ipë nëjkx yajnëëpetyën mëët ja Kënu'kxymyëkajtën.

Hechos 10:45

Ja mëpëjkpëtëjkëty mëti'ipë ja Judá ijxpëjkën mëpëjkën tyuk'ijtëtyëpën, mëti'ipë ënety ja Pedro mëët të jya'tën, jä'ä ojts mëj'ixy t'ixtë ko ja'ayëty yajmo'otë ja Kënu'kxymyëkajtën mëti'ipë ka'ap jyutiis'atën,

Hechos 19:4

Tääts ja Pablo y'ënäny: Juan, yë'ë yajnëëpäjt ja ja'ay mëti'ipë ënety të jyotwinpitën ets t'ënëmaay ko tmëpëktëty ja Jesús, mëti'ipë minaanpën ix'ok.

1 Corintios 12:13

Yë'ëkyëjxm ko tëë ni'ëmukë nnëëpäjtëmë mëët ja Kënu'kxymyëkajtën paaty tu'ukyë nyajpatëmë ijxtëm ja ni'kx kopkën tu'ukyëpë, wä'än tjutiis ja'ayëty ëkë wä'än tkajutiis ja'ayëty, wä'än tmëtuunpëty ëkë tkamëtuunpëty.

Tito 3:5

ënät ojts xyajnitsokëm, ka'ap yë'ëkyëjxmëty ko oy tii ntu'unëmë, yë'ëkyëjxm ko ojts xypya'ëyo'owëmë ets të xymyo'oyëmë ja jempyë juukyajtën mëët ka kënu'kxymyëk'ajtën.