Hechos 1:3 - Biblia Dc en Mixe de Quetzaltepec

³ Tëë ënety y'ooky, ko jatëkok nyänyikëxë'kë juuky kanaak ok, ets jëtu'un ja y'ijxpëjkpëtëjk ojts tuknijawë ko juuky'ajtp ënety. Wëxtyikxy xyëëw ja y'ijxpëjkpëtëjk nyätyuk'ijxë, tukmëmëtyä'äky ja Dios ja kyutujkën.

Biblia Mixe de Quetzaltepec

³ Tëë ënäty y'ooky, ko jatëkok nyänyikëxë'kë juuky kanaak ok, ets jëtu'un ja y'ijxpëjkpëtëjk ojts tuknijawë ko juuky'ajtp ënäty. Wëxtyikxy xyëëw ja y'ijxpëjkpëtëjk nyätyuk'ijxë, tukmëmëtyä'äky ja Tios ja kyutujkën.

Hechos 1:3 ပူးပေါင်းရင်းမြစ်များ

1 Reyes 19:8

Tä ja Elías pyëti'ky ets kyääy y'uky. Tääpë ka'ayën ukën yë'ë ojts yajxon myëjaawmo'oyë ets tyu'uye'eyëty wëxtyikxy xyëëw wëxtyikxy tsyu'um koonëm jam jyä'äjty Horeb, ma ja Wintsën ja kyopkën.

Mateo 21:43

Paaty miits n'ënëëmëtë: Myajpëjkëjantëp ja tsajpjotmëtë kuttujkën ets yë'ë yajmo'oja'antë ja kajpn mëti'ipë ja pëjktä'äky oy yajpëtë'ëkëpën.

Mateo 28:9

Tääts ja Jesús ojts wya'këxë'ëky ajotkumonë ma yë'ëjëtyën ets ojts kyajpxpo'kxëtë, ënät ja to'oxytyëjkëty tmëwinkoontë ja Jesús ets ojts t'ëwtatë ets ja tyeky ojts tsu'kxëtë,

Mateo 3:2

ets y'ënä'äny: Ixmatstë ja mka'oywyinma'anyëty; tää wyinkony ja kuttujkën tsajpjotmëpë.

Mateo 4:2

Wëxytyikxyëëw wëxtyikxy tsyu'um ojts y'ity ayuu, ok ojts ya yuu pyäätyë.

Marcos 16:19

Ko ja y'ijxpëjkpëtëjk ojts jëtu'un tmëmëtyakta'ay, ënät ja Jesús pya'tëjkëy tsajpjotm; Dios ojts tuknipëjktaakë ets pya'tëkëty tsajpjotm ets nyaaxwe'tsy ma ja Dios ja y'a'oykyë'ëjën.

Juan 20:26

Kom tuktujk xëëw, tëë ënety ja Jesús ja y'ijxpëjkpëtëjk jatëkok jam ye'eymyuktë tëkotm, tam ënety ja Tomás näjyëtu'un yajpaaty, ëtuky ja tëjk'aaw tyaj'itë. Ënet ja Jesús nyänyikëxë'kë, itkujky ojts wya'ak'oyë ets ojts tkajpxpo'kxy ja y'ijxpëjkpëtëjk, ets t'ënëmaay: Jotkujk yajpaatë.

Juan 21:1

Ko jëtu'un tyuuntaay jyajtaayë, ënät ja Jesús ojts jatëkok nyänyikëxë'ëkyë ma ja y'ijxpëjkpëtëjkën jam Tiberias mejypyë'am. Jëtu'un ojts tyunyë jyätyë:

Juan 21:14

Mëtëkëëk'ok ënety ja Jesús nyänyikëxë'ëkyë ma ja y'ijxpëjkpëtëjkën maju'unëm jyuukpyikyën.

Hechos 13:31

Ets komjeky jatëkok t'ijxtë mëti'ipë ënety tëë mëët jyëtitën ko tsyo'ontë jam Galilea ets ojts nyëjkxtë Jerusalén. Mëti'ipë y'ijxtën ja Jesús ko tëë jyuukpyiky, yë'ë tyam yajtëytyëjkëtyëp ma ja ja'ayëtyën.

Hechos 19:8

Tëkëëk po'o ja Pablo jam y'ijty ets xëmë ijty nyijkxy ma ja tsajptëjkën jam Éfeso, tukmëmëtyä'äky ja ja'ay ja Dios ja y'aaw y'ayuk amëk jotmëk, ets ja ja'ay tjatukmëpëka'any wi'ix ja Dios ja kyutujkënën.

Hechos 28:23

Ënet tkäjpxy'ajtë jëna'a jatëkok ye'eymyuka'antë. Ko tpaty ja xëëw ets ja ja'ay nimay ye'eymyujktë ma ja Pablo ënety të jyajtä'äkyën. Ënet ja Pablo tyëjkëy mëtyakpë, jëtu'un kyutsu'ujëy, tuk'ëwaanë ja ja'ay wi'ix ja Dios ja kyutujkën. Jä'ä tyukmëmëtyak ja Moisés ja y'ënä'ämën ets wi'ix ja Dios ja kyäjpxynyajxpë y'ëna'antën, jëtu'un ojts tjatukmëpëka'any ko Jesús yë'ë jëtu'un Kristë.

Hechos 28:31

Ja Pablo ëwaatsëtum jam yajpaty ets ja Dios ja kyutujkën tkajpxwa'kxë; nimëtyä'äky wi'ix ja Wintsën Jesukristë ja y'ijxpëjkën y'ixëtyën ets ni pën ijty kyayajjotkëxyë.

Hechos 8:12

Ko ja Felipe ojts nimëtyä'äky ja aaw ayuk oypyë mëti'ipë ja Dios kyutujkën'ajtypyën ets näjyëtu'un nimëtyäky ja Jesús ja jyä'ä, tääts tmëpëjktë mëti'ipë ja Felipe kyäjpxypën ets nyëëpäjtë ye'etyëjk to'oxytyëjk.

Romanos 14:17

Ka'ap yë'ëkyëjxmëty jam m'itë ma Dios ja kyutujktaknën ko tii xykyäytyë xy'uuktë, jä'äkyëjxm jam m'itë ko xytyuntë xykyajpxtë mëti'ipë paat'ajtëpën, wi'ix xymyëët'attëty ja jotkujk'ajtën ets ja xoontakën mëët ja Kënukxymyëkajtën.

Deuteronomio 9:18

Täätsës ntëjkëy nu'kxtakpë ma ja Wintsënën, mëk'äämpyës njantymyëkäjpxy jëtu'un tä ënety kanaak'ok të ntunyësën; wëxtyikxy xyëëw wëxtyikxy tsu'umës n'ijty ayuu. Nitii ojts nkajë'kxyës ets ni tu'ktsunyën ja nëë nka'ukyës, mëëtkyëjxm ja mpokyëty mëti'ipë ënety të xytyuuntëkoytyën, ko ja Wintsën xyajjoot'anpëjktë.

Deuteronomio 9:9

Ënätës jam npejty kopkkëjxm maas ojts n'ëxajën ja tsaatsetsy, ma ja Wintsën tkëxjaayën ja y'aaw y'ayuk, mëët ko ja käjpxytyu'unën tuuny mëët miitsëty. Jä'äjës jam njaak'ijty wëxtyikxy xyëëw wëxtyikxy tsyu'um.

Colosenses 1:13

Tëë ja Dios xyaj'ëwa'atspëtsë'ëmëm ma ja ku'oypyë yajkutukyën ets tëë xypyëjktakëm ma yajkutukyën ja y'U'unk, mëti'ipë ni'ik tsyojkpyën.

1 Tesalonicenses 2:12

Tëë njotmëkwinkajpxëtë, tëë nyajjotkujk'atë ets tëë ntukmënu'kxta'aktë wi'ix mja'ay'atëty ijxtëm pyaat'atyën mëti'ipë jä'ä''ajtëtëpën ja Dios, mëti'ipë të myaxtsowëtë ma yajkutukyën ets ma ja myëj'ajt y'oyajtënën.

1 Juan 1:1

Yë'ë miits yam ntuknija'ayëtëp ma yajnimëtyä'äkyën mëti'ipë ijty jää'ajtpën ma winë tsyo'ontäkyën, mëti'ipë të n'ijxëmën, të nmëto'owëmën ets të nto'on të nmajtsëmën.