Hechos 1:26 - Biblia Dc en Mixe de Quetzaltepec

²⁶ Tääts t'ijxpëtsëëmtë suertëjoty pën tuka'ajëp. Ja Matías ojts tyuka'ayë ja tuunk ets jam yajkuja'ayëy ma ja nimajk tu'ukpë ja ijxpëjkpëtëjkën.

Biblia Mixe de Quetzaltepec

²⁶ Tääts t'ijxpëtsëëmtë suertëjoty pën tuka'ajëp. Ja Matías ojts tyuka'ayë ja tuunk ets jam yajkuja'ayëy ma ja nimajk tu'ukpë ja ijxpëjkpëtëjkën.

Hechos 1:26 ပူးပေါင်းရင်းမြစ်များ

1 Crónicas 24:5

Ja tuunk mëti'ipë ojts nyikääkëtën këëkjä'ä, aak ijxpëtsëmy tnija'awëtyë, jam ma ënety jëtu'un të yajma'kxtën tam ja ja'ayëty mëti'ipë ja ëmaaytyuunk të yajtuknipëktën ma ja Dios tmëtuntëtyën.

Nehemías 10:34

Ëpëky ja teetytyëjkëty, Leví ja'ayëty ets ja naax kajpnëty, ninu'un tyu'ukjuuky'at tyu'ukmëku'uk'atën, ojts yaj'ijxpëtsëmy ets nyikäkëtyääyëtë ja ja'ay pënjaty tuka'ajëpën winjëmëjt ja ja'axy tyajminëty ma ja Tëyajtën ja tsyajpjëën tsyajptëjkën ets yë'ë yajno'okëty ma ja nWintsën'ajtëm Dios ja wyintsë'këntyaknënta, tä jap myinyën kuja'ay ma ja ënä'ämën tëyajtënën.

Nehemías 11:1

Ja kutuunktëjkëty ojts jam jya'të Jerusalén; ja naax kajpn ojts twin'ixtë ja ja'ay pënjaty nëjkxëpën jam Jerusalén, ets tu'ukjaty yajwinju'të ma tu'ukja'aypyën ets nëjkx jam tsyënaaytyaknpëky Jerusalén, ma ja kajpnën mëti'ipë kënu'kxyën ets wa'atsën, e ja nitaxtujkpëty jam ywë'ëmtëty kajpntum ma ja kajpn mutskëtypyën.

Proverbios 16:22

Mëti'ipë ja'ay oy tsuj määpy tajpën, oyëty ja jot winma'any tyäky, e mëti'ipë ja ja'ay tsuujën, ¿tii winma'any oy y'ëkyakëp ma ja myëtsuutëjkën?

Proverbios 16:33

Yë naaxwiinyëtë ja'ay yaj'ijxpëtsëëmëp wi'ix yë xyëëw jyuukyajtën myinyën, yë Wintsën yë'ë nyija'ap wi'ix të tuknipëjktaakë.

Jonás 1:7

E ja ja'ayëty mëti'ipë yajye'eytyëpën ja kepy nëëwinye'epyë, jëtu'un nyäy'ënanëtë nixim niyam: Tsojk n'ijxpëtsë'ëmëmë suertëjoty ets nija'awëmëty pën yë poky myëët'ajtyp ko ya'atë ëyo'on tyunyë jyätyë. Ënet t'ijxpëtsëëmtë suertëjoty, Jonás ojts tyuka'ayë ja suertë, yë'ëtëm ënety pokymyëët.

Marcos 6:30

Tääts ja ijxpëjkpëtëjk ye'eymyujktë mëët ja Jesús ets tukmëmëtyaktaaytyë tiijaty ënety të tuntën ets tii ënety të tuk'ijxpëktën ja ja'ay.

Hechos 1:23

Ënet twin'ijxtë ja ja'ay nimäjtsk ets tu'uk wyinkëta'akëty. Tu'uk txëëwaty José Justo, mëti'ipë näjyëtu'un yajtijpën Barsabás ets tu'uk Matías xyëëwajtyp.

Hechos 13:19

Tääts ojts tyajkutëkoy wëxtujkpëky ja naax kajpn mëti'ipë ijtën Canaán ets ja nteety'ajt n'ap'ajtëmë yajmooytyë ja naax.

Hechos 2:14

Ënet ja Pedro wya'kujkëy mëët nimajktu'uk ja myëku'uktëjk, tä mëk kyajpxtso'ontäky mayjyä'äyjoty: Miitsëty, Israel ja'ayëty ets ni'ëmukë mëti'ipë yaa tsënaaytyëpën Jerusalén; mëtowtë ets ja'akyukëtë yajxon mëti'ipë yam ntukmëmëtya'akantëpën.

Josue 14:2

Ojts ja it naaxwiinyëtë tyajwa'kxtë ijxpëtsëmy, ja taxtujk ja kujkmëpë ja naax kajpn, jëtu'un tä ënety Wintsën të tuk'ëne'emyën ja Moisés.

Josue 18:10

Ënet ojts ja Josué tyajwä'kxy ja naaxwiinyëtë jam Siló ma ja Israel ja'ayëtyën, t'ijxpëtsëmtë mëët ja xyëëw pyo'o Dios wintum jënu'un tu'kpëky ja ja'ay pyäätyën.

Apocalipsis 21:14

Ja potsy mëti'ipë nyapots'ajtypyën ja kajpn, majkmäjtsk ja tsaa tmëëtëty mëti'ipë y'ëjx'ajtypyën. Japts kyuja'ayëty ja Jesús ja y'ijxpëjkpëtëjk ja xyëëwëty.