Hechos 1:15 - Biblia Dc en Mixe de Quetzaltepec

¹⁵ Näy jää tiempo ja Pedro ojts wya'këxë'ëky ma jam ja mayjyä'äyën; nimëko'px ja i'px ënätyëty jam ets y'ënäny:

Biblia Mixe de Quetzaltepec

¹⁵ Näy jää tiempo ja Pedro ojts wya'këxë'ëky ma jam ja mayjyä'äyën; nimëko'px ja i'px ënätyëty jam ets y'ënäny:

Hechos 1:15 ပူးပေါင်းရင်းမြစ်များ

Mateo 13:31

Ojts näjyëtu'un yë Jesús tnimëtyä'äky ya'atë ijxpäjtën: Jëtu'un ja tsajpjotmëpë kuttujkën ijxtëm ja mostasë pajkën mëti'ipë tu'uk ja ja'ay nyipën kyamjotm.

Lucas 22:32

je'eyëp ko tëëjës ja Dios nmënu'kxtä'äky ets ja mmëpëjkën ka'ap tyëkoy'atëty ets ko mjootwinpitëty mëët ëjts, jotmëkwinkajpxë ja mjëëky mmëku'uk.

Juan 14:12

Tëy miits nëëmëtë, pën xymyëpëjkpës, tyunëp näjyëtu'un ja tuunk mëti'ipës ntuunpyën; ets tyunëp ja tuunk jaakmëjpë, yë'ë koos jap nnëjkxy ma ja Dios Teetyën.

Juan 21:23

Ets ja ayuk ojts ye'eywyä'kxy ma ja mëpëjkpëtëjkën ko ya'atë ijxpëjkpë ka'ap ënety y'ooka'any. E ja Jesús ka'ap ënety jëtu'un të y'ënä'äny ko ka'ap y'ooka'any: Jä'ä ënety të y'ënä'äny: Pën ntsojkpyës ets jyuuky'atëty jääpaat maajës ënety nwinpityën, ¿ka'ap kyopkpëkyëty ets mijts xynyijawëty?

Hechos 10:23

Tääts ja Pedro tyajja'ajtäky ma jam y'ityën ets jam ja tsuu tyajnajxtë. Komjëpom tsyo'ontë ets ja Pedro jënaakën jyämyëët'ajtëtë ja mëpëjkpëtëjkëty mëti'ipë jam tsënaaytyëpën Jope.

Hechos 11:1

Ja ijxpëjkpëtëjkëty ets ja mëpëjkpëtëjkëty mëti'ipë jamëtyën Judea y'itjotm ojts nijawëtë ko ja ka'apë jyutiis'atën tëë ënety tmëpëktë ja Dios ja y'aaw y'ayuk.

Hechos 11:12

Ënet ja Kënu'kxymyëkajtën xynyëmaayës etsës ja kukäjpxy mpanëjkxëty ets ka'apës n'amäjtsk njotmäjtskëty. Ojts näjyëtu'un xypyanëjkxtës ya'atë nitëtujkpë mëpëjkpëtëjk. Ets ni'ëmukë ntëjkëtyës ma ja Cornelio ja tyëjkën,

Hechos 11:26

Ko tpaty, tää ojts twoy jam Antioquía. Jam ojts y'itë kä'pxy tu'kjëmëjt mëët ja mëpëjkpëtëjkëty ets ja ja'ay may tyaj'ijxpëjktë. Jam Antioquía ojts ja mëpëjkpëtëjk ëka'any yajtijtë Cristianë.

Hechos 11:29

Ënet ja mëpëjkpëtëjk tkäjpxy'ajtë ko ja myëku'uktëjk tuknikäxa'antë ja putëjkën mëti'ipë tsënaaytyëpën jam Judea; jëtu'un tyajktë winë ijxtëm pën myëtä'äkyën.

Hechos 12:17

Je'eyë ja Pedro ojts ja kyë'ë tyaj'ixyë ets amonyë y'itëty. Tää myëtyaktso'ony wi'ix ënety ja Wintsën të yajpëtsëmyën jap pujxn tëkoty. Tää jyaak'ënany: Tuk'ëwaanëtë ja Santiagë mëët ja nmëku'uk'ajtëmë, wä'än tnijawëtë. Ko jëtu'un tnimëtyaktaay, tää jam tsyo'ony ets ojts nyijkx wiinktsow.

Hechos 14:2

Ja jutiis ja'ayëty mëti'ipë ka'ap myëpëktën ojts t'akajpxëtë ja ja'ay mëti'ipë ka'ap jyutiis'atën ets tyajwinmaaytyëkajtstë ets tmëtsiptsoontëty ja mëti'ipë ënety të myëpëktën.

Hechos 15:1

Näy jä'ä tiempo, ja ja'ayëty tsyo'ontë Judea ets nyëjkxtë jam Antioquía mëti'ipë yaj'ijxpëjktëpën ko ka'ap pën tpaatëty ja nitsokën pën ka'ap yajnatsujk'ëwtitë ja ye'etyëjkajtën ijxtëm ja Moisés ja y'ënä'ämën y'ënä'änyën.

Hechos 15:3

Tääts ja mëpëjkpëtëjkëty ja Antioquíapë yajpaatën ojts kyäjxtsoonëtë ets ojts nyëjkxtë Fenicia ets Samaria. Jamts tkajpxtë tmëtyaktë wi'ix ja y'ëxëëk winma'any të t'ëxmatstën mëti'ipë ka'ap jyutiis'atën ets wi'ix ënety të tmëpëktën ja Dios ja y'aaw y'ayuk. Tääts ja myëku'uktëjk xyoontaktë ko jëtu'un tmëtoowtë.

Hechos 16:2

Ja Timoteo, oy nyikäjpxyë ja mëpëjkpëtëjk mëti'ipë tsënaaytyëpën jam Listra ets Iconio.

Hechos 16:40

Ko pyëtsëëmtë pujxn tëkoty ets ojts nyëjkxtë ma ja Lidia ja tyëjkën. Jamts mëët nyäpyaatëtë ja mëpëjkpëtëjkëty. Ojts tjotmëkmo'ojtë, tää jam tsyo'onëtë.

Hechos 17:10

Ko kyootsëy, ënätyë ja mëpëjkpëtëjk tnajtskäjxëtë ja Pablo ets ja Silas jam Berea. Ko jam jyajtë, ënät ojts nyëjkxtë ma ja jutiis ja'ayëty ja tsyajptëjkëtyën.

Hechos 17:14

Ënet ja mëpëjkpëtëjk ënätyë kyäjxtso'onëtë ja Pablo, ets nyëjkxëty maatsow ja mejypya'ajën yë Silas ets Timoteo ojts wyë'ëmtë jam Berea.

Hechos 17:6

e ko ka'ap tpatë ja Pablo ets ja Silas jap tëkoty, ënät tyajtso'ontë ja Jasón mëët ja wiinkpë ja mëpëjkpëtëjkëty; witsy jëtuty jam tyajtso'ontë, ets tukyax tukjojkëtë: Ya'atë ja'ayëty tëë tyajma'ta'atë yë naax kajpn naaxwiinyëtë apëtsëmy, e tëë yaa näjyëtu'un myintë,

Hechos 18:18

Ënet ja Pablo ojts jyaak wë'ëmy kanaak xëëw jam Corinto. Ok ojts nyäjyëkajpxënë ma ja mëpëjkpëtëjkëtyën, ets mëët ja Priscila ets Aquila tyëjkëy jap kepy nëëwinye'epyëjoty ets nyëjkxtë jam Sirië y'itjotm. Jam Cencreas, jam ojts nyäkyukeepyë, ka'anëm ënety tyëkë kepy nëëwinye'epyëjoty, jä'ä ko ojts tja'amyetsy ko ënety jëtu'un ja waantakën të tpëjktä'äky.

Hechos 18:27

Ko ja Apolo nyëjkxany jam Acaya, ënät ja mëpëjkpëtëjk ojts jyotmëkwinkajpxëty ets nyëjkxëty jam, ets tnija'ayëtë ja mëpëjkpëtëjk ets oy tsuj tkupëktëty ja Apolo. Ko ja Apolo jam jyä'äjty, ojts mëkk tputëkë ja mëpëjkpëtëjkëty, mëti'ipë ënety ja Dios të tsyokëtën.

Hechos 21:17

Koos jam nja'ajtë Jerusalén, jotkujk ja mëpëjkpëtëjk ojts xy'ëxajëtës.

Hechos 21:20

Ko jëtu'un tmëtoowtë, tää ja Dios tmëjja'aw tjaantyjya'awëtyë ets ja Pablo t'ënëmaaytyë: Mëku'uk, tää xy'ixy ko yë jutiis ja'ayëty nimay tmëpëktë yë Jesús, e yë'ëty jëtu'un y'ëna'antë ko kopkpëky ko ja Moisés ja y'ënä'ämën yajpatunëty.

Hechos 21:7

Täätsës ntso'ontë Tirë, etsës nja'ajtë Tolemaida. Jamës ojts nkajpxpo'kxtë ja mëku'uktëjkëty mëti'ipë mëpëjktëpën, ets jam ojts mëët nwë'ëmtës tu'kxëëw.

Hechos 22:5

Ets teety wintsën, mëët ni'ëmukë ja tsajptëkotyëtë yajuntë'ajtpë, yë'ë y'ijxtëp nyija'awëtëp koos nnëjkxy Damaskë. Yë'ës ja noky ijty xymooytyëp ets ja'ay nyajmintëtyës yaa Jerusalén ets yajtëytyuntëty.

Hechos 28:14

Jamës npatë ja mëpëjkpëtëjk. Ënet y'ëna'antë etsës jam mëët nwë'ëmtëty tu'ksëmaan. Jamës ye'epy ntso'ontë etsës nja'ajtë Roma.

1 Corintios 15:6

Ok ojts nyänyikëxë'ëkyë ma ja nimëkoxk mëko'px naxypyë ja mëpëjkpëtëjkëtyën. Tää nimay jyuuky'atënëm, jënaakën tëë y'o'knëtë.

Apocalipsis 11:13

Ënätyë ja ujx myiiny mëk ets niwëxtujk mil ja ja'ay y'o'ktë ko tu'kpëky ja majk pëkpyë kajpn kyuja'awnajxy mëët ja ujx, e ja ja'ay mëti'ipë ka'ap y'o'ktën, yajxon tsyë'ëkëtë ets tmëja'awëtyë ja Dios ja tsajpjotmëpë.

Apocalipsis 3:4

E jam Sardes, ma jam m'ityën, tam jënaakën mëti'ipë oy ets wa'ats ja'ay'ajtëpën, yë'ë yajpaatantëp mëët ëjts, ijxtëm pyaat'atëtën.