Hechos 1:14 - Biblia Dc en Mixe de Quetzaltepec

¹⁴ Ni'ëmukë ijty xëmë ye'eymyuktë ets ja Dios tja'amyätstë mëët ja Jesús ja myëkä'äx ets ja Maria mëti'ipë Jesús tyaak'ajtypën ets ja to'oxytyëjkëty wiinkëtypë mëët.

Biblia Mixe de Quetzaltepec

¹⁴ Ni'ëmukë ijty xëmë ye'eymyuktë ets ja Tios tja'amyätstë mëët ja Jesús ja myëkä'äx ets ja Maria mëti'ipë Jesús tyaak'ajtypën ets ja to'oxytyëjkëty wiinkëtypë mëët.

Hechos 1:14 ပူးပေါင်းရင်းမြစ်များ

Efesios 6:18

Këtii xy'ëxmatstëty ja Dios ja'amyäjtsën, mënu'kxta'aktë ets amëtowtë pëjktsowtë ja Dios xëmë, wi'ix ja Kënu'kxymyëkajtën mwinma'anymyo'ojëtëty. Jëjp'ixy näyaj'itëtë. Xëmë ninu'kxta'aktë ja Dios ja kyajpn.

Hechos 6:4

Ëëtsëty minës yë Dios n'ëkja'amyätstë ets minës n'ëknikajpx n'ëknimëtya'aktë ja Dios ja y'aaw y'ayuk.

Colosenses 4:2

Xëmë ja Dios xyjyä'ämyätstëty. Wijy kejy mnäyaj'itëtëty ets mo'otë ja Dios ja kukajpxën.

Hechos 2:42

Ets oy ojts tukjuuky'atë ja ijxpëjkën mëti'ipë nyimëtyaktën ja ijxpëjkpëtëjkëty. Tu'ukyë ijty ja tsajpkääky tyajkwa'kxtë ijxtëm ja Jesús tuuntäkyën mëët ja y'ijxpëjkpëtëjk ets ja Dios tja'amyätstë.

Romanos 12:12

Juuky'atë jotkujk ko xyjyëjp'ixtë ja oypyë ja juukyajtën. Mëtänëtë amëk jotmëk ja ëyo'on. Nijëna'a ja Dios ja'amyäjtsk xykya'ëxmatstëty.

Lucas 18:1

Tääts ja Jesús tnimëtyäky mëët tu'uk ja ijxpäjtën wi'ix kyopkpëkyëtyën ko ja'ay wyanë tsyowë ets ka'ap kyumay kyutajëty.

Mateo 21:22

Pën mmëpëjktëp, myajmo'otëp tu'kë'ëyë tii m'amëtoowtëp ko Dios xymyëkajpxtëty.

Hechos 2:1

Ko ja pentecostés xëëw tpaty, jää ënety ni'ëmukë të ye'eymyujkta'atë ja mëpëjkpëtëjk ma tu'uk ja tëjkën.

Lucas 11:13

Oy miits ëxëëk mjaja'ay'atë, mjajtëp ja m'u'unk xymyo'otëty mëti'ipë oyën, ets wi'ix ja mteety tsajpjotmëpë tkamo'ojëty ja Kënu'kxymyëkajtën mëti'ipë amëtoowëpën.

Hechos 2:46

Jëpom jëpom ijty nyiye'eypyätë ma ja tsajptëjkën ets ma ja tyëjkëtyën ets ja tsajpkääky tujkwa'kxtë ets ijty xoontä'äky kyäytyë y'uuktë yujy tëtä'äky.

Lucas 24:53

Jëpom jëpom ënety jyam'atë ma ja mëjtsajptëjkën, tmëjjaw tjaantyjawëtë ja Dios.

Mateo 12:46

Tamnëm ënety ja Jesús ja mayjyä'äy tmëëtmëtyä'äky ko myiintë ja tyaak ets ja myëkä'äxtëjk. Jäpyë tëjk ëkë'p ojts wyë'ëmtë, Jesús myëkajpxantëp.

Lucas 24:10

Ja Maria Magdalena, Juana ets Maria, mëti'ipë Santiagë tyaak'ajtypën ets ja wiinkëtypë to'oxytyëjkëty, yë'ë ojts tmënëjkxtë ja mëtyä'äky ets tukmëmëtyaktë ja ijxpëjkpëtëjk.

Lucas 23:55

Ja to'oxytyëjkëty mëti'ipë ënety të tsyoontën mëët ja Jesús jam Galilea, yë'ë ojts nyëjkxtë mëët ja José ma ja Jesús nyaaxtëjkëyën ets t'ijxtë wi'ix jap tpëjktaktë ja Jesús ja nyi'kx kyopk.

Lucas 23:49

Ni'ëmukë ja ja'ayëty mëti'ipë ja Jesús y'ixy'ajtëpën, ja to'oxytyëjkëty mëti'ipë pyatso'ontën jam Galilea, jam jëkäm tyänëtë ets t'ixtë tii tuunëp jajtëp.

Marcos 16:1

Ko ja po'kxënxëëw nyäjxy, ënät ja Maria Magdalena ets ja Santiagë tyaak, mëët ja Salomé ojts tjuytyë ja pa'akxu'kpë nëë ets ja Jesús nyi'kx kyopk tuknikuutsanëtë.

Marcos 15:40

Jam ja to'oxytyëjkëty jëkäm y'ijx'itë. Tam ënety ja Maria Magdalena, ja Salomé ets ja Maria mëti'ipë tyaak'ajtypën ja Santiagë ets ja José.

Mateo 27:55

Jam jëkäm tam may ja to'oxytyëjk t'ixtë, mëti'ipë ja Jesús pyatso'ontën jam Galilea ets ënety të tputëkëtë.

Lucas 24:33

Tääts ënätyë ojts nyëjkxtë jam Jerusalén ets jam tpatë nimajktu'uk ja ijxpëjkpëtëjk ets mëti'ipë ënety jam mëët të ye'eymyuktën,

Lucas 8:20

Tääts ja Jesús yajtuk'ëwa'anëy: Tap tëjk ëkë'p ja mtaak ets ja mmëkä'äxtëjk tyänëtë, mijtsëk m'ixanëtëp.

1 Corintios 14:13

Jëtu'unts, pën kyäjpxyp ja wiink ayuk, wä'än t'amëtoy ja Dios ets tkajpxtë'kxëty mëti'ipë kyäjpxypën.