Hechos 1:13 - Biblia Dc en Mixe de Quetzaltepec

¹³ Ko jyajtë jam kajpnjotm, tääts pyäjtë tëjkëjxm ma jyajta'aktën. Tap ja Pedro, Juan, Santiagë, Andrés, Felipe, Tomás, Bartolomé, Mateo; Santiagë, mëti'ipë Alfeo y'u'unk'ajtypyën; Simón, mëti'ipë ja zelotë winma'any tyuk'ijtëpën ets ja Santiagë, mëti'ipë Judas y'u'unk'ajtypyën.

Biblia Mixe de Quetzaltepec

¹³ Ko jyajtë jam kajpnjotm, tääts pyäjtë tëjkëjxm ma jyajta'aktën. Tap ja Pedro, Juan, Santiagë, Andrés, Felipe, Tomás, Bartolomé, Mateo; Santiagë, mëti'ipë Alfeo y'u'unk'ajtypyën; Simón, mëti'ipë ja zelotë winma'any tyuk'ijtëpën ets ja Santiagë, mëti'ipë Judas y'u'unk'ajtypyën.

Hechos 1:13 ပူးပေါင်းရင်းမြစ်များ

Hechos 20:8

Tëkëëk nipät ja tëjk ma ojts ye'eymyuktën. May ja kutë'kxn ënety jap tyoy.

Lucas 22:12

Yë'ë mtukni''ixëjanëtëp tu'uk yë tëkot jap ma tëjk mäjtsk nikë'ëpën ets jap ja a'ux tyunëtëty. Jap xynyipëjktaakëtëty tiijaty tunaanpën.

Marcos 14:15

Tääts tu'uk ja tëkot myajtuk'ixa'antë jap këjxy mëti'ipë apaatë ëwxijtpën. Japts miits ja a'ux xyaj'oyëtëty.

Marcos 2:14

Najxp ënety ja Jesús ko t'ijxpaty ja Leví, Alfeo y'u'unk. Tam ënety y'u'unyë ma yajkukëpetyën. Tääts ja Jesús t'ënëmaay ja Leví: Patso'onkës. Ënet ja Leví ënätyë wya'kujkëy ets ja Jesús tpatso'ony.

Santiago 1:1

Santiagë, Dios mëtuunpë ets ja Wintsën Jesukristë. Tkajpxpo'kxy ja Israel ja'ayëty, mëti'ipë yajpatëpën oymyaakajpnëty naaxwiinyëtë apëtsëmy.

Hechos 12:17

Je'eyë ja Pedro ojts ja kyë'ë tyaj'ixyë ets amonyë y'itëty. Tää myëtyaktso'ony wi'ix ënety ja Wintsën të yajpëtsëmyën jap pujxn tëkoty. Tää jyaak'ënany: Tuk'ëwaanëtë ja Santiagë mëët ja nmëku'uk'ajtëmë, wä'än tnijawëtë. Ko jëtu'un tnimëtyaktaay, tää jam tsyo'ony ets ojts nyijkx wiinktsow.

Hechos 2:38

Tää ja Pedro y'ëtsooy: Ixmatstë ja m'ëxëëk winma'anyëty, jootwinpitë ets mnëëpätëty tu'ukjaty Jesús xyëëwkyëjxm ets ja mpoky yajmä'kxtëty, ets näjyëtu'un ja Kënu'kxymyëkajtën myajmo'otëty.

Judas 1:1

Judas, Jesukristë myëtuunpë, Santiagë myëkä'äx. Tyam mkajpxpo'kxëtë jënu'un ja Dios Teety të mëkajpxëtën, mëti'ipë ja Jesukristë ijx'ijtëtëp këwent'ajtëtëp.

Gálatas 2:9

Paaty ja Santiagë, Pedro ets ja Juan, mëti'ipë ijty yajtijtëpën ko jam tnikopk'atë ja mëpëjkpëtëjk, yë'ë ojts tnijawëtë ko Dios ënety të tuny ja mëyajtën etsës xykyupëktëty, ëjts ets ja Bernabé. Jä'äkyëjxm ets yaj'ix yajnijawëty koos ënety të xykyupëktë ijxtëm ja myëku'ukëtyën ënät ojts tkäjpxy'atë etsës nëjkx ntuntë ma ja ja'ayëtyën ka'apë jyutiis'atën ets yë'ëjëty ojts wyë'ëmtë tuunpë ma ja jutiis ja'ayëtyën.

Gálatas 1:19

Ka'ap ojts pën wiinkpë oy ayukkajpxwa'kxpë n'ixyës, yi'iyë ja Santiagë, ja Wintsën ja myëkä'äx.

Hechos 15:13

Ko ja Pablo ets ja Bernabé kyajpxtaaytyë, tää ja Santiagë y'ënäny: Mëku'uktëjkëty, mëtowtë.

Hechos 4:19

Tääts ja Pedro ets ja Juan y'ëtsoowtë: Miits kë'ëm yajxon ëkwinmay ëkwintajtë pën paat'ajtëp Dios wyintuuy ko miits myajmëmëtowtëty ets Dios ka'ap.

Hechos 4:13

Ko ja kutuunktëjkëty t'ijxtë ko amëk jotmëk kyajpxtë ja Pedro ets ja Juan ets ko tnijawëtë ko ka'ap ënety maa të tni''ijxpëkëtë, mëjmëtoy ojts tmëtowtë; ënät nija'awëtyë ko yë'ë ja Jesús ja y'ijxpëjkpë.

Hechos 2:14

Ënet ja Pedro wya'kujkëy mëët nimajktu'uk ja myëku'uktëjk, tä mëk kyajpxtso'ontäky mayjyä'äyjoty: Miitsëty, Israel ja'ayëty ets ni'ëmukë mëti'ipë yaa tsënaaytyëpën Jerusalén; mëtowtë ets ja'akyukëtë yajxon mëti'ipë yam ntukmëmëtya'akantëpën.

Juan 21:2

Tam ënety ja Simón Pedro mëët ja Tomás mëti'ipë yajtijpën xeeny u'unk ets ja Natanael mëti'ipë kukajpn'ajtpën Caná, Galilea y'itjotm. Näy tam ja Zebedeo myaank ets nimäjtskpë ja Jesús ja y'ijxpëjkpë.

Juan 18:17

Tääts ja to'oxytyëjk tyajtëëy ja Pedro: ¿Këtii myijtsëty m'ijxpëjkpë'atyë tääpë ja'ayë? Ets ja Pedro y'ëtsooy: Ka'ap y'ëjtsëty.

Juan 11:16

Ënet ja Tomás, tu'uk ja Jesús ja y'ijxpëjkpë mëti'ipë yajtijpën Xeeny U'unk, yë'ë ojts t'ënëëmë ja myë'ijxpëjkpëtëjk: Ja'amtë ëëtsajtëm näjyëtu'un ets yë'ë mëët n'o'kmëty.

Marcos 14:33

Ojts twoownëjkxy ja Pedro, Santiago ets Juan. Tääts ja Jesús tyëjkëy moonpë tujkpë ets y'amutskëy,

Marcos 9:2

Komtëtujk xëëw ja Jesús mëët ja Pedro, Santiagë ets ja Juan pya'tëjkëtë ma tu'uk ja kopkën mëti'ipë këjxmën. Jamts ja Jesús ojts tyëkatsy ja wyiin jyëjp.

Marcos 5:37

Ka'ap t'a'ijxëy ets nimay pën pyanëjkxëtëty, yi'iyë wyoow Pedro, Santiagë ets Juan, yë Santiago y'uty.

Mateo 9:9

Ko ja Jesús jam tsyo'ony, ënät ojts t'ijxpaaty tu'uk ja ja'ay mëti'ipë xyëëwajtypyën Mateo. Jam ënety ja Mateo y'u'unyë ma ja Roma yajkutujkpë yajmëkëpetyën ets t'ënëmaay: Pamiinkës. Ënet ja Mateo wya'kujkëy ets tpatso'ony.

2 Juan 1:1

Ja mëjja'ay Juan, tyajnaxy ja kajpxpo'kxën ma ja mëpëjkpëtëjkëtyën mëti'ipë ja Dios të wyin'ixëtën. Mëjwiin këjää miits ntsoktë njawëtë ets näjyëtu'un ni'ëmukë mëti'ipë të tnijawëtën ja tëyajtën,

1 Corintios 15:7

Ok nyänyikëxë'kë ma ja Santiagën ets ma ni'ëmukë ja ijxpëjkpëtëjkëtyën.

Juan 14:22

Ënet ja Judas, ka'ap jyä'äjëty ja Iscariote, tyajtëëy: Wintsën, ¿tii ko mnanyikëxë'ëka'anyë ma ëëtsëtyën ets ka'ap ma ja ja'ayëtyën ka'apë myëpëktën?