Hebreos 9:4 - Biblia Dc en Mixe de Quetzaltepec

⁴ jap yajpaaty tu'uk ja wintsë'këntyakn aak pu'ts pujxnëmpë ma ja poom tyoyën ets tu'uk ja kaaxë aak pu'ts pujxnëmpë mëët y'oytyunyëtyën. Japts kaaxëjoty tu'uk ja tu'ts aak pu'ts pujxnëmpë mëti'ipë myëët'ajtypyën ja maná ets nän jap kaaxëjoty ja Aarón ja tyajk mëti'ipë ojts jyi'tspëkyën ets mäjtsk ja tsaa ma kyëxja'ayëtyën ja Dios ja kyäjpxytyu'unën.

Biblia Mixe de Quetzaltepec

⁴ jap yajpaaty tu'uk ja wintsë'këntyakn aak pu'ts pujxnëmpë ma ja poom tyoyën ets tu'uk ja kaaxë aak pu'ts pujxnëmpë mëët y'oytyunyëtyën. Japts kaaxëjoty tu'uk ja tu'ts aak pu'ts pujxnëmpë mëti'ipë myëët'ajtypyën ja maná ets nän jap kaaxëjoty ja Aarón ja tyajk mëti'ipë ojts jyi'tspëkyën ets mäjtsk ja tsaa ma kyëxja'ayëtyën ja Tios ja kyäjpxytyu'unën.

Hebreos 9:4 ပူးပေါင်းရင်းမြစ်များ

2 Crónicas 5:10

Ma ja kaaxën yi'iyë ënety jap ijtp mäjtsk ja tsaatsetsy ma ja tëyajtën ojts ja Moisés tkëxja'ayën jap Horeb, ja tsaatsetsy mëti'ipë ojts ja Wintsën tni'ënä'ämën y'oyëty mëët ko ënety ja käjpxytyu'unën të tuny mëët ja Israel ja'ayëty.

Éxodo 40:3

Jap xypyëjkta'akëty ja kaaxë, mëti'ipë myë'ijtypyën ja käjpxytyu'unën ets ënät xy'atëëytyukëty mëët ja wit'atëëytyuk.

Éxodo 26:33

Tääts ënät jam xykyëxtëyëty ja atëëytyuk ma ja nyijo'knën, jap jëxkë'ptsow xypyëjkta'akëty ja kaaxë, mëti'ipë myë'ijtypyën ja käjpxytyu'unën; ya'atë wit'atëëytyuk yë'ë yaj'ëwä'kxy'itëp ja wa'atspë ja tëkot mëët ja mëti'ipë ni'ikwa'atsën

Éxodo 34:29

Ënet ojts ja Moisés jam tsyo'onë ma ja Sinaí kopkën, mëët mäjtsk ja tsaatsetsy ma tkëxjaayën ja ënä'ämën tëyajtën, ko jam kyëtäky ma ja kopk'ëjxën, ka'ap ninu'un tja'awëy ko ja wyiin jyëjp atë'kxp, mëët yë'ëkyëjxm ko ja Dios ënety mëët të myëtyä'äky.

Apocalipsis 8:3

Ënet ja wiinkpë ja tsajpjotmëtë kukäjpxy ok jyaak miiny, yë'ë myëët'ajtyp yë jëën xijn, aak pu'ts pujxnpë, ets jam wya'ak o'oyëy ma ja wintsë'këntyaknën; ets yajmooy may ja poom ets jam wyintsë'kën'atëty ma ja wintsë'këntyaknën aak pu'ts pujxnpë, jam winkon ma jam Tios'ëwtatën ja naax kajpn tëëpë oy jyuuky'atën.

1 Reyes 8:21

Tëës näjyëtu'un ëpëky ja tyëjk nkojë ma ja Wintsën ja kyaaxë y'itëtyën, mëti'ipë myë'ijtypyën ja käjpxytyu'unën mëti'ipë tyuunën mëët ja n'ap'ajt n'ok'ajtëmë, ko tju'ty jap Egiptë.

1 Reyes 8:9

Jap kaaxëjoty yë'ë jap ja majkpë ënä'ämën kuttujkën mëti'ipë tsaakëjxy miinpën këxja'ay mëti'ipë Moisés y'ëxajëyën jam Horeb, jampë ojts yajkëxja'ayën ko Wintsën ja käjpxytyu'unën tuuny mëët ja Israel ja'ayëty.

1 Reyes 7:50

ja a'ukën, ja jëënjä'pn, ja tojkxjä'pn ja jëëntsijtk ets tëkokyë winë mëti'ipë ënety ja pu'ts pujxn mëët y'oytyunyëtyën. Näy pu'ts pujxn ënety mëët y'oytyunyëty ja pujxn mëti'ipë ja tëjk'akaj wyo'on'ijtypyën ma ja wa'atspë tëkotën, mëti'ipë jap tëkotyowën ets yë'ëpaat ja mëjtsajptëjk ja tyëjk'aaw.

Éxodo 39:35

ja kaaxë mëti'ipë myë'ijtypyën ja käjpxytyu'unën ets ja nyiwitsë, näjyëtu'un ja nyi'akë'ë;

Éxodo 31:18

Ko yë Dios ojts myëtyakta'ay mëët yë Moisés jam ma Sinaí kopkën, mäjtsk ojts yë Moisés yajmo'oy yë tsaatsetsy, ma tkëxjaayën ja ënä'ämën tëyajtën mëti'ipë ojts yë Dios kë'ëm timy'oytyunyën.

Éxodo 32:15

Tä ja Moisés ojts jam tsyo'onë kopkkëjxm, tam ja tsaatsetsy mäjtsk tkë'ëkë'ëy'äty, mëti'ipë aak tsaajën, ma ja ënä'ämën tëyajtën jam kyëxja'ayëtyën.

Éxodo 37:25

Besalel ojts tyajkojy yë poom yë wyintsë'këntyakn, yë'ë yajtuun yë acacië kepy, taxktatsk y'ixëty, tu'kkë'ënux myëjwiinëty ets jä'ä kyëjxmëty tu'kkë'ënux, tu'knax kyijpxyëty yë pya'a, ja nyiwaj tu'ukyë mëët nyämyätsyë ja wintsë'këntyakn.

Deuteronomio 9:9

Ënätës jam npejty kopkkëjxm maas ojts n'ëxajën ja tsaatsetsy, ma ja Wintsën tkëxjaayën ja y'aaw y'ayuk, mëët ko ja käjpxytyu'unën tuuny mëët miitsëty. Jä'äjës jam njaak'ijty wëxtyikxy xyëëw wëxtyikxy tsyu'um.

Deuteronomio 9:11

Ma ënety të nyäxyën wëxtyikxy xyëëw wëxtyikxy tsyu'um, ënätës ojts ja Dios xymyo'oy mäjtsk ja tsaatsetsy. Jä'ä mëti'ipë ja käjpxytyu'unën myëët'ajtypyën.

Apocalipsis 11:19

Ënet ja Dios ja tyëjk y'ëwatsy jam tsajpjotm ets n'ijxyës jap ja kaaxë mëti'ipë myë'ijtypyën ja käjpxytyu'unën, ënät ja wëtsuk të y'ëtëtstä'äky, ja aaw ayuk të yajmëtoy, ja ënääw të y'ënaantä'äky, të tyëkë ja naaxwiinyëtë yu'kxpë, të tsyëyuuypyiky ets të tyëkë mëk tëtsntuupë.