Hebreos 9:24 - Biblia Dc en Mixe de Quetzaltepec

²⁴ Jä'ä ko ja Kristë ka'ap jap tyëjkëy ma ja wit tëjkën mëti'ipë ja naaxwiinyëtë ja'ay të tkojtën, mëti'ipë je'eyë y'awinax'ajtypyën ja mëtëypyë ja tsajptëjk, ma tyam yajpaatyën Dios wyintum ets xëmë xynyinu'kxtakëmë.

Biblia Mixe de Quetzaltepec

²⁴ Jä'ä ko ja Kristë ka'ap jap tyëjkëy ma ja wit tëjkën mëti'ipë ja naaxwiinyëtë ja'ay të tkojtën, mëti'ipë je'eyë y'awinax'ajtypyën ja mëtëypyë ja tsajptëjk, ma tyam yajpaatyën Tios wyintum ets xëmë xynyinu'kxtakëmë.

Hebreos 9:24 ပူးပေါင်းရင်းမြစ်များ

Hebreos 12:2

Mpëjktakëm ja njoot'ajt nwinma'any'ajtëmë ma Jesusën, jä'ä ko yë'ë yäjkpy ets yajkä'pxyp ja nmëpëjkën'ajtëm. Ëyoow ja Jesús kruutskëjxm, ka'ap tmëjpëjktäky ja tsëtyu'un ko y'o'ky, jä'ä ko nyija'ap ënety ko ok y'ita'any ja xoontakën; tëë nyaaxweetsy aka'any'äämpy ma ja Dios ja kyutujktaknën.

Hebreos 9:23

Paaty ja wintsë'kën jyää'ajty ets wya'atstëty ja mëti'ipë y'awinax'ajtypyën ja tsajpjotmëpë; je'eyëp ko ja mëti'ipë tsajpjotmën, wäänë jaaktsoowpatp ni'ik ja wintsë'kën.

Hebreos 8:2

Jap ja tyuny ma ja mëtëypyën ets wa'atspë ja tsajptëjkën mëti'ipë ja Wintsën të tkojyën, ka'apë jyä'äyëtyën.

Juan 16:28

Jamës të ntsoony maajës ja nTeetyën ëts yaa naaxwiiny të nminyës, e tyamtsës n'ëxmatsy ya'atë naaxwiinyëtë etsës nnëjkxy jatëkok maajës ja nTeetyën.

Colosenses 3:2

Yë'ë mëmay mëtajtë ja tsajpjotmëpë, ka'ap yë'ëjëty mëti'ipë naaxwiinyëtën.

Romanos 8:33

¿Pën jëtää y'ëkni'ëënëp mëti'ipë ja Dios të twin'ixyën? Dios tëë kë'ëm tyajnaxy wa'ats.

Hechos 3:21

Yë Jesús tëë nyijkxy jam tsajpjotm ets jam tyam yajpaata'any koonëm ja Dios tyaj'o'oyëtya'ajëty winë, ijxtëm y'ënantën ja kyäjpxynyajxpëtëjk mëti'ipë tëëyëp juuky'ajtëpën.

Lucas 24:51

Tam ënety kyënu'kxëtë, tääts y'ëxmajtsëtë ets ja Dios yajpa'tëjkëyë tsajpjotm.

Marcos 16:19

Ko ja y'ijxpëjkpëtëjk ojts jëtu'un tmëmëtyakta'ay, ënät ja Jesús pya'tëjkëy tsajpjotm; Dios ojts tuknipëjktaakë ets pya'tëkëty tsajpjotm ets nyaaxwe'tsy ma ja Dios ja y'a'oykyë'ëjën.

Marcos 14:58

Tëës nmëtoy ko y'ënä'äny: Njijtë'ëkäämpyës yë mëjtsajptëjk mëti'ipë ja'ay të tkojtën ets tëkëëk xëëwës jatëkok nkoj'oyëjä'äny.

Éxodo 28:29

E paaty ko ënety yë Aarón jap tyëkë ma mëjtsajptëjkën mëët yë katsyjyän ets mëti'ipë winë mëët tuknipaye'eytyën, jam tnijän'atëty ets tmënëjkxëty ja xyëëw ja Israel ja y'u'unk y'ëna'k jam Wintsën wyintum ets yë'ë xëmë yajtukja'amyätstëp.

Apocalipsis 8:3

Ënet ja wiinkpë ja tsajpjotmëtë kukäjpxy ok jyaak miiny, yë'ë myëët'ajtyp yë jëën xijn, aak pu'ts pujxnpë, ets jam wya'ak o'oyëy ma ja wintsë'këntyaknën; ets yajmooy may ja poom ets jam wyintsë'kën'atëty ma ja wintsë'këntyaknën aak pu'ts pujxnpë, jam winkon ma jam Tios'ëwtatën ja naax kajpn tëëpë oy jyuuky'atën.

1 Pedro 3:22

mëti'ipë ojts pya'tëkën tsajpjotm ets nyaaxwe'tsy ma ja Dios Teety yajkutukyën a'oytsyow, ets yë'ë tyam y'ëne'empy ja anklëstëjk ets mëti'ipë ja mëk'ajtën ets ja kuttujkën myëët'ajtëpën.

Hebreos 9:9

Tu'kë'ëyë ya'atë yë'ë yajnikëxë'kpy wi'ix ja xëëw juukyajtën tyampë; mëti'ipë ijty ja ja'ay pyëjktaktëpën ets tukwintsë'ëkëtë ja Dios, ka'ap ja ja'ay ja jyot wyinma'any tyajkwatsë.

Hebreos 8:5

E ya'atë teetyëty jap tyuntë ma tu'uk ja tëjkën ma ja tsajpjotmëpë të nyikojtu'utyën. Ets yajnija'ap ko je'eyë të nyikojtu'uty, jä'ä ko ja Moisés ënety jam tkoja'any ja tsajptëjk, jëtu'un ojts ja Dios nyë'ëmxëty: Mëtoowkukë yajxon ets näjyëtu'un xykyojëty ijxtëm të ntuk'ixyën jam kopkëjxm.

Hebreos 6:20

ma ojts tyëkën tëëyëp ja Jesús ets ja në'ë tu'u tyaj'ëwatsy, jëtu'un nyäjxy xëmëkyëjxm Teety Wintsën, ijxtëm ja teety wintsën Melquisedec y'ijtyën.

Hebreos 1:3

Yë'ë kyujäjpy kyutë'kxyp ets yajknikëxë'kpy ja Dios ja myëj'ajt y'oyajtën. Jëtu'un ijxtëm ja Dios Teety, tim näjyëtu'un ja y'u'unk, ja y'u'unk tu'kë'ëyë winë wyijts'ijtääpy mëët ja y'aaw y'ayuk mëk'ajtënmëëtpë. Ko të xyajpokywyatsëmë, tääts të nyaaxweetsy tsajpjotm Dios pyë'aay aka'any'äämpy.

Juan 6:62

¿Tii tunëtëp jatëtëp ko xy'ixtëty ja naaxwiinyëtë ja'ay ja y'U'unk pya'tëkë jam tsajpjotm ma të tsyoonyën?

Zacarías 3:1

Ojtsës yë Wintsën wiinkpë kuma'ay xytyuk'ixy, yë'ëjës nwin'ijxyp yë Josué, mëti'ipë nyikopk'ajtypyën yë teetytyëjkëty, mëët tyänë Wintsën tsyajpjotmëtë kukäjpxy. Jam ma Josué pya'ajën, a'oytsyow, tam tyänë tu'uk tsajpjotmëtë kukäjpxy mëti'ipë je'eyë ni'ë'ënëpën.

Salmos 68:18

Mijts Dios, janty këjxm ojts mpety ets xyajnëjkxy ja mtsumjyä'äy; ojts ja'ay winë mmo'oyë, yë'ëpaat ja'ay mëti'ipë käjpxy kumëtoownajxtëpën ojts mwinkoxtänëty, Wintsën.

Éxodo 28:12

ets jam xykyëxpëjkta'ajëty ma ja kejky yä'äp ja nyitëëyë'ëkën yë'ë ya'atë tsaa jyä'ämyätstëp yë Israel ja'ayëty. Yë Aarón xëmë tmënëjkxëty yë Israel yë xyëëw, ko jam nyäwya'këxë'ëkëtëty ma Tiosën ets jëtu'un jyä'ämyätsëtëty.

Mateo 18:10

Këtii pi'k ëna'k jëkäm xypyëjkta'aktëty. Jä'ä ko yë'ëty myëët'ajtëp yë y'anklësëty jam tsajpjotm mëti'ipë yajpatëpën xëmë Dios wintum.

2 Corintios 5:1

Jëtu'un ëëtsajtëm tä tu'uk ja tëjkën naaxwiinypë yajpaatyën, tä wit tëjkën mëti'ipë ka'ap jeky y'ityën; je'eyëp ko nnija'awëm pën ya'atë tëjk wintëkoopy, tap ja Dios xytyukjëjp'ijxëm tu'uk ja tëjk tsajpjotm mëti'ipë xëmëkyëjxm ijtpën, mëti'ipë ka'ap jyä'äyëty të tkojyën.

Hebreos 4:14

Jesús, ja Dios U'unk, yë'ë ja nTeetywintsën'ajtëmë mëti'ipë të pya'tëkën tsajpjotm. Paatykyëjxm mëk ja mëpëjkën nmëët'ajtmëty mëti'ipë të mpatëmën.

Hebreos 9:1

Ja mëjëwyiimpë ja käjpxytyu'unën myëët'ajtyp ijty ja ënä'ämën wi'ix ja Dios yajwintsë'ëkëtyën, je'eyëp ko jam ma tu'uk ja tsajptëjkën mëti'ipë yaa naaxwiinyëtën.