Hebreos 9:19 - Biblia Dc en Mixe de Quetzaltepec

¹⁹ Ojts ja Moisés ja mayjyä'äy tuk'ëwaanë ja Dios ja y'ënä'ämën; ok ojts tu'uk ja tsapts ukpyë ja kupixyny jëmk tpëjkë'ëky mëët tu'k'ooxy ja ujts apity ets tyajxo'ky ma ja tsajpkaa ne'pynyën ets ma ja tsajppax ne'pynyën xëpinypë mëët ja nëë, ets ojts tuknixijkxy ja noky mëti'ipë myëët'ajtypyën ja ënä'ämën ets ni'ëmukë ja ja'ay näjyëtu'un.

Biblia Mixe de Quetzaltepec

¹⁹ Ojts ja Moisés ja mayjyä'äy tuk'ëwaanë ja Tios ja y'ënä'ämën; ok ojts tu'uk ja tsapts ukpyë ja kupixyny jëmk tpëjkë'ëky mëët tu'k'ooxy ja ujts apity ets tyajxo'ky ma ja tsajpkaa ne'pynyën ets ma ja tsajppax ne'pynyën xëpinypë mëët ja nëë, ets ojts tuknixijkxy ja noky mëti'ipë myëët'ajtypyën ja ënä'ämën ets ni'ëmukë ja ja'ay näjyëtu'un.

Hebreos 9:19 ပူးပေါင်းရင်းမြစ်များ

Hebreos 9:12

ka'ap yë'ëjëty tsajppax ne'pyny ets tsajpkaa ne'pyny të tmëtëkë ma ja itën wäänë wa'atspën, kyë'ëm ne'pyny tu'ktëkokyë je'eyë të tmëtëkë ets të xyajnitsokëm xëmëkyëjxm.

Hebreos 10:4

jä'ä ko ka'ap ja tsajpkaa ne'pyny, tsajppax ne'pyny yajpokywyä'ätsy.

1 Pedro 1:2

mëti'ipëjaty ja Dios Teety ojts wyinwitsëtën tëëyëp ijxtëm yë'ë të tuknipëjktaakën. Ja Dios ja myëk'ajtën miits të mwinma'anymyo'ojëtë ets xymyëmëtowtëty ja Jesukristë ets wa'ats mwë'ëmtëty mëët ja nye'pyny. Wä'än ja Dios ni'ik mmo'ojëtë ja kënu'kxën ets ja jotkujk'ajtën.

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Juan 19:5

Tääts ja Jesús pyëtsiimy äpny kujup mëët, xoxy mëët ja tsapts ukywyit ets ja Pilato y'ënäny: Tyaa ntukwinkuwowëtë ya'atë ye'etyëjk.

Juan 19:2

Ets ja tsiptuunpë taktë tu'uk ja äpny kujup ets ja Jesús tukujääntë ets ja tsapts ukywyit tukxojxtë.

Marcos 15:20

Ko jëtu'un nëxiktë tukxiktë, tääts ja tsu'unk wit tuknijääntutë jatëkok ets ja kyë'ëm wit tukxojxtë mëti'ipë ënety wyit'ajtypyën. Tääts twoowpëtsëëmtë ets tyajkruutspäta'antë.

Marcos 15:17

Ojts ja tsu'unk wit tukxoxtë, ets tpëjktaktë kyëpajkëjxm tu'uk ja äpny awiity ijxtëm ja kujänën.

Mateo 27:28

ets ja wyit ojts tjäänëtë ets tukxojxtë tu'uk ja tsaptswit,

Isaías 52:15

jëtu'un nëjkx may ja naax kajpn mëj'äämpy pyëjktä'äkyë ets nëjkx mëj'ixy t'ixtë; Ja yajkutujkpëtëjk ka'ap nëjkx wyinma'anypyaatë wi'ix tnimëtya'aktëtyën jä'ä ko nëjkxëp tja'akyukëtë ets twinmëtowtë mëti'ipë ënety ka'ap nijëna'a të tmëtowtën.

Éxodo 12:22

Yë ne'pny jap xyaj'axä'kxëtëty ma tu'uk yë tsimën ëkë pokën ets yë'ë mtukpatijë'ëktëp yë kepyxye'enty tu'k'atsumy mëti'ipë xyëëwajtypyën hisopo ets ënät ja mtëjk'aaw xytyukkoytyëty. Ma miitsëtyën ni pën mëpaat kyapëtsëmy tëja'p ma ënety ka'ap xyiinyënëm.

Salmos 51:7

Yajwatskës yë njot nwinma'any mëët yë po'tn ets jëtu'un wa'ats nwë'ëmëtyës, pujkës ets poop nwë'ëmëtyës tä tsajp o'pkyën.

Hebreos 12:24

tëë ja Jesús xymyëwinkontë, mëët ko ja Dios të tuny ja jempyë käjpxytyu'unën ja Jesús mëti'ipë nye'pyny y'ëxmajtsën ko ojts tyäxy jyä'äy ets wäänë oy nimëtyä'äky këtiinëm ja Abel ja nye'pyny.

Hebreos 1:1

Tëëyëp, kanaak ok ojts ja Dios tmëkäjpxy ja n'ap'ajt n'ok'ajtëm ets kanaakjëjp ja winma'any tja'ixtaay ko ojts tjayajkäjpxy ja käjpxynyajxpëtëjk.

Hebreos 9:13

Ja tsajppax ne'pyny, tsajpkaa ne'pyny ets ja tsajpkaato'oxy ayääkë ja nyijaam mëti'ipë të tyooykyëtä'äkyën ma ja wintsë'këntyaknën, tëët yajtukniwëjtë mëti'ipë pokymyëëtëtyen, jä'ä ko myëët'ajtyp ja kuttujkën ets yajwa'atsëty.

Hebreos 9:18

Paaty ja mëwyiimpë ja käjpxytyu'unën ënät ojts tyuuntsoony ko tyeemy jye'tsy ja jot ne'pyny.

Hebreos 10:22

Tsojk nmëwinko'onëm ja Dios ëmuumtu'ukjot ets tsojk nmëpëjkëmë; wa'ats ja jot winma'any nmëët'ajtmëty ets ja jot nini'kx.