Hebreos 9:15 - Biblia Dc en Mixe de Quetzaltepec

¹⁵ Paaty ja Kristë yë'ë të tnikopk'aty ja jemypyë ja käjpxytyu'unën ets ja jempë ja noky mëti'ipë ja tëyajtën myëët'ajtypyën, jä'ä ko mëët yë'ëkyëjxm ko të y'ooky tëë tyaj'ëwaatsëpëtsëmy ja naaxwiinyëtë ja'ay pokyjoty ko të yajpaaty ma ja mëjëwyiinpë ja käjpxytyu'unënën, jëtu'un'äämpy ja naaxwiinyëtë ja'ay të t'ëxajëtë ja kyuma'ayënëty xëmëkyëjxmëpë mëti'ipë të yajtukwinwanëtën.

Biblia Mixe de Quetzaltepec

¹⁵ Paaty ja Kristë yë'ë të tnikopk'aty ja jemypyë ja käjpxytyu'unën ets ja jempë ja noky mëti'ipë ja tëyajtën myëët'ajtypyën, jä'ä ko mëët yë'ëkyëjxm ko të y'ooky tëë tyaj'ëwaatsëpëtsëmy ja naaxwiinyëtë ja'ay pokyjoty ko të yajpaaty ma ja mëjëwyiinpë ja käjpxytyu'unënën, jëtu'un'äämpy ja naaxwiinyëtë ja'ay të t'ëxajëtë ja kyuma'ayënëty xëmëkyëjxmëpë mëti'ipë të yajtukwinwanëtën.

Hebreos 9:15 ပူးပေါင်းရင်းမြစ်များ

Romanos 8:30

Mëti'ipë ja Dios tëëyëp wyin'ijxën tëë ja tmëkäjpxy; mëti'ipë ojts tmëkäjpxyën ojts wa'ats tyajnaxy ets mëti'ipë wa'ats yajnajxën ojts mëj'äämpy tpëjktä'äky.

Romanos 8:28

Nnija'awëm ëëtsajtëm ko ja Dios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

Hebreos 9:12

ka'ap yë'ëjëty tsajppax ne'pyny ets tsajpkaa ne'pyny të tmëtëkë ma ja itën wäänë wa'atspën, kyë'ëm ne'pyny tu'ktëkokyë je'eyë të tmëtëkë ets të xyajnitsokëm xëmëkyëjxm.

Hebreos 10:36

Mëët'atë ja mä'kxtujkën. Ko xytyuntëty ijxtëm ja Dios tsokyën, ënät nëjkx xyjyä'ä'atë mëti'ipës ja Dios të twaantä'äkyën.

1 Timoteo 2:5

Jä'ä ko tu'ukyë je'eyë Dios, ka'ap maa wiinkpë ets tu'ukyë ja ja'ay mëti'ipë itkujky yajpatpën ma ja Tiosën mëët ja naaxwiinyëtë ja'ay: Yë Kristë Jesús.

Hebreos 12:24

tëë ja Jesús xymyëwinkontë, mëët ko ja Dios të tuny ja jempyë käjpxytyu'unën ja Jesús mëti'ipë nye'pyny y'ëxmajtsën ko ojts tyäxy jyä'äy ets wäänë oy nimëtyä'äky këtiinëm ja Abel ja nye'pyny.

Hebreos 7:22

Paaty mëëtkyëjxm ja Jesús ja Dios xymyo'oyëm tu'uk ja käjpxytyu'unën mëti'ipë wäänë oyën.

1 Pedro 3:18

Jä'ä ko ja Kristë ojts xykyu'o'k xykyutëko'oyëmë tu'k'okyë ko npokyjyä'äy'ajtëmë. Yë'ë ka'ap ijty tii poky tmëëtëty; yë'ë pokyjyä'äy ojts tku'ëyowë ets myajnëjkxa'anëtë ma Tiosën. Oy ojts ja Kristë y'ëk'ooky ko nyäpyëjktakë naaxwiinyëtë ja'ayën; ojts jyuukpyiky mëët ja juukyajtën ka'apë kyëxë'ëkyën.

Hebreos 13:20

Ja Dios mëti'ipë yäjkpyën ja jotkujk'ajtën ets mëti'ipë ojts tyajjuukpyikyën ja Wintsën Jesús, jëtu'unpë yajpaatyën tä kupixyny këwent'ajtpën, mëti'ipë mëët ja nye'pny ja käjpxytyu'unën të tyaj'apaatën xëmëkyëjxm,

Romanos 5:6

Ko ënety ëëts'ajtëmë ka'ap tjëkyepy ëwaatsëtuuy nyajpatmëty, ënät ja Kristë myiiny ets ja pokyjyä'äy tni'o'ktuty.

Hebreos 9:28

Näyjyëtu'un ja Kristë të wyintsë'kën'aty tuk'okyë ets ja mayjyä'äy të pyokywya'atstë. Ok jatëkok myina'any ja mëmäjtsk okpë, je'eyëp ko ka'ap yë'ë t'ëkniminanë ja nëë poky, yë'ë nyiminäämpy ets tyajnitso'oka'any ja mëti'ipë jëjp'ijxëtëpën.

Hebreos 6:13

Ko ja Dios tyaj'apatëy ja waantakën ma ja Abrahamën, kë'ëm ojts nyäxyëëwkukäjpxyë, jä'ä ko ka'ap ënety pën wiinkpë wäänë mëjpë ijxtëm yë'ëjën.

Hebreos 3:1

Paaty mëku'uktëjkëty, ninu'un ja Dios mja'ay'atëtën, tëëpë yajyaxtsowtën, pëjkta'aktë mjootjoty mwinma'anyjyotyëty ja Kristë Jesús, ja ayukkajpxwa'kxpë, ja mëj teety wintsën.

Hebreos 2:14

Jëtu'un ijxtëm ja ja'ay tu'kjëëky tu'kmëku'ukpë ja jot ne'pyny tmëët'atën, jëtu'un ja Jesús y'ijty mëët ja Dios ets mëët ja o'kën tmëmëtaktaay ja ëxëëkpë, mëti'ipë ijty o'kën tëko'oyën myëët'ajtypyën.

Apocalipsis 5:9

Ets ja jempyë ëy t'ëwtë: Mijts mpaat'ajtëp ets xy'ëxajëty yë noky apëtity mëti'ipë wëxtujkpëky nitsaaypyetyën, ets xyaj'ëwa'atsëty, jä'ä ko mijts të mwintsë'kën'aty, të xykyupety ja ja'ay ja pyoky ets ja Dios jyä'äy'atëtëty, ja ja'ay mëti'ipë tso'ontëpën ma ja it naaxwiinyëtën ets mëti'ipë kyajpxtëpën kanaakpëky ja aaw ayuk.

Hebreos 8:13

Ko ja Dios ya'atë käjpxytyu'unën jemypyë tnimëtyä'äky, yë'ë tyijpy ko ka'ap y'ëktuunnë ja jëwyiinpë; ets mëti'ipë ka'ap y'ëktuunën, tim jawäänë jyaak ijty ets tyëkoyä'äny.

Tito 3:7

ets oy nwë'ëmëty mëët ja Dios yë y'oyajtën, jëtu'un npatmëty xëmëkyëjxm ja juukyajtën.

Tito 1:2

mëti'ipë ijtpën ko yajjëjp'ixy ja juukyajtën xëmëkyëjxmëpë. Dios ka'apë y'antä'äkyën, mëti'ipë ya'atë juukyajtën ojts twinwanën ka'anëm ënety yë naaxwiinyëtë tsyo'ontä'äky,

2 Timoteo 2:10

Paatyës nkupëky akujk jotkujk oymyëti'ipë ëyo'onëty ets tpaatëty ja nitsokën ets ja Jesukristë ja y'oyajtën mëti'ipë ja Dios të wyinwitsëtën.

Juan 10:28

Ëjts nmooytyëp ja juukyajtën xëmëkyëjxmëpë, nijëna'a kyakutëkoytyëty ets ni pën xykyapëjkëtyës.

Mateo 19:29

Ets ni'ëmukë pënjaty të t'ëxmatstën ja jyëën tyëjk, myëkä'äx, tyaak tyeety, y'u'unk y'ëna'k ets ja nyaax kyajpn; wäänëni'ik nëjkx yajmo'otë winë, mëko'px nipätën; näjyëtu'un yajmo'oja'antë ja juukyajtën xëmëkyëjxmëpë.

1 Juan 2:25

Ets yë'ë ya'atë mëti'ipë ja Wintsën Jesukristë të xytyukwinwa'anëmën, ja juuky'ajtëm xëmëkyëjxmëpë.

1 Pedro 5:10

E ko ënety të m'ëk'ëyowtë, ko wäänë ja tiempo nyaxëty, ënät ja Dios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Dios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Dios të tukwinwanën ja mëti'ipë tsojkëpën.

Hebreos 11:13

Tëkokyë ya'atë ja'ayëty ojts y'o'kta'atë ets kä'äpyëm t'ëxajëtyë mëti'ipë ja Dios ënety të tyukwinwanëtën; je'eyëp ko mëët ko myëpëjktë ojts jëkämpaat myäytyë tyajtë ets jotkujk nyäjya'awëtë jä'ä ko jëtu'un yaa najxëmë naaxwiiny jaaypyaat jaaypyo'kxyën.

2 Tesalonicenses 2:14

Paaty ja Dios të mwootsowëtë ko të xymyëpëktë ja oy aaw oy ayuk mëti'ipës të nkajpxwa'kxtën, jëtu'un jam myajpaatëty ma ja Wintsën Jesukristë myëj'ajtën y'oyajtënënën.

Romanos 6:23

Ja poky, yi'iyë të tyäky ja o'kën tëko'oyën; Dios yë'ë të tyäky yë juukyajtën xëmëkyëjxmëpë, ko yajmëpëky ja nWintsën'ajtëm Jesukristë.

Hebreos 9:16

Ja noky mëti'ipë myëët'ajtypyën ja tëyajtën jää tyuuntsoony ko ja nyija'ay të y'o'knë mëti'ipë yajkojpyën ja noky.

2 Corintios 3:6

Yë'ë të xyajwij të xyajkäjëm ets ja käjpxytyu'unën nkuuytyu'unmëty; ka'ap yë'ëjëty mëti'ipë Moisés yajmooyën, yë'ë mëti'ipë ja Kënu'kxymyëkajtën tyuunpyën. Yë ënä'ämën tëyajtën je'eyë nyi'ënä'ämë ets n'o'kmëty, e yë Kënu'kxymyëkajtën yäjkpy yë juukyajtën.

Romanos 9:24

Jëtu'un, ëëtsajtëm Dios të xywoowtso'owëmë, tam mëti'ipë jutiis ja'ayën ets tam ka'apë jyutiisëty.

Romanos 5:10

Jä'ä ko ijty ja Dios nmëtsip'ajtëmë, tëë ja Dios mëët nämyë'oypyëjkëmë jä'äkyëjxm ko ja y'u'unk të y'ooky; ets ko ja Dios mëët të nämyë'oypyëjkëmë, wäänëni'ik ëëts njëjp'ijxëmë ko ka'ap ja ëyo'on npaata'anëmë jä'äkyëjxm ko yë'ë jyuuky'äty.

Romanos 5:8

E yë Dios yajnikëxë'kpy ko tsoky tjawë ja ja'ay. Ma ënety ëëtsajtëm pokyjyä'äy nyajpatëmën, Kristë të xykyu'o'këmë.

Lucas 18:18

Tääts ja Jesús tu'uk ja kutuunk y'ënëmaayë: Oy yaj'ijxpëjkpë, ¿tiis ntunëp etsës npaatëty ja juukyajtën xëmëkyëjxmëpë?

Marcos 10:17

Ko ja Jesús ënety jam tsyoona'any, ënät tu'uk ja ja'ay pëyi'ikyë nyimiinë ets nyäkyoxtënaaytyakë ma yë'ëjën. Tääts y'ënëmaayë: Oypyë Wintsën, ¿tiis mëpaat ntuny etsës npaatëty ja juukyajtën xëmëkyëjxmëpë?

Mateo 25:36

koos ja nwit ntujkxy të kyaka'ty, tëëjës ja nwit nxox xymyo'otë; koos npëjkë, ojtsës miits xykyu'ixëtë; koos tsumy matsy n'ijty, ojtsës xynyimintë.

Mateo 25:34

Ets ja yajkutujkpë t'ënëëmëja'any ja mëti'ipë y'a'oytsyowën: Mintë miitsëty, mëti'ipë ja Dios Teety të kyënu'kxëtën. Ëxajëtë ja kutujktakn mëti'ipë miitsëty të myajtuknipëjktaakëtën ko ojts ja Dios tyajkojy ja naaxwiinyëtë.

Daniel 9:26

Ko ënety të nyäxy tëkë'px mäjtsk sëmaan, ënät nëjkx ja jyuukyajtën tpëjkëtë ja yajkutujkpë kënu'kxypyë. Yë Jerusalén kajpn ets tsajptëjk yë'ë nëjkx yajkutëkoyë yë yajkutujkpë ets ja'ayëty mëti'ipë minantëpën wiink naax wiink kajpn. Jëtu'un kyukëxëja'any tä nëëkom muum tyajnikoompetyën tii winë ets mapaat jyëjpkëxyën yë juukyajtën tsip käjpxy jää itaanp ets o'kën tëko'oyën jëtu'un tä të yajtuknipëjktaakën.

Salmos 37:18

Yë Wintsën kyëwent'ajtyp yë ja'ay mëti'ipë wa'ats juukyajtpën, mëti'ipë të yajtukumaytyën xëmë y'ita'any.

Efesios 1:7

Mëët yë'ë ko xytsyojkëmë tëë ja Dios xyaj'ëwaatsëpëtsë'emëmë ko ja y'u'unk ja nye'pyny të tsyuny të xye'kxy ets ja npoky'ajtëm të xynyimä'kxëmë.

Mateo 22:3

Ets ja tyuunpë tkejxy ets ja ja'ay twowtëty, e ja ja'ayëty ka'ap myinantë.

Lucas 22:20

Näyjyëtu'un tuuny ko y'a'ux'ajtaay ets tkoonë'ky ja a'ukën ets y'ënäny: Ëjts ya'atë nne'pny mëti'ipë miits mtuk'oy'atantëpën ets ja Dios ja käjpxytyu'unën tyaj'ëtukëty.

Hechos 20:32

Mëku'uktëjkëty, tyam ja Dios miits ntukë'ëtëkëtë ets ntukmëwë'ëmtë ja Dios ja tsyojkën jya'awën. Yë'ë myëët'ajtyp ja mëk'ajtën ets myajyääkëtëty mëët ja kënu'kxymyëk'ajtën ets mo'ojëtëty tëkokyë mëti'ipë ja nyaax kyajpn të tukwinwanën.

Gálatas 3:20

E ko ja Dios ja wyaantakën ojts tyajwë'ëmy mëët ja Abraham, kë'ëm twaantäky, ka'ap ojts pën ëpëky tkajpxnaxy.

Hebreos 6:15

Abraham mëët ja mä'kxtujkën ojts y'ëwxity ets t'ëxajëy mëti'ipë ënety ja Dios të tyukwinwanëtyën.

Hebreos 10:34

Ojts xypya'ëyowtë ja tsumyjä'äy ets jotkujk ojts xymyo'otë mëti'ipë ënety mjä'ä'ajtëpën ko myaj'amëtoowtë, jä'ä ko xynyijawëtë ko wäänë oypyë mmëët'ajtëp jam tsajpjotm mëti'ipë xëmëkyëjxm ijtpën.