Hebreos 8:9 - Biblia Dc en Mixe de Quetzaltepec

⁹ Ka'ap y'ëkjëtu'un'ajnë ijxtëm ja y'aptëjk ojts mëët nkäjpxy'ätyësën ko ojts nyajpëtsëmtës jap Egiptë y'itjotm; jä'ä ko ka'ap tpatuuntë mëti'ipës ojts mëët nkäjpxy'atën, paatyës ojts n'ëxmatstë.

Biblia Mixe de Quetzaltepec

⁹ Ka'ap y'ëkjëtu'un'ajnë ijxtëm ja y'aptëjk ojts mëët nkäjpxy'ätyësën ko ojts nyajpëtsëmtës jap Egiptë y'itjotm; jä'ä ko ka'ap tpatuuntë mëti'ipës ojts mëët nkäjpxy'atën, paatyës ojts n'ëxmatstë.

Hebreos 8:9 ပူးပေါင်းရင်းမြစ်များ

Génesis 19:16

E yë Lot jaakpoxp ënety, paaty myajtsë kyë'ëkëjxm yë tsajpjotmëtë kukäjpxy. Jä'ä ko yë Wintsën myëët'ajtyp ënety yë pa'ëyo'owën najts'ëyo'owën ma yë'ëjën. Ënet ojts näjyëtu'un yë tyo'oxytyëjk ets nimäjtskpë nyëëx yajmatstë kyë'ëkëjxy ets pyëtsëëmtë jam kajpnjotm ets tsyoktë.

Job 8:20

Yë Dios ka'ap nijëna'a t'ëxmatsy ja'ay mëti'ipë oy ja'ay'ajtpën ets ka'ap tputëkë ëxëëkja'aytyëjk.

Salmos 105:43

Jëtu'un ojts ja Dios tyajpëtsëmy ja nyaax kyajpn akujk jotkujk,

Salmos 77:20

Jëtu'un yë mnaax mkajpn të xywyinye'ey tä yë ja'ay twinye'eyën yë kyupixyny, mëët yë Moisés ets Aarón.

Salmos 78:57

Tä näjyëtu'un y'ëtëtstë tä ja tyeety y'apetyën, ojts t'ëxmajtsnëtë ets ka'ap ojts oy t'ëkmëmëtoownëtë, je'eyë ojts yë jyot nyini'kx twiitë tä yë kepyën ka'apë oy yaj'uuyën.

Éxodo 32:8

Ka'ap ninu'un të tyimpo'oxy ets të t'ëxmatstë ja oytyu'u, mëti'ipës të ntuk'ënä'ämtën ets yë'ë tye'eytyëty. Tëë tyajkojtë tu'uk yë awinax, jëtu'umpë kyëxë'ëkyën tsajpkaajën, aak pu'ts pujxnpë mëët y'oytyunyëtyën, tam tmo'otë kanaakpëky yë wyintsë'kën, tam tmëjjaw tjaantyjawëtë ets y'ëna'antë: Israel ja'ayëty ya'atë jëtu'un mwintsën'ajtëp, mëti'ipë ojts mjuutëtën jap Egiptë.

Éxodo 34:10

Jëtu'un yë Dios y'ënäny: Ëkmëtoow'itë: Tyamës ntuny tu'uk yë käjpxytyu'unën mëët ya'atë naax kajpn, mëj këjääjës yë nmëjajtën nyaj'ixa'anyë ma miitsëtyën, mëti'ipë ka'ap maa jëtu'unpë yaj'ixynyëmën ma wiinkëtypë naax kajpnën. Tëkokyë miitsëty m'ixtëp ets mnijawëtëp wi'ix yë Dios mëj këjää winë tunyën, jä'ä ko nyaj'ixanëpës yë nmëjajtën mëjpë këjääpë ma miitsëtyën.

Cantares 8:5

¿Pën tääpë to'oxytyëjk mëti'ipë jam të'ëts'itjotm miinpën ets jam kyëx'ënëny ma kyejkyën yë ye'etyëjk mëti'ipë tsyojkpyën jya'apën? Ma mansaan kepypya'tkën ma ënety mma'ayën jam të nyuxy, jam ma mtaak pyëjkë y'ijxën ko ënety mijts mëxu'unk'ata'any ets ma mëxu'unk'ajtyën.

Isaías 40:11

Jëtu'un myiny tä tu'uk ja'ayën mëti'ipë y'ijx'ijtyp kyëwent'ajtypyën yë kyupixyny, tsyä'änë'kpy yë kyupixyny u'unk; tääts tmu'uxy kyätykyijxy, ëtyä'äkyë'äämpy tyajnëjkxy ja mëti'ipë tim mëxu'unkën.

Isaías 41:13

Jä'ä ko yë mWintsën Dios, mkë'ëkëjxy mmajts'ityë; tëë n'ënëëmë ko këtii mtsë'ëkëty.

Isaías 51:18

Nitu'uk ja m'u'unk m'ëna'k oy mkatu'uwinwowëtëty; oy jënu'un jyanimay'atë, janty nimay ja m'u'unk m'ëna'k të xyjyapaatë, nitu'uk tkamëët'aty ja oyajtën ets jeexyë mpawitsyë ko muum mnëjkxy.

Isaías 63:9

Ma ja y'amay jyotmayëtyën. Ka'ap yë Wintsën kyutëkats tkejxy mëti'ipë të yajtso'okëtën; kë'ëm yë Wintsën të tyimminy ets të tyajtso'oky. Jä'äkyëjxm ko tmëët'aty tsojkën ja'awën ets pa'ëyo'owën najts'ëyo'owën, paaty të tyajtso'oky, kyë'ëkëjxy të tmatsy ets të tyajpëtë'ëky. Jëtu'un xëmë winë tuny.

Jeremias 31:32

Tyaapë käjpxytyu'unën ka'ap jyëtu'un'ata'any tä ja mëti'ipës ntuunën mëët ja y'ap y'okëty, koos nmajtstë kyë'ëkëjxy etsës nyajpëtsëëmtë jap Egiptë; jä'ä ko yë'ëjëty ka'ap ojts tpatuntë ja käjpxytyu'unën oy ënety ëjts Wintsën xyatijtë. Ëjts Wintsën, ëjts ënaanp.

Lamentaciones 4:16

Tëë yë Wintsën y'ëxmatsëtë, paaty jëtu'unyë të y'aye'eyëtya'atë ets ka'ap të y'ëkni''ijxwinpijtënëtë. Ko ka'ap pën ja teetytyëjkëty të t'ëkwintsë'kënëtë ets ko ka'ap pën ja mëjja'aytyëjkëty të t'ëkja'amyäjtsënëtë.

Ezequiel 16:59

Ëjts Wintsën, jëtu'unës n'ëna'any: Ko nmo'ojäämpy yam ja tëytyu'unën ijxtëm mnitëkëtyën, jä'ä ko ka'ap të xypyatuny ja m'aaw m'ayuk mëti'ipë käjpxytyu'unën'ajtpën.

Ezequiel 16:8

Koos jatëkok nnajxy ets n'ijxy ko tëëtëm myä'knë, jyëkyäjpnëp mye'etyëjk mëëttsënaaynyëty. Ënet ojts yë nwitës ntukniye'epy ets ja mjot mnini'kx nyu'tyës ets n'ënëmaay ko mijts nmëët tsëënëjäämpy; ojts tu'uk käjpxytyu'unën nyaj'o'oyëmë ets mijts npëjky. Ëjts Wintsën, ëjts ënaanp.

Amós 5:22

Ka'apës nkupëky yë wintsë'kën mëti'ipë miits mjayajktëpën no'oky xämy etsës nyätyukwintsë'ëkëty; ka'apës nkupëka'any oy jënu'un tsajpkaani'kx xytyukwintsë'ëkëtëtyës ma ja nay'ëëw'oy näykyajpx'oyë xytsyoktën.

Malaquías 2:13

E miitsëty ni'ikyë winë xyjyaak timtyuuntëkoytyë: mwiinnëë jam mtäämnëtëp mjä'tsnëtëp ma wintsë'këntyaknën ets xy'ënëëmëtë yë Wintsën ko tii ko tka'ëk'ëxajënë yë wintsë'kën mëti'ipë yajmoopy yajkäjxpën.

Marcos 8:23

Ënet ja Jesús twijtsë'ky kyë'ëkëjxy ja wiints ets twoowpëtsëëmy jam kajpnjotm. Ënet tuktwinkutsujëy ja wiints ets ojts mëët ja kyë'ë tja'axëtity. Ojts tkë'ënixajy ets tyajtëëy pën ijxp.

Hechos 13:11

Tyam ja Wintsën mtëytyuna'anyë, winpi'its mwë'ëma'any, jeky xykya'ixëty yë xëëw ajajk. Tääts ënätyë ojts wyi'im kupi'its kukoots. Je'eyë tjaakpëjktsooy pën tu'uwinye'eyëtëpën.

Hechos 7:36

Moisés ojts tyajpëtsëmy ja nteety'ajt n'ap'ajtëm jam Egiptë; ojts tyaj'ixyë ja mëj'ajtën jap Egiptë, jam Mejyjyotm ets wëxtyikxy jëmëjt jam të'ëts'itjotm.

Hechos 9:8

Ënet ja Saulo pyëti'ky ets ojts jya'ijxwa'kxa'any, ka'ap tii t'ixy. Tääts ja Saulo ja jyämyëët wyijtstso'onë ets yajmënëjkxnë jam Damaskë.

Gálatas 4:24

Ijxpäjtën ya'atë mpëjktä'äkyës. Ja to'oxytyëjk nimäjtskpë, mäjtsk ja käjpxytyu'unën tkutänë. Mëtu'uk ja käjpxytyu'unën, mëti'ipë ja Moisés yajmooyën ma ja Sinaí kopkën, yë'ë ja Agar kyutënääpy. Pën tyuk'ijtëtëp ya'atë käjpxytyu'unën, jëtu'un ja y'u'unk y'ëna'k myintë kyä'äxtë ets y'itëty ijxtëm ja mëtuunpë nitookpyën.

Deuteronomio 29:1

Jëtu'un ojts jyëjpkëxy ja mëtyä'äky mëti'ipë ja Wintsën tyuk'ënä'ämën ja Moisés ets tunëty tu'uk ja käjpxytyu'unën mëët ja Israel kajpn jam Moab. Ëpëky ja käjpxytyu'unën mëti'ipë tyuunën jam ma ja Horeb kopkën.

Deuteronomio 29:12

E paaty ya'atë käjpxytyu'unën tpa'atwa'akëtë, mëti'ipë ja Wintsën tyam tyuunpyën mëët miitsëty.

Deuteronomio 29:25

Tä nëjkx yaj'ëtsowtë: Yë'ëkyëjxm ko të tkamëjpëjkta'aktë ja käjpxytyu'unën, mëti'ipë yë Wintsën yë y'aptëjk Tyios'ajtëpën, mëti'ipë jap ju'tëtë Egiptë.