Hebreos 8:8 - Biblia Dc en Mixe de Quetzaltepec

⁸ E ja Dios ojts tpaaty ja poky ma tääpë ja'ayëtyën, ets y'ënäny: Jëtu'un y'ënä'äny ja Wintsën: Minaanp ja xëëw jëmëjt koos ja jempyë käjpxytyu'unën nyaj'apaatëja'any mëët ja Israel ja'ayëty ets ja Judá ja'ayëty.

Biblia Mixe de Quetzaltepec

⁸ E ja Tios ojts tpaaty ja poky ma tääpë ja'ayëtyën, ets y'ënäny: Jëtu'un y'ënä'äny ja Wintsën: Minaanp ja xëëw jëmëjt koos ja jempyë käjpxytyu'unën nyaj'apaatëja'any mëët ja Israel ja'ayëty ets ja Judá ja'ayëty.

Hebreos 8:8 ပူးပေါင်းရင်းမြစ်များ

Hebreos 12:24

tëë ja Jesús xymyëwinkontë, mëët ko ja Dios të tuny ja jempyë käjpxytyu'unën ja Jesús mëti'ipë nye'pyny y'ëxmajtsën ko ojts tyäxy jyä'äy ets wäänë oy nimëtyä'äky këtiinëm ja Abel ja nye'pyny.

Jeremias 32:40

Ntunäämpyës yë käjpxytyu'unën mëët yë'ëjëty mëti'ipë xëmë itëpën: tyamës n'ënëëmëja'antë ko xëmës oy nyajjuuky'atanëtë ets nyajkutukäämpyës ets ëjts xëmë xyjyot'atëty ets xytyukxoonta'aktëtyës ets ka'ap nëjkx xy'ëkpuwa'ktutnëtës.

Hebreos 9:15

Paaty ja Kristë yë'ë të tnikopk'aty ja jemypyë ja käjpxytyu'unën ets ja jempë ja noky mëti'ipë ja tëyajtën myëët'ajtypyën, jä'ä ko mëët yë'ëkyëjxm ko të y'ooky tëë tyaj'ëwaatsëpëtsëmy ja naaxwiinyëtë ja'ay pokyjoty ko të yajpaaty ma ja mëjëwyiinpë ja käjpxytyu'unënën, jëtu'un'äämpy ja naaxwiinyëtë ja'ay të t'ëxajëtë ja kyuma'ayënëty xëmëkyëjxmëpë mëti'ipë të yajtukwinwanëtën.

2 Corintios 3:6

Yë'ë të xyajwij të xyajkäjëm ets ja käjpxytyu'unën nkuuytyu'unmëty; ka'ap yë'ëjëty mëti'ipë Moisés yajmooyën, yë'ë mëti'ipë ja Kënu'kxymyëkajtën tyuunpyën. Yë ënä'ämën tëyajtën je'eyë nyi'ënä'ämë ets n'o'kmëty, e yë Kënu'kxymyëkajtën yäjkpy yë juukyajtën.

1 Corintios 11:25

Ko ënety të y'a'ux'ajta'atë, ënät ojts tkoonë'ëky ja a'ukën ets y'ënäny: Yë'ë ya'atë jempyë ja käjpxytyu'unën koos ja ne'pny tyunëty xyä'kxëty. Ko miits tëkok tëkok xy'uuktëty, jëtu'un xyjyaamyätstëtyës.

Lucas 22:20

Näyjyëtu'un tuuny ko y'a'ux'ajtaay ets tkoonë'ky ja a'ukën ets y'ënäny: Ëjts ya'atë nne'pny mëti'ipë miits mtuk'oy'atantëpën ets ja Dios ja käjpxytyu'unën tyaj'ëtukëty.

Ezequiel 37:26

Ntunäämpyës tu'uk yë käjpxytyu'unën mëët yë'ëjëty jekpyë y'itëtyën, jëtu'un akujk jotkujk jyuuky'atëty. Nëjkxëpës nyajnimayëtë ets xëmëkyëjxm nëjkx yajja'amyetsy yë ntsajptëjkës ma yë'ëjëtyën.

Jeremias 31:38

Jëtu'un yë Wintsën y'ënä'äny: Pyatäämpy ja xëëw maas ja nkajpn nëjkx yajkoj'oyën jatëkok, nëjkxëp yajkoj'oyë ja Hananel ja kyëjxmpotsy ets tyimja'tëty jampaat ma ja Tëjkëtyaknën ets jampaat ma y'ëwtijtë'ëkyën.

Isaías 55:3

Nimiintëkës ets ja'akyukëtë n'aaw n'ayukës, mëtoow'ijtëkës ets mjuuky'atëty. Ëjts ntunäämpyës tu'uk käjpxytyu'unën xëmëkyëjxmëpë y'itëtyën, ets nyaj'atëwa'anyës ja waantakën mëti'ipës ja David ojts ntukwinwanën.

Marcos 14:24

Jëtu'un ja Jesús ojts y'ënë'ëmxëtë: Ëjts ya'atë ne'pny mëti'ipë tsunaanp xä'kxaanpën ets tyiytyëkëty ja käjpxytyu'unën mëti'ipë ja mayjyä'äy tyuk'oy'atëpën.

Jeremias 31:27

Jëtu'un yë Wintsën y'ënä'äny: Pyatäämpy ja xëëw jëmëjt ma myäyëja'antë yë ja'ay ets aayjëyujk ujtsjëyujk ma Israel kajpnën ets ma Judá kajpnën.

Jeremias 30:3

jä'ä ko miimp ja xëëw po'o maas ja nnaax nkajpn jatëkok tpaata'anyën yë oyajtën, yë'ë n'antijpyës yë Israel ja'ayëty ets Judá ja'ayëty. Ëjts Wintsën, ëjts ënaanp. Nyajwinpitantëpës jatëkok jam ma ja naaxwiinyëtën mëti'ipës nmooytyën yë y'ap y'okëty.

Jeremias 23:7

Jëtu'un yë Wintsën y'ënä'äny: Pyaatäämpy ja xëëw jëmëjt ma nëjkx ka'ap yë ja'ay t'ëktukajpxpäjnëtën yë Wintsën yë xyëëw, ko ijty y'ëna'antë: Mëët ko yë Wintsën jyuuky'äty, mëti'ipë yajpëtsëëmën yë Israel ja'ayëty jap Egiptë,

Jeremias 23:5

Jëtu'un yë Wintsën y'ënä'äny: Ëjts nyajkutukäämpyës ets tu'uk ja'ay jyää'atëty mëti'ipë yë David y'u'unk'ajtyp y'ok'ajtypyën, mëti'ipë ënä'ämëpën yajkutukëpën mëët ja wijyajtën, mëti'ipë mëtëy winë nyipaye'eyëpyën ets tëy tyu'uye'eyëty ma naax kajpnën.

Lucas 17:22

Ets t'ënëmaay ja y'ijxpëjkpëtëjk: Pyaatëp ja xëëw jëmëjt ets xyjya'ixa'antëty ja naaxwiinyëtë ja'ay ja y'U'unk, ets ka'ap nëjkx xy'ixtë.

Mateo 26:28

jëtu'un ya'atë uuky nyäxy tääjës yë ne'pnyën, ma y'atëyën ja käjpxytyu'unën, ja ne'pny mëti'ipë täämp jä'tspën ets ja naaxwiinyëtë ja'ay yajpokymyä'kxtëty.

Deuteronomio 29:14

E kajts ënät n'ëna'anmëty mijts'ajtyë yë Dios mëët yë käjpxytyu'unën të tyaj'apaatë,

Hebreos 7:22

Paaty mëëtkyëjxm ja Jesús ja Dios xymyo'oyëm tu'uk ja käjpxytyu'unën mëti'ipë wäänë oyën.

Hebreos 8:6

E ja nteety'ajtëmë mëti'ipë nyikopk'ajtypyën ja teetytyëjkëty, mëti'ipë të t'ëxajën ja tuunk ets tyeety'atëty mëj'äämpy, yë'ë kyutënääpy ja jempyë ja käjpxytyu'unën ja ni'ik oypyë, ets ja waantakën wäänë oypyë.

Hebreos 8:13

Ko ja Dios ya'atë käjpxytyu'unën jemypyë tnimëtyä'äky, yë'ë tyijpy ko ka'ap y'ëktuunnë ja jëwyiinpë; ets mëti'ipë ka'ap y'ëktuunën, tim jawäänë jyaak ijty ets tyëkoyä'äny.

Lucas 5:38

Paaty ja tsatsym nyëë jempyë jap yaj'atämë ma ja po'o jempyën.