Hebreos 8:5 - Biblia Dc en Mixe de Quetzaltepec

⁵ E ya'atë teetyëty jap tyuntë ma tu'uk ja tëjkën ma ja tsajpjotmëpë të nyikojtu'utyën. Ets yajnija'ap ko je'eyë të nyikojtu'uty, jä'ä ko ja Moisés ënety jam tkoja'any ja tsajptëjk, jëtu'un ojts ja Dios nyë'ëmxëty: Mëtoowkukë yajxon ets näjyëtu'un xykyojëty ijxtëm të ntuk'ixyën jam kopkëjxm.

Biblia Mixe de Quetzaltepec

⁵ E ya'atë teetyëty jap tyuntë ma tu'uk ja tëjkën ma ja tsajpjotmëpë të nyikojtu'utyën. Ets yajnija'ap ko je'eyë të nyikojtu'uty, jä'ä ko ja Moisés ënäty jam tkoja'any ja tsajptëjk, jëtu'un ojts ja Tios nyë'ëmxëty: Mëtoowkukë yajxon ets näjyëtu'un xykyojëty ijxtëm të ntuk'ixyën jam kopkëjxm.

Hebreos 8:5 ပူးပေါင်းရင်းမြစ်များ

1 Crónicas 28:12

Ojts näjyëtu'un tmo'oy ja nyinoky wi'ix ja tëjk yajtukpa'akojëtyën, wi'ix ja tëjkwiin y'itëtyën, ma y'itëtyën ja mëti'ipë ja'ay yojxtëpën ets mëti'ipë yajnipëjkpäjtpën ja ëmaayëtypë.

1 Crónicas 28:19

Tëkokyë ya'atë aak këxja'ay myiinta'ay ma tu'uk yë nokyën mëti'ipë ënety yë Wintsën kë'ëm të timnyaskajpxën ets David tkujaaytyääy, ma tnikäjpxyën wi'ix mëpaat ja Wintsën ja jyëën tyëjk yajkojy ets wi'ix ja tuunk tyu'uye'eyëty.

Éxodo 25:40

Jëtu'un xyajkojëty tä të ntuk'ixyën ja nyi''ijxpät jap kopkëjxy.

Éxodo 25:9

E tääpë wit tëjk maas ntsëënëja'anyën ets tëkokyë mëti'ipë jap tëkotsyow itaanpën, timjëtu'un xy'oytyunëty tä mëti'ipë ntuk'ixäämpyën.

Éxodo 26:30

Tääts ënät xyajkojëty ja tsajptëjk, tä të nmo'oyën ja nyi''ijxpät ma ya'atë tun kopkën.

Éxodo 27:8

Ya'atë wintsë'këntyakn tukwa'ats xyajkojëty, aakyë'ë kepy mpëjkta'akëp, jëtu'un xyajkojëty tä të ntuk'ixyën jam kopkëjxm.

Mateo 2:12

Ko ënety të t'ëkwintsë'ëkëtë ja mëxu'unk, tääts ojts yajtuk'ëwaanëtë kuma'ayjoty ko ka'ap nän jam y'ëkwinpijnëtëty ma ja Herodes. Tääts wyimpijnëtë ma wiink tu'ujën ets nyëjkxnëtë kyajpnjotm.

Hechos 7:44

Ma ja të'ëts itjotmën, jam ja nteety'ajt n'ap'ajtëm ijty tmëët'atë ja po'o wit tëjk, mëti'ipë myë'ijtypyën ja käjpxytyu'un mëët ja Dios; yë'ë ja Dios tyuk'ënä'äm ja Moisés ets t'oytyunëty jëtu'un ijxtëm ënety të t'ixyën ja nyi''ijxpät.

Colosenses 2:17

Ya'atë, ko ijty winë yaj'amaay'äty, jä'ä ko ka'anëm ënety ja Kristë myinyëm; tyam nmëët'ajtënëp ja tëyajtën ko tëë ja Kristë myiny.

Hebreos 10:1

Ja Dios ja y'ënä'ämën mëti'ipë Moisés jyääywyë'ëmën, jëtu'un jä'ä ijxtëm jeexyë nyikojtu'utyën ja oypyë mëti'ipë ënety minaanpën, ka'ap jyä'äjëty mëti'ipë mëtëyën. Paaty ja ënä'ämën ka'ap tyaj'awinpity oy mëti'ipë ja wintsë'kën winjëmëjt jyayajktëpën Dios wintum.

Hebreos 11:7

Noé ojts myëpëky, paaty ojts ja kepy nëëwinye'epyë tyajkojy ko ja Dios y'ënëmaayë ko ja ëyo'on y'ita'any ets jëtu'un ja y'u'unk y'ëna'k, y'u'unk tyo'oxytyëjk tyajtsoky. Ya'atë jëtu'unpë mëpëjkën yë'ë ojts ja Noé tuk'ixy ja naax kajpn paaty ojts yajtukumay ja tëyajtën mëti'ipë yajpatpën mëët ja mëpëjkën.

Hebreos 12:25

Näkyëwent'atëtë, mëmëtowtë ja Dios. Mëti'ipë ja Dios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

Hebreos 13:10

Ëëts'ajtëm nmëët'ajtëm tu'uk ja wintsë'këntyakn, ma ka'ap ja teetytyëjkëty ka'ap ja kuttujkën tmëët'atën ets jam kyäytyëty.

Hebreos 9:9

Tu'kë'ëyë ya'atë yë'ë yajnikëxë'kpy wi'ix ja xëëw juukyajtën tyampë; mëti'ipë ijty ja ja'ay pyëjktaktëpën ets tukwintsë'ëkëtë ja Dios, ka'ap ja ja'ay ja jyot wyinma'any tyajkwatsë.

Josue 22:28

Ëëtsëty jëtu'un të nmay të ntajtës, ko ënety pën jëna'a xy'ënëëmëtës ko ëëtsëty ets n'u'unk n'okëtyës, nëjkxëpës n'ëtsowtë: Ix, yë n'ap n'okëtyës yë'ë ojts ya'atë wintsë'këntyakn tkojtë, e kajts ojts yë'ë tuknikojëtë ets jam ja wintsë'kën yajyakëty, paatykyëjxm ojts yajkojy ets yë'ë ijxpät wya'anëty ma ëëtsajtëmën.

Apocalipsis 15:5

Ko jëtu'un jyäjty, ok ojts n'ixyës ko ja Dios ja tyëjk y'ëwatsy tsajpjotm, ma pëjkë'ëky y'ityën ja Dios ja y'ënä'ämën këxja'aypyë.