Hebreos 8:10 - Biblia Dc en Mixe de Quetzaltepec

¹⁰ Jëtu'un y'ënä'äny ja Wintsën: Ja käjpxytyu'unën mëti'ipës nyaj'apaatëjäämpyën mëët ja Israel ja'ayëty, jä'ä xëëw, yë'ë ya'atë, jëtu'un y'ënä'äny ja Wintsën: Wyinma'anyjotyës npëjkta'aka'any ja n'ënä'ämënës ets njaaywyë'ëma'anyës ma y'aaw jyotëtyën, ëjts xyWintsën'atantëp, ets yë'ëjës nja'ay'atäämpy.

Biblia Mixe de Quetzaltepec

¹⁰ Jëtu'un y'ënä'äny ja Wintsën: Ja käjpxytyu'unën mëti'ipës nyaj'apaatëjäämpyën mëët ja Israel ja'ayëty, jä'ä xëëw, yë'ë ya'atë, jëtu'un y'ënä'äny ja Wintsën: Wyinma'anyjotyës npëjkta'aka'any ja n'ënä'ämënës ets njaaywyë'ëma'anyës ma y'aaw jyotëtyën, ëjts xyWintsën'atantëp, ets yë'ëjës nja'ay'atäämpy.

Hebreos 8:10 ပူးပေါင်းရင်းမြစ်များ

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

2 Corintios 3:3

Wa'ats yaj'ixy ko jëtu'un miitsëty ijxtëm ja noky tsyä'äyën mëti'ipë ja Kristë kë'ëm të tja'ayën ets ëëts të nyaktë, ka'ap oy nyatiijëty të yajtukja'ay, yë'ë të yajtukja'ay yë Juukpyë Dios yë Jya'awën; ja noky mëti'ipë ka'ap tsaakëjxy kyëxpajyëtyën, mëti'ipë të yajja'ayën ma naaxwiinyëtë ja'ay ja jyot wyinma'anyëtyën.

Deuteronomio 30:6

Nëjkxëp jap tpëjktä'äky ja oy'aaw oy'ayuk ma ja mjot mwinma'anyëtyën ets ma ja m'u'unk m'ok ja jyot wyinma'anyëtyën. Yë'ë nëjkx tu'ukyë xytsyoktë xyjyawëtë winë aaw winëjot, tu'ukyë jot tu'ukyë winma'any ets nëjkx jotkujk mjuuky'ajnëtë.

Jeremias 24:7

Nëjkxëpës nmo'otë ijxkujk ja'aykyujkën etsës ëjts xy'ijxpaatëty ko ëjts Wintsënajtp, yë'ë nëjkx nkajpn niwa'antës etsës nëjkx ëjts xyTyios'atë, jä'ä ko ëmuumtu'ukjot nëjkx jatëkok xynyiwinpitës.

1 Pedro 2:9

E miitsëty Dios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Dios jä'äniwanëpën. Ets jëtu'un tkajpxwa'kxtëty ja Dios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

Romanos 11:27

Ya'atë käjpxytyu'unën nëjkx tyuny ko ënety ja pyoky nimä'kxëtës.

Santiago 1:21

Ixmajtsta'atë ja ëxëëk winma'any ets ja ëxëëkajtën mëti'ipë tëë nyipäjnën. Ëxajëtë wintsë'kën mëët ja aaw ayuk mëti'ipë të yajpëjktä'äkyën ma ja mjot mwinma'anyëtyën. Ya'atë aaw ayuk myëët'ajtyp ja mëk'ajtën ets xyajnitsokmëty.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

1 Pedro 1:23

Tëë miits jatëkok mëxu'unk'atë; ka'ap yë'ëty ko jam xymyëët'atë ja mteety mtaakëty mëti'ipë o'ktëpën, yë'ë ko ja Dios ja y'aaw y'ayuk të xymyëpëjkëtë, mëti'ipë xëmëkyëjxm ijtpën ets juukyën.

Zacarías 8:8

etsës nyajmina'any jam Jerusalén ets jam tsyëënëty. Yë'ë nëjkx nkajpn'atës etsës nëjkx xyTyios'atë, mëti'ipë xëmë mëët'atanëtëpën ets mëti'ipë tëyajtënpë tii nyipaye'epyën.

Santiago 1:18

Jä'ä ko Dios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Dios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

Ezequiel 37:27

Ëjts yajpaataanpës ma yë'ëjëtyën, ëjts nëjkx xyTyios'atë ets yë'ëjëty nëjkxëpës nkajpniwa'any.

Jeremias 32:40

Ntunäämpyës yë käjpxytyu'unën mëët yë'ëjëty mëti'ipë xëmë itëpën: tyamës n'ënëëmëja'antë ko xëmës oy nyajjuuky'atanëtë ets nyajkutukäämpyës ets ëjts xëmë xyjyot'atëty ets xytyukxoonta'aktëtyës ets ka'ap nëjkx xy'ëkpuwa'ktutnëtës.

Jeremias 32:38

Nëjkxëp yë'ë nkajpniwa'anyës etsës nëjkx xyTyios'atë.

Mateo 22:32

Ëjts xyTios'ajt ja Abraham, Isaac ets ja Jacob? Dios ka'ap yë'ëjëty niTios'aty o'kpë, yë'ë nyiTios'ajtyp mëti'ipë juuky'ajtëpën.

Hebreos 11:16

E yë'ëty, yë'ë tsyojktë ja it wäänë oypyë, mëti'ipë tsajpjotmën, paaty ja Dios ka'ap tuktsëtyuny ko Tios'atëtë, jëtu'unts tnipëjktaakë tu'uk ja mëj kajpn.

Éxodo 34:27

Ënet yë Dios t'ënëmaay yë Moisés: jä'ä ya'atë aaw ayuk, jä'ä ko yë'ë mëët wyintu'upëky ja käjpxytyu'unën mëti'ipës yam ntuunpyën mëët mijts ets mëët yë naax kajpn.

Ezequiel 39:22

Jä'ä xëëw ets jëtu'un y'ita'any yë xëëw jëmëjt nëjkxëp yë Israel kajpn xy'ixkaptës ko ëjts Wintsën, mëti'ipë yë'ë Tyios'ajtëpën.

Cantares 2:16

Yë ye'etyëjk mëti'ipës ntsojkpy nja'apën ëjts yë njä'ä, ets yë'ëjës xyjyä'ä'ajtp, yë'ë jam tkëwent'aty yë kyupixyny pëjy akujky.

Éxodo 24:4

Yë Moisés ojts tjaaypyäjta'ay tëkokyë mëti'ipë ënety ja Dios të tnikäjpxyën, ko kyomjëpom'ajty, tsojk ojts myä'äypyëtë'kojy ets t'oytyuuny tu'uk yë wintsë'këntyakn jam ma kopk'ëjxën, majkmäjtsk ojts ja tsaa tkoontä'äky jëtu'un ijxtëm ënety ja Israel ja'ayëty ja tyeety y'apetyën nimajkmäjtskpë.

Oseas 1:10

Pyatäämpy ja xëëw po'o ma Israel ja'ay nyimay'ata'antën jinën, ni pën kyamayëtëty tkijpxëty ets tmëtsyowëty. Ets ka'apës nëjkx n'ëk'ënëmaaynyëtë: Miitsëty ka'ap nkajpn'atë, jä'ä nëjkx yë Dios y'ënë'ëmxëtë: Miitsëty yë'ë Dios juukpyë m'u'unk'ajtëtëp.

Jeremias 31:1

Jëtu'un yë Wintsën y'ënä'äny: Ya'atë jëmëjt ëjts Tios'ataanp ma tëkokyë yë Israel ja'ayëtyën ets yë'ëjëty jëtu'unës nyajnaxa'antë tääjës yë nnaax nkajpnën.

Oseas 2:23

Nyajnaaxkëta'akäämpyës yë naax nkajpn ma tu'uk yë naaxjotmën etsës ëjts nkajpn niwa'ana'any; mpa'ëyowäämpyës yë Jo-ruhamá ets n'ënëëmëja'anyës yë Lo-ruhamá: Mijts nkajpn'ajtyp, etsës yë'ë xy'ëtsowa'any: Mijts nTios'ajtyp.

Éxodo 24:7

Tä ojts tu'uk ja noky tkoonë'ëky ma jap myinyën këxja'ay ja aaw ayuk ma ja käjpxytyu'unën ojts tuntën mëët ja Dios, ojts tukwinkukajpxë ja naax kajpn ets y'ëtsoowtë. Nja'akyukëjantëp ëëtsëty mëti'ipë ja Dios të tni'ënä'ämën.

Éxodo 34:1

Ënet yë Dios t'ënëmaay yë Moisés: Tsäts mijts kë'ëm yë tsaa, mäjtsk xy'oytyunëty, jëtu'un tä ojts mëjëyëjpë y'ityën etsës jam ja n'aaw n'ayuk xykyëxja'ajëty jatëkok, mëti'ipë ijty jam miinpën këxja'ay ma ja tsaatsetsyën mëti'ipë ojts xytyukpu'ujën.

1 Corintios 6:16

¿Ka'ap miits xynyijawëtë ko tu'uk ja ye'etyëjk nyämyukyë mëët ja ku'into'oxy, tu'ukyë nyämyukyë? Jëtu'un ja Dios ja y'aaw y'ayuk y'ënä'äny: Ja ja'ay nimäjtskpë, jëtu'un jä'ä wyimpity ijxtëm ja ja'ay tu'ukpën.