Hebreos 8:1 - Biblia Dc en Mixe de Quetzaltepec

¹ Yë'ë kopkpëky mëti'ipës tyam nnikajpxtëpën: Ko ja nTeety'ajtëm mëti'ipë nyiwintsën'ajtypyën ja teetytyëjk, tëë jam tsajpjotm nyaaxweetsy, a'oytsyow ma ja Dios ja kyutujktaknën.

Biblia Mixe de Quetzaltepec

¹ Yë'ë kopkpëky mëti'ipës tyam nnikajpxtëpën: Ko ja nTeety'ajtëm mëti'ipë nyiwintsën'ajtypyën ja teetytyëjk, tëë jam tsajpjotm nyaaxweetsy, a'oytsyow ma ja Tios ja kyutujktaknën.

Hebreos 8:1 ပူးပေါင်းရင်းမြစ်များ

1 Crónicas 29:11

Wintsën, mijts mjä'ä'ajtyp ja mëj'ajtën kuttujkën, ja mëj'ajt oyajtën, ja ënä'ämën kuttujkën ets ja mëjwinma'anypë këjääwinma'anypë. Jä'ä ko tëkokyë jënu'un winë y'ityën ets yajpaatyën tsajpjotm ets naaxwiiny mijts mjä'ä'ajtääpy, näjyëtu'un tëkokyë ja ënä'ämtakn kutujktakn mijts yë mjä'ä, jä'ä ko mijts ni'ik mëj'ajtën kuttujkën xymyëëtëty këtiinëm oy pën naaxwiinyëtë ja'ay yaapë y'ëne'emy yajkutukyën.

Job 37:22

Jëtu'un jam anëkëjxmtsow yaj'ixy tyi'kxy jyäjy pu'ts pujxnën, ko yë Dios jam yë myëj'ajtën tyajkëxë'ëky.

Salmos 104:1

Nkënu'kxyjyawëjäämpyës yë Wintsën winë aaw winëjot. Mëj'äämpy m'ity, mijts Wintsën mëti'ipës n'ëwtajtypyën. Mëjwiin këjää yë mmëj'ajt m'oyajtën;

Salmos 110:1

Jëtu'un yë Wintsën t'ënëmaay yë nWintsënës: Yaatsow u'unyë maas yë n'a'oykyë'ëjën, yaa jëtu'un m'u'unyëty koonëm yë mmëtsiptëjk xymyëmëtakta'ajëty.

Salmos 145:12

Wä'än tëkokyë yë naaxwiinyëtë ja'ay yajtuknija'awëtya'atë yë mmëjajtën ets tyë'kxën jyajjën yë m'ënä'ämtakn.

Salmos 21:5

Mëët yë'ë ko të xypyutëkë. Këjää tmëëtëty yë kuttujkën. Tëë xymyo'oy yë mëk'ajtën ets kuttujkën.

Isaías 24:14

Mëti'ipë ënety juuky të jyaakwë'ëmtën, akujk jotkujk nëjkx wyë'ëmtë. Jam ma xëëw kyëtä'äkyën, nëjkxëp y'ëwtë ya'axtë ko ënety t'ixtë ja Wintsën ja myëj'ajtën y'oyajtën mëjwiinpë këjääpë.

Miqueas 5:4

Mëkta'akaanp jatëkok yë yajkutujkpë ets tu'uwinwowa'any yë nyaax kyajpn mëët yë mëk'ajtën ets myëj'ajtën yë Wintsën mëti'ipë Tyios'ajtypyën ets yë'ëjëty jotkujk jyuuky'atëty ka'ap tiitsip tpaatëty, jä'ä ko yë Wintsën mëj'äämpy ënety nyäxy oymyaanaax myaakajpnëty.

Marcos 16:19

Ko ja y'ijxpëjkpëtëjk ojts jëtu'un tmëmëtyakta'ay, ënät ja Jesús pya'tëjkëy tsajpjotm; Dios ojts tuknipëjktaakë ets pya'tëkëty tsajpjotm ets nyaaxwe'tsy ma ja Dios ja y'a'oykyë'ëjën.

Efesios 6:20

Tëës ja Dios xykyexy etsës yë aaw ayuk oypyë nkajpxwa'kxëty, mëti'ipës të nkutsumtsyëënën. Ja'amyätstë ja Dios etsës amëk jotmëk nikajpx nnimëtya'akëty, ijxtëm pyäätyën.

Colosenses 3:1

Jä'ä ko m'itë ijxtëm jeexyë të mjuukpyëktën mëët ja Kristë, ixta'atë mëti'ipë tsajpjotmën, ma ja Kristë jap y'u'unyën Dios y'aka'anytsyow.

Hebreos 1:13

Dios ka'ap ojts nitu'uk t'ënëëmë ja tsajpjotmëtë kukäjpxy: Yaa u'unyë n'aka'any'äämpyës koonëm ja mmëtsip nmëmëta'akëtyës, ets npëjkta'akëtyës maas yë nteky'ixpo'kxën.

Hebreos 1:3

Yë'ë kyujäjpy kyutë'kxyp ets yajknikëxë'kpy ja Dios ja myëj'ajt y'oyajtën. Jëtu'un ijxtëm ja Dios Teety, tim näjyëtu'un ja y'u'unk, ja y'u'unk tu'kë'ëyë winë wyijts'ijtääpy mëët ja y'aaw y'ayuk mëk'ajtënmëëtpë. Ko të xyajpokywyatsëmë, tääts të nyaaxweetsy tsajpjotm Dios pyë'aay aka'any'äämpy.

Hebreos 10:12

E ja Kristë tëë tyäky ja wintsë'kën tu'k'okyë ko ja ja'ay pyokymëët'atë, tääts nyaaxwe'tsy Dios y'aka'any'äämpy.

Hebreos 12:2

Mpëjktakëm ja njoot'ajt nwinma'any'ajtëmë ma Jesusën, jä'ä ko yë'ë yäjkpy ets yajkä'pxyp ja nmëpëjkën'ajtëm. Ëyoow ja Jesús kruutskëjxm, ka'ap tmëjpëjktäky ja tsëtyu'un ko y'o'ky, jä'ä ko nyija'ap ënety ko ok y'ita'any ja xoontakën; tëë nyaaxweetsy aka'any'äämpy ma ja Dios ja kyutujktaknën.

Hebreos 2:17

Paatykyëjxm näjyëtu'un kopkpëky yajpëjktäky ijxtëm ja myëku'uktëjkën ets jam Dios wyintuuy y'itëty teety wintsën oypyë ets pa'ëyoopë ets ja Dios ja ja'ay tpokmyä'kxëty mëët ja wintsë'kën.

Hebreos 3:1

Paaty mëku'uktëjkëty, ninu'un ja Dios mja'ay'atëtën, tëëpë yajyaxtsowtën, pëjkta'aktë mjootjoty mwinma'anyjyotyëty ja Kristë Jesús, ja ayukkajpxwa'kxpë, ja mëj teety wintsën.

Hebreos 4:14

Jesús, ja Dios U'unk, yë'ë ja nTeetywintsën'ajtëmë mëti'ipë të pya'tëkën tsajpjotm. Paatykyëjxm mëk ja mëpëjkën nmëët'ajtmëty mëti'ipë të mpatëmën.

Apocalipsis 3:21

Pën mëtakp, yë'ëjës nmo'ojäämpy ja tëyajtën ets xymyëët'u'unyëtyës maas ja nkutujktaknën, ijxtëmës ëjts të nmëtä'äkyën ets të naaxweetyës maajës ja nTeety ja kyutujktaknën.