Hebreos 7:7 - Biblia Dc en Mixe de Quetzaltepec

⁷ yajnija'ap ko wäänë mëj ni'ik mëti'ipë kënu'kxpën këtiinëm mëti'ipë yajkënu'kxpën.

Biblia Mixe de Quetzaltepec

⁷ yajnija'ap ko wäänë mëj ni'ik mëti'ipë kënu'kxpën këtiinëm mëti'ipë yajkënu'kxpën.

Hebreos 7:7 ပူးပေါင်းရင်းမြစ်များ

Génesis 49:28

Ya'atë jëtu'un nimajkmäjtskpë y'u'unk'ajtyp yë Jacob, mëti'ipë yajtijpën näjyëtu'un Israel. Yë'ë ya'atë aaw ayuk kyajpx ko yë y'u'unk y'ëna'k tmooy yë kënu'kxën nitu'ukjaty.

2 Samuel 6:20

Yë David ojts nyëjkxnë ma tyëjkën ets tkënu'kxa'any ja jampë yajpaatën; e ja Mical, ja nyëëx ja Saúl, ënätyë ojts tnipëtsëmy ja David ets t'ënëmaay: Nëkoo tyam janty'oy y'ëkyaj'ijxnë ja Israel ja kyutujktakn; janty'oy të y'ëkwë'ëmnë, paaty mijts niwa'ats ëxwa'ats mtimy'äjtsnë, jëtu'un tä jeexyë oy na pën ja'ayën.

1 Reyes 8:55

ënät wya'akë'ky ets ojts tkënu'kxy ja naax kajpn mëti'ipë jam të tyu'ukmuktën ets y'ënäny:

2 Crónicas 30:27

Ko tyuuntaay jyajtaayë ja xëëw, ënät ja teetytyëjkëty ojts ja naax kajpn tkënu'kxtë, ja teetytyëjkëty ja wyaantak nyu'kxtakënëty jëkämpaat yajmëtooy.

2 Corintios 13:14

Ja myëj'ajt y'oyajtën ja nwintsën'ajtëm Jesukristë, ja Dios ja tsyojkën jya'awën ets ja Kënu'kxypyë ja Mëk'ajtën wä'än tyajpaaty ma miitsëtyën ni'ëmukë.

Deuteronomio 32:1

Ets y'ënäny: Tsajp ets naaxwiinyëtë; mëtoow'itë ya'atë aaw ayuk mëti'ipës yam nkajpxäämpyën, ja'akyukëtë yajxon.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Hebreos 7:6

E ja Melquisedec, oy ënety ka'ap ja Leví t'ap t'ëkëty, ojts tukyäky ja Abraham tu'kpëky ja majk pëkpyë. Jëtu'un ja Melquisedec ojts tkënu'kxy ja Abraham;

Hebreos 7:8

Yë teetyëty mëti'ipë yajmooytyëpën tu'kpëky ja majk pëkpyë ijxtëm ja Moisés ja y'ënä'ämën y'ënä'änyën, o'ktëp jä'ä; je'eyëp ko Dios ja y'aaw y'ayuk jëtu'un tnimëtyä'äky ja Melquisedec ijxtëm tu'uk ja ja'ayën mëti'ipë juukyajtpën.