Hebreos 7:28 - Biblia Dc en Mixe de Quetzaltepec

²⁸ Ja Moisés ja y'ënä'ämën yë'ë nyikäjpxyp ets tyeetywintsën'atëty mëti'ipë pokyjyä'äyën, e ok ojts ja Dios nyäyajkäjpxyë ets ja y'u'unk teety wintsën y'itëty mëti'ipë xëmëkyëjxm tunëpën mëtëy.

Biblia Mixe de Quetzaltepec

²⁸ Ja Moisés ja y'ënä'ämën yë'ë nyikäjpxyp ets tyeetywintsën'atëty mëti'ipë pokyjyä'äyën, e ok ojts ja Tios nyäyajkäjpxyë ets ja y'u'unk teety wintsën y'itëty mëti'ipë xëmëkyëjxm tunëpën mëtëy.

Hebreos 7:28 ပူးပေါင်းရင်းမြစ်များ

Salmos 110:4

Yë Wintsën tëë tu'uk yë käjpxytyu'unën tuny ets ka'ap jëtu'unyë tyajninaxa'any: Mijts xëmë mteety'ata'any jëtu'un tä y'ijtyën yë Melquisedec.

Lucas 13:32

Ets ja Jesús y'ëtsooy: Nëjkx ënëëmëtë tääpë wax: Ko tyam ets jëpom yë ku'oypyë n'ixkäxa'anyës ets nyajtso'oka'anyës yë pa'amja'ay, ets wëxtëjkm nyajjëjpkëxa'anyës.

Juan 19:30

Ko ja Jesús tkupëjky ja tsatsym nyëë xun ënät y'ënäny: Tyam tëë ënät tyuunta'ay jyajta'ayë tu'kë'ëyë winë. Ets ojts kyutëëynyäxy ja kyëpajk ets ja jya'awën tyukpëtsëëmë.

Hebreos 1:2

Tyam ma kyëxanën ja xëëw jëmëjt, tëë xymyëkajpxëmë mëët ja y'U'unk, mëti'ipë ojts mëët tyajkojyën ja naax tsajp, mëti'ipë të tukumaaytyä'äyën winë.

Hebreos 2:10

Tu'kë'ëyë mëti'ipë jää'ajtpën aak Dios jyä'ä'ajtääpy ets yaj'ijtääpy, jä'ä ko tsyojkpy ets ja y'u'unk y'ëna'k näjyëtu'un tpaatëty ja myëj'ajtën y'oyajtën; Dios ojts tyaj'awinpity ja Jesukristë wa'ats ko y'ëyooy, mëti'ipë të yajnitso'okëtën.

Hebreos 2:17

Paatykyëjxm näjyëtu'un kopkpëky yajpëjktäky ijxtëm ja myëku'uktëjkën ets jam Dios wyintuuy y'itëty teety wintsën oypyë ets pa'ëyoopë ets ja Dios ja ja'ay tpokmyä'kxëty mëët ja wintsë'kën.

Hebreos 3:1

Paaty mëku'uktëjkëty, ninu'un ja Dios mja'ay'atëtën, tëëpë yajyaxtsowtën, pëjkta'aktë mjootjoty mwinma'anyjyotyëty ja Kristë Jesús, ja ayukkajpxwa'kxpë, ja mëj teety wintsën.

Hebreos 3:6

E ja Kristë, jëtu'un jä'ä ijxtëm tu'uk ja u'unkën, oy tmëtuny ja Dios ma ja jyä'äyën, ëëtsajtëm yaj'antijëm; pën nmëpëjkëm ëmuumtu'ukjot mëti'ipë njëjp'ijxëmën.

Hebreos 4:14

Jesús, ja Dios U'unk, yë'ë ja nTeetywintsën'ajtëmë mëti'ipë të pya'tëkën tsajpjotm. Paatykyëjxm mëk ja mëpëjkën nmëët'ajtmëty mëti'ipë të mpatëmën.

Hebreos 5:5

Tim näjyëtu'un ja Kristë ka'ap ojts kë'ëm nyäpyëjktä'äkyë teety wintsën, ja Dios ojts myo'oyë ja mëj'ajtën jaanty'ajtën ko y'ënëmaayë: Mijts n'u'unk'ajtyp, tyamës n'ëna'any ko mijts n'u'unk'ajtyp.

Hebreos 7:21

E ja Dios ojts kë'ëm nyäyajkäjpxyë ets ja Jesús tyeety'atëty ko t'ënëmaay: Tëës nnäyajkäjpxyë, ka'apës ja nwinma'any tyëkatsëty, xëmëkyëjxm mijts mteety'atëty.

Hebreos 7:24

e ja Jesús, jä'ä ko xëmëkyëjxm jyuuky'äty, paaty ja tyeety'äty xëmëkyëjxm.

Hebreos 7:3

Ka'ap yajnikäjpxy pën tyaak'ajt tyeety'ajt ëkë pën y'ap'ajt y'ok'ajt ets ni kyayajnikäjpxy wi'ix myëxu'unk'ajty ets ko ojts y'o'knë, je'eyëp ko jëtu'un yaj'ijxy ijxtëm ja Dios U'unk tyeety'ätyën xëmëkyëjxmëpë.