Hebreos 7:25 - Biblia Dc en Mixe de Quetzaltepec

²⁵ Paaty myäyë tyaj'ëwaatsëpëtsëmëty xëmëkyëjxm mëti'ipë myëwinkoontëpën ja Dios, jä'ä ko jyuuky'äty xëmëkyëjxm ets tninu'kxta'akëty ma ja Tiosën.

Biblia Mixe de Quetzaltepec

²⁵ Paaty myäyë tyaj'ëwaatsëpëtsëmëty xëmëkyëjxm mëti'ipë myëwinkoontëpën ja Tios, jä'ä ko jyuuky'äty xëmëkyëjxm ets tninu'kxta'akëty ma ja Tiosën.

Hebreos 7:25 ပူးပေါင်းရင်းမြစ်များ

Romanos 8:34

¿Pën xy'ëkyajnitujkëmëp? Kristë Jesús mëti'ipë ojts y'ookyën ets mëti'ipë ojts jyuukpyikyën ets tam yajpaaty Dios y'aka'anytsyow ma xynyinu'kxtakëmën.

1 Timoteo 2:5

Jä'ä ko tu'ukyë je'eyë Dios, ka'ap maa wiinkpë ets tu'ukyë ja ja'ay mëti'ipë itkujky yajpatpën ma ja Tiosën mëët ja naaxwiinyëtë ja'ay: Yë Kristë Jesús.

Judas 1:24

Ja tu'kpajkpë ja Dios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kuttujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

Juan 14:6

Ënet ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Dios Teetyën.

Efesios 2:18

Kristë xypyutëjkëmëp ni'ëmukë mëët ja kënu'kxymyëk'ajtën ets npatmëty ja Dios, jëtu'un ja jutiis ja'ayëty ets näjyëtu'un mëti'ipë ka'ap jyutiisëty.

Romanos 5:2

Mëët ko ja Kristë të nmëpëjkëmë paaty të tjëkyepy wi'ix nmëwinko'onmëtyën ja Dios, ets xoontä'äky nyajpatmëty ko të xypya'ëyo'owëmë, mëk ja mëpëjkën nmëët'ajtmëty, ets amëj akëjxm njëjp'ijxmëty ja Dios ja myëj'ajt y'oyajtën.

Hebreos 11:6

Ka'ap tjëkyepy oy nmëtu'unmëty yë Dios pën ka'ap ja mëpëjkën yajmëëtëty. Ko nmëwinkona'anmëty ja Dios, kopkpëky ko nmëpëjkmëty ko Dios jyääty ets ko tkumay mëti'ipë ixtaayëpën.

Efesios 3:20

E tyamm, mëj'äämpy ja Dios nyäxy, ko tmëët'aty ja mëk'ajtën ets winë tunëty, wäänëni'ik këtiinëm ijxtëm n'amëto'owëmën ëkë ijxtëm nmëma'ay nmëtajëmën, oy ko tmëët'aty ja kuttujkën ets winë tunëty ma ëëtsajtëmën.

Isaías 45:22

Naax kajpnëty jëkämpaatpë yajpaatën, nimiintëkës ets nyajtso'oktëty, jä'ä ko ëjts jëtu'un Tios'ajtp nätyu'uk, ka'ap maa wiinkpë.

Hebreos 9:24

Jä'ä ko ja Kristë ka'ap jap tyëjkëy ma ja wit tëjkën mëti'ipë ja naaxwiinyëtë ja'ay të tkojtën, mëti'ipë je'eyë y'awinax'ajtypyën ja mëtëypyë ja tsajptëjk, ma tyam yajpaatyën Dios wyintum ets xëmë xynyinu'kxtakëmë.

Hebreos 7:19

jä'ä ko ja Moisés ja y'ënä'ämën nitii ojts oy wa'ats tkayajwë'ëmy, ëëtsajtëm yë'ë jawäänë oypyë njëjp'ijxëm, paaty nmëwinko'onëm ja Dios.

Isaías 59:16

Yë Wintsën wiink të t'ixy ko ni pën tkayaj'oyë ya'atë jotmay; ënät kë'ëm yë myëk'ajtën të tpëjktä'äky ets të tuny ijxtëm tsokyën ets tëë myëtä'äky.

Juan 14:13

Ets tu'kë'ëyë mëti'ipë miits m'amëtoowtëpën ëjts nxëëwkyëjxmës, ntunäämpyës, ets mëët ja Dios U'unk yaj'ixëty ja Dios Teety ja myëj'ajt jyääntyajtën.

Daniel 6:20

Ko tmëwinkoony ja kaa ijtakn, ënät jë'ë ya'ax tmëkäjpxy ja Daniel: Daniel, Dios mëtuunpë, ¿tëë ja mTios myajtso'okyë kaa aawjoty, mëti'ipë m'ëwtajtypyën ets mëtuumpyën ëmuumtu'ukjotë?

Daniel 3:17

Ëëts ja nTiosëty, mëti'ipë n'ëwtajtëpënës, yë'ëjës xyajtso'oktëp jap jëënjoty ets muum ëxëëktum ma ënety ja yajkutujkpë ëëts xypyëjkta'aka'antën, yë Wintsën yë'ë ëëts xyajtso'okantëp.

Job 23:3

Jääpëk jeexyë nijawës maas npaatëty wi'ixës jam nja'tëty ma y'ityën.

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Dios, pën mëpaat yaj'ëwaatspëtsëmyë ma ja o'kënën, e ja Dios wa'ats ojts myëtoyë jä'ä ko kyäjpxykyupëky.

Isaías 53:12

Paatykyëjxm ja Wintsën tmo'oja'any tu'uk ja ënyäätyakn ma y'u'unyëtën ja wintsëntëjkëty, kopktëjkëty ets ja mëj'äämpyë y'itën, tu'ukmukyë nëjkx tukxoonta'aktë ko ënety të myëta'aktë; yë'ëkyëjxm ko ojts nyäkyë'ëyäkyë o'këntum, ets jëtu'un jyäjty kyëpejty tä jeexyë ëxëëk të y'ëti'itsy të y'ënä'änyën, mëët yë'ëkyëjxm ko ojts tkunaxy ja pokyjyä'äytyëjk.

Hebreos 13:15

Paaty, tsojk ja Dios nmëjja'wëmë ko ja Jesukristë të nmëpëjkëmë. Yë'ë jëtu'un ya'atë mëpaat ntukwintsë'këmë, tsojk nmëjja'aw njaantyja'awëmë ja Dios mëët ja aaw ayuk.

Isaías 63:1

¿Pën ja'ay yë'ë, tampë myinyën Posrá, mëti'ipë Edom myëjkajpn'ajtypyën, tsapts yë wyit, jëtu'un yaj'ixy ne'pnymyëëtën yowë? ¿Pën yë tääpë oypyë të nyäxyoxyën ets amëjaaw myiny?

Hebreos 7:16

tu'uk ja teety mëti'ipë kuttujkën myëët'ajtypyën ets tyeety'atëty jä'ä ko jyuuky'äjty xëmëkyëjxm, ka'ap yë'ëkyëjxmëty ko jyääty ja ënä'ämën mëti'ipë ënaanpën ets y'u'unk y'ok tyeety'atëty.

Hebreos 2:18

Mëët yë'ë ko ja Jesús y'ëyoow ets yajwinma'any'ijxy ets jeexyë pyokytyuny, tyam jyëkyejpy tputëkëty mëti'ipë ja mëjku'u yajkpokytyunanëpën.

Filipenses 3:21

mëti'ipë ja ni'kx'ajt nkopk'ajtëm yajtëkatsäämpyën ets yë'ë xymyo'oja'anëmë ja kyë'ëm nini'kx mëti'ipë mëj'ajtën jaanty'ajtën myëët'ajtypyën ets tyunäämpy mëët ja myëk'ajtën mëti'ipë myëët'ajtypyën ets tmëmëtakta'ajëty oy tyimtiijëty.

Juan 14:16

Ets n'amëtowëpës ja Dios Teety ets tkäxëty ma miitsëtyën ja wiinkpë ja nikajpxtutpë; jä'ä jëtu'un ja Kënu'kxymyëkajtën tëyajtënpë, xëmëpë yajpaata'anyën mëët miitsëty.

Jeremias 3:22

Wimpitë ma ëjtsën, u'unk maayëty mëti'ipë käjpxy kyumëtoownajxtëpën, ëjts miits nyajtso'ok nyaj'akëta'aktëp këtiipë m'ëk käjpxy kyumëtoownajxnëtëty. Tyaa ëëts nmintë ma mijtsën, jä'ä ko mijts myajWintsën'ajtp, mëti'ipës nTios'ajtëpën.

Isaías 45:24

ets y'ëna'ana'antë: Yi'iyë tu'uk yë Wintsën yajmëtakp, yë'ë nätyu'uk mëk'ajtën myëët'ajtyp. Tëkokyë nu'unës ënety xymyëtsip'atën, nëxi'iky tukxi'iky wyë'ëma'antë.

2 Timoteo 1:12

Paatyës tyam nku'ëyowë ya'atë. Je'eyëp ko ka'apës ntuktsëtyuny, jä'ä ko nnija'apës koos yë'ë ntuk'ijxpety; ets nnija'apës ko yë'ë myëët'ajtyp ja mëk'ajtën es tpëjkë'ëkëty ja kuma'ayën jekpyaat mëti'ipës të xytyukwinwanën.

Daniel 3:29

Tyam yë'ëjës yam nikäjpxyp ko pën ëxëëk tnikäjpxy tnimëtya'akëty yë Dios mëti'ipë tyaapë ëna'këty y'ëwtajtëpën nëjkxëp yaj'atsuk yajtuktsukë ets nëjkx ja jyëën tyëjk tsaanipiy y'awinpity oy ënety myaakajpnëty tsyoony ets wä'än myëti'ipë y'ayukëty tkäjpxy, jä'ä ko ka'ap maa tios mëti'ipë jëtu'un yajtsokpën tä yë'ëjëty yë Tyiosëtyën.

Hebreos 7:24

e ja Jesús, jä'ä ko xëmëkyëjxm jyuuky'äty, paaty ja tyeety'äty xëmëkyëjxm.

Daniel 9:16

Ëëtsëty nija'awëtyëpës ko mijts Wintsën, oy yë jot winma'any xymyëëtëty. Tun yë mëyajtën jëpëk yë mtsip m'äkë jam Jerusalén, jä'ä ko yë'ë mijts mkajpn'ajtyp ets jam yajpaaty ja kopk wa'atspë. Tëkokyë yë ja'ayëty mëti'ipë mëët yë Jerusalén kajpn nyämyëwinkon'atyën aak je'eyë tnëxi'ik tukxi'iktë yë Jerusalén kajpn, mëti'ipë mijts mkajpn'ajtypyën, mëët ko ëëtsëty të ntëkoytyë ets ko ojts pyokytyuntë ja n'ap n'okëtyës.

Daniel 3:15

¿Wi'i m'ëwtatantëp ets mwinkoxtänëjantëp yë awinax mëti'ipës të ni'ënä'ämën ets kyojëtyë ko ënety ja xuxpë wojpë tyëkëtë xuxpë? Jä'ä ko pën miitsëty ka'ap xy'ëwtatë ya'atë awinax, jap ënät jëëntooytyaknjoty myaj'ajëpipëtëty mëti'ipë jap tyam aanpëjkpën; e ko ënät jap myajpëjkta'aktëty ¿pën tios ënät mnäyajtso'okëtëp?

Efesios 3:12

Mëët ko ja Kristë të nmëpëjkëmë, jyëkyejpy nmëwinko'onmëty ja Dios mëët ja oy'aaw oyjyot.

Hebreos 7:8

Yë teetyëty mëti'ipë yajmooytyëpën tu'kpëky ja majk pëkpyë ijxtëm ja Moisés ja y'ënä'ämën y'ënä'änyën, o'ktëp jä'ä; je'eyëp ko Dios ja y'aaw y'ayuk jëtu'un tnimëtyä'äky ja Melquisedec ijxtëm tu'uk ja ja'ayën mëti'ipë juukyajtpën.

Job 22:17

Jëtu'un ja Dios t'ënëmaaytyë: Ijxmajtstëk ëëtsëty, min n'ëkjuuky'atës jotkujk. ¿Tii jëtää yë Dios tyunëp mëët ëëtsajtëm mëti'ipë maaytyääyëpën winë?

Romanos 5:10

Jä'ä ko ijty ja Dios nmëtsip'ajtëmë, tëë ja Dios mëët nämyë'oypyëjkëmë jä'äkyëjxm ko ja y'u'unk të y'ooky; ets ko ja Dios mëët të nämyë'oypyëjkëmë, wäänëni'ik ëëts njëjp'ijxëmë ko ka'ap ja ëyo'on npaata'anëmë jä'äkyëjxm ko yë'ë jyuuky'äty.

1 Corintios 1:21

Ja Dios ja wyijy'ajtën, ka'ap ojts ja naaxwiinyëtë ja'ay tja'akyyukëtë mëët ja wyijy'ajtën kyejy'ajtënëty, tëë ja Dios tuknipëjktaakë ko tyajnitso'oka'any mëët ja y'aaw y'ayuk mëti'ipë mmëpëjkëpën, oy ya'atë jëtu'un jyayajmëtoy ijxtëm ja tsuuwinma'anyën.

Hebreos 2:9

E Dios të xytyuk'ijxëm ja Jesús, mëti'ipë ja Dios tu'kxëëw tu'kjëmëjt pyëjktakën naxym këtiinëm ja anklëstëjk, tëë yajmo'oy ja kuttujkën ets ja mëj'ajt oyajtën, mëët ko tmënajxy tyajnajxy ja o'kën. Dios mëët ja tsyojkën jya'awën yë'ë ojts tuknipëjktaakë ets ja o'kën tpaatëty ets tuk'oy'atëty ja mayjyä'äy.