Hebreos 7:21 - Biblia Dc en Mixe de Quetzaltepec

²¹ E ja Dios ojts kë'ëm nyäyajkäjpxyë ets ja Jesús tyeety'atëty ko t'ënëmaay: Tëës nnäyajkäjpxyë, ka'apës ja nwinma'any tyëkatsëty, xëmëkyëjxm mijts mteety'atëty.

Biblia Mixe de Quetzaltepec

²¹ E ja Tios ojts kë'ëm nyäyajkäjpxyë ets ja Jesús tyeety'atëty ko t'ënëmaay: Tëës nnäyajkäjpxyë, ka'apës ja nwinma'any tyëkatsëty, xëmëkyëjxm mijts mteety'atëty.

Hebreos 7:21 ပူးပေါင်းရင်းမြစ်များ

Salmos 110:4

Yë Wintsën tëë tu'uk yë käjpxytyu'unën tuny ets ka'ap jëtu'unyë tyajninaxa'any: Mijts xëmë mteety'ata'any jëtu'un tä y'ijtyën yë Melquisedec.

Hebreos 7:17

Yë'ë ja Dios nëmaayë: Mijts xëmëkyëjxm mteety'ajtp ijxtëm ja Melquisedec y'ijtyën.

1 Samuel 15:29

Jä'ä ko yë Dios mëti'ipë yë Israel kajpn mëj'äämpy jyëkyejpyën, ka'ap yë wyin'ëëny ets ka'ap yë jyot wyinma'any tyëkatsy tä yë naaxwiinyëtë ja'ayën.

Romanos 11:29

Ka'ap ja Dios wyinma'any tyëkatsy ko pën tii tmo'oy mëti'ipë të twin'ixyën.

Hebreos 5:6

Ets nän jap jatu'kpëky myiny kuja'ay mëti'ipë ënaanpën: Mijts xëmëkyëjxm mteetywyintsën'ajtp ijxtëm ja Melquisedec y'ijtyën.

Hebreos 7:20

Dios ojts yë xyëëw yajkajpxpaaty ets ja Jesús tyeety'atëty. Ja wiinkëtypë ja teety jëtu'unyë ojts tyeety'atë, ka'ap ja Dios ja xyëëw yajkajpxpaty.

Hebreos 7:23

Nimay ja teety të y'itë, ka'ap jeky të tyuntë jä'ä ko të y'ooktë;

Hebreos 7:28

Ja Moisés ja y'ënä'ämën yë'ë nyikäjpxyp ets tyeetywintsën'atëty mëti'ipë pokyjyä'äyën, e ok ojts ja Dios nyäyajkäjpxyë ets ja y'u'unk teety wintsën y'itëty mëti'ipë xëmëkyëjxm tunëpën mëtëy.