Hebreos 7:16 - Biblia Dc en Mixe de Quetzaltepec

¹⁶ tu'uk ja teety mëti'ipë kuttujkën myëët'ajtypyën ets tyeety'atëty jä'ä ko jyuuky'äjty xëmëkyëjxm, ka'ap yë'ëkyëjxmëty ko jyääty ja ënä'ämën mëti'ipë ënaanpën ets y'u'unk y'ok tyeety'atëty.

Biblia Mixe de Quetzaltepec

¹⁶ tu'uk ja teety mëti'ipë kutujkën myëët'ajtypyën ets tyeety'atëty jä'ä ko jyuuky'äjty xëmëkyëjxm, ka'ap yë'ëkyëjxmëty ko jyääty ja ënä'ämën mëti'ipë ënaanpën ets y'u'unk y'ok tyeety'atëty.

Hebreos 7:16 ပူးပေါင်းရင်းမြစ်များ

Colosenses 2:20

Ko ja Kristë të xymyëpëktë, jëtu'un tpaaty ijxtëm jeexyë miits të m'ooktën mëët ja Kristë, ka'ap m'ëk'ijnëtë ma ja ku'oypyën mëti'ipë yaa naaxwiinyëtën. ¿E wi'ix ko ënät je'eyëm mjuuky'ajt'ëtë'ëtstë ijxtëm ja ja'ayëtyën mëti'ipë ka'ap ja Dios tmëpëktën?

Apocalipsis 1:18

Ëjts jëtu'un mëti'ipë juukyajtpën. Tëës n'ëk'o'kpë ets tëëjës jatëkok njuukpyiky. Xëmëkyëjxmës tyam njuuky'ajnë. Ëjts nmëët'ajtypës ja o'kën kuttujkën ja nyi'ëwatsn.

Hebreos 10:1

Ja Dios ja y'ënä'ämën mëti'ipë Moisés jyääywyë'ëmën, jëtu'un jä'ä ijxtëm jeexyë nyikojtu'utyën ja oypyë mëti'ipë ënety minaanpën, ka'ap jyä'äjëty mëti'ipë mëtëyën. Paaty ja ënä'ämën ka'ap tyaj'awinpity oy mëti'ipë ja wintsë'kën winjëmëjt jyayajktëpën Dios wintum.

Hebreos 7:28

Ja Moisés ja y'ënä'ämën yë'ë nyikäjpxyp ets tyeetywintsën'atëty mëti'ipë pokyjyä'äyën, e ok ojts ja Dios nyäyajkäjpxyë ets ja y'u'unk teety wintsën y'itëty mëti'ipë xëmëkyëjxm tunëpën mëtëy.

Hebreos 7:3

Ka'ap yajnikäjpxy pën tyaak'ajt tyeety'ajt ëkë pën y'ap'ajt y'ok'ajt ets ni kyayajnikäjpxy wi'ix myëxu'unk'ajty ets ko ojts y'o'knë, je'eyëp ko jëtu'un yaj'ijxy ijxtëm ja Dios U'unk tyeety'ätyën xëmëkyëjxmëpë.

Colosenses 2:14

Tëë ja Dios tjëpëky ja ënä'ämën mëti'ipë ja Moisés yajmooyën ets tyajnikëxë'ëky ja npoky'ajtëmë mëti'ipë jeexyë nkupäjtëmën. Jëtu'un ojts tyajkëxy tyajnaxy ja tsip ko ojts yajmëjwojpety kruutskëjxm.

Gálatas 4:9

E tyam ko ja Dios të xynyijawëtë, ëkë n'ëna'anmëty ko ja Dios të mnijawëtë, ¿wi'ix miits xykyupëjkojnëtëpë ja winma'any mëti'ipë ka'ap tsyoowpaatyën ets je'eyë yaj'ëyoy yajjotëkoy? ¿Yë'ë jëtää miits mtsojktëp ets mëtuunpë m'awinpitëty jatëkokë?

Gálatas 4:3

Näyjyëtu'un ijty ëëts nyajpatëmë ko ja Kristë ënety ka'anëm myiny, jëtu'un ijty nyajpatëmë ijxtëm ja pi'k ëna'kën, jëtu'un ntsëna'ayëm njuuky'ajtëmë mëët ja naaxwiinyëtë winma'any.

Hebreos 7:21

E ja Dios ojts kë'ëm nyäyajkäjpxyë ets ja Jesús tyeety'atëty ko t'ënëmaay: Tëës nnäyajkäjpxyë, ka'apës ja nwinma'any tyëkatsëty, xëmëkyëjxm mijts mteety'atëty.

Hebreos 7:17

Yë'ë ja Dios nëmaayë: Mijts xëmëkyëjxm mteety'ajtp ijxtëm ja Melquisedec y'ijtyën.

Romanos 7:14

Nnija'awëm ëëtsajtëm ko yë ënä'ämën ka'ap yaj'ixy, e ëjts jä'äs ko npokyjyä'äyëty, paatyës jëtu'un nyajpaaty pokyjotm ijxtëm tu'uk ja ja'ayën mëti'ipë juy tookyën.

Hebreos 7:15

Ets ya'atë wa'ats yajja'akyukë ko ja jemypyë ja teety jëtu'un jyä'äy'äty ijxtëm ja Melquisedec y'ijtyën,

Hebreos 9:14

Pën jëtu'un, ni'ik ja Kristë ja nye'pyny. Jä'ä ko mëët ja Kënu'kxymyëkajtën xëmëkyëjxmëpë y'ityën, ojts ja Kristë nyäkyë'ëyäkyë ets wyintsë'kën'atëty ma Tiosën wa'ats pëk, ets ja nye'pny yë'ë yajwatsyp ja njoot'ajt nwinma'any'ajtëmë oy ënety të njatu'unëmë mëti'ipë yaj'o'kpën, ets jëtu'un npatmëty ja juukyajtën.