Hebreos 6:8 - Biblia Dc en Mixe de Quetzaltepec

⁸ E pën aak äpny aak ëxëëk ujts mujxp, ka'ap tsyowpaaty, kajpxpoky ja Dios yaj'itëtë ets ok yajnino'oktë.

Biblia Mixe de Quetzaltepec

⁸ E pën aak äpny aak ëxëëk ujts mujxp, ka'ap tsyowpaaty, kajpxpoky ja Tios yaj'itëtë ets ok yajnino'oktë.

Hebreos 6:8 ပူးပေါင်းရင်းမြစ်များ

Juan 15:6

Pën ka'ap y'ity tu'ukyë mëët ëjts, jëtu'un tpaaty ijxtëm ja tsatym xe'enty ëpëky y'ityën mëti'ipë yajpëjkmujkpën ets yajnino'oky.

Deuteronomio 29:28

Ets të t'ëxmatsy tääpë naax kajpn ajoot'anë ets wä'än t'ijxnëtë wi'ix jyatë kyëpätë jëtu'un tä tyam yaj'ixy yajkoyën.

Jeremias 44:22

E yë Wintsën ka'ap t'ëkmëmëtaknë miitsëty ja m'ëxëëktu'un m'ëxëëk kajpxënëty mëti'ipë yë'ë wyiink'ijxypyën. Paatykyëjxm yë mnaax mkajpnëty tyam yajpaaty xit ko'ow ets ni pën jam kya'ëktsënaaynyë; tääts ijxpät të y'awinpity ko tëë yajpoky ets ko yë'ë je'eyë yajtsë'k yajja'awënë.

Hebreos 12:17

Ets mnija'awëtëp miits ko ja tyeety ka'ap myooyë ja kënu'kxën ko ojts ok tja''amëtoownë jëëpy yaxp, niwi'ix'äämpy ojts kya'ëk'o'oyënë ets tyëkatsëty mëti'ipë ënety të tunyën.

Hebreos 10:27

yi'iyë ja ëyo'on njëjp'ijxënëp ets ja tëytyu'unën ets mëj jëën ma y'ëyowtëtyën mëti'ipë ja Dios myëtsip'ajtëpën.

Apocalipsis 20:15

Jap yajkujëpijpëtyääytyë mëti'ipë ja xyëëw ka'ap y'akëxë'ëkën nokyjoty mëti'ipë juukyajtënmëëtën.

Marcos 11:21

Ojts ja Pedro tja'amyetsy ets ja Jesús t'ënëmaay: Wintsën, ix, tëë ja higo kepy tyëtsnë mëti'ipë ojts xykyajpxpokyën.

Marcos 11:14

Ënet ja Jesús t'ënëmaay ja higo kepy: Nijëna'a pën mkaniminëtëty ets tjë'kxëty ja mtëëm. Ko ja Jesús jëtu'un y'ënäny, myëtoowtë ja y'ijxpëjkpëtëjk.

Mateo 7:19

Tu'kë'ëyë kepy mëti'ipë tëëm'ajtpën ëxëëk, yajpujxp yë'ë ets yajnino'oky.

Mateo 3:10

Ja jatyë apaatë y'owxijnë ets tpujxë'ëka'any ja kepy ma tyiktsën. Pën ka'ap oy jyä'äy'äty, jëtu'un jä'ä ijxtëm ja kepy mëti'ipë ka'ap oy tyëëm'atyën; yajpujxë'ëkaanp ets yajnino'oka'any.

Malaquías 4:1

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un yë xëëw po'o wyinkony tä tu'uk jëënjutën mëti'ipë no'kpën tsääpyën, ma nyitoya'antën jëtu'un tä aay pu'uxmën mëti'ipë nämyëja'awëtëpën ets ëxëëkja'aytyëjkëty. Jä'ä xëëw wa'ats nëjkx tyooytyëkoytyë ets nitii kyawë'ëma'any.

Ezequiel 20:47

ets xy'ënëëmëty: Jëtu'un yë Wintsën y'ënä'äny: Nyajmëjëjäämpyës yë jëën ma mijtsën mëti'ipë nyo'ktëkoyäämpyën yë m'aay mkepy, tsuxkpë, të'ëtspë; ya'atë jëën toyaanp ets ka'ap pyi'itsa'any, nyo'kta'ajäämpy yë wyiin jyëjp ja ja'ay mëti'ipë jam tsënaaytyëpën anëkëjxmtsow ets ëpa'tkë'ëytsyow.

Jeremias 17:6

Jëtu'un jyata'any jëtu'unpë ja'ay tä yë kepyën mëti'ipë yoonpën të'ëts itjoty, ka'apë ni pën tkëwent'atyën, mëti'ipë tsaajoty yoonë'kpën ma ta'amts naaxën ets ma ka'ap nitii jyuuky'ätyën.

Salmos 107:34

yaj'awinpijtyp yë naax kaanmëxëpinëpë ma ënety winë të y'ity të wyintëyën, ko ja naaxwiinyëtë ja'ay ka'ap tukjaty wi'ix jyä'äy'atëtyën;

Job 31:40

jyëkyejpy yë nnaaxës wyinyo'onëtya'ajëty mëët yë äpny jëtu'un tä jeexyë jam yonyën yë tsajpmok, jyëkyejpy yë ëxëëk ujts jam yontëty tä jeexyë yë cebadë jam yonyën. Jëtu'un ja Job tyajkëjxy ja y'aaw y'ayuk ma nyäkyukäjpxyën mëk'äämpy.

Génesis 5:29

Jä'ä ojts txëëwmo'oy Noé ets y'ënäny: Yë Wintsën të tpoky yë naax. Mëk jëtu'un ntu'unmëty täänëm jam winë pyëtsëmëty kamwinm. E ya'atë u'unk maay të jyä'tyën, yë'ë nëjkx yë po'kxën xytyuk'ijxëmë.

Génesis 4:11

Paaty tyam poky mwë'ëmëty ets ëxkexy ma ja it naaxwiinyëtën, ma ja m'uty ja nye'pny të xytyääm të xyjyä'tsën, mëti'ipë të xyaj'ookyën.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

2 Samuel 23:7

Jëtu'un tä yë äpnyën yë'ë mëët yajmatsy yë pujxn ëkë kepy, ko yajjëënkupëky ets jap tyooytya'akëty.

Isaías 27:4

Ka'apës n'ekyë mëët yë'ë. Ko jeexyë tmëët'aty yë äpny ëkë ëxëëk ujts, pojënës jeexyë nitsoony etsës jeexyë ënätyë nino'kta'ay.