Hebreos 6:7 - Biblia Dc en Mixe de Quetzaltepec

⁷ Jëtu'un yë'ëjëty ijxtëm ja naax t'ukta'ayën ja tuu nëë mëti'ipë naxmëtu'ujëpën: ko oyëtypë pëjktä'äky y'ity, ja yuupë tuunpë pyaatëp ja Dios ja kyënu'kxën.

Biblia Mixe de Quetzaltepec

⁷ Jëtu'un yë'ëjëty ijxtëm ja naax t'ukta'ayën ja tuu nëë mëti'ipë naxmëtu'ujëpën: ko oyëtypë pëjktä'äky y'ity, ja yuupë tuunpë pyaatëp ja Tios ja kyënu'kxën.

Hebreos 6:7 ပူးပေါင်းရင်းမြစ်များ

Génesis 1:11

Ënet y'ënäny wä'än tpu'uy yë aay ujts kanaakjëjp. Ujts mëti'ipë myëët'atëpën yë pyajk ets kepy mëti'ipë tëëmpätëpën. Jëtu'un ojts tyuny jyätyë.

Génesis 27:27

Ko ja Jacob tmëwinkoony ja tyeety ets tsu'kxa'any. Ënet ja Isaac ojts xyuuk'ajtxëty ja wyit, tä ojts kyënu'kxyë mëët ya'atë ja aaw ayuk: Pën ya'atë mëti'ipës nxuukajtypyën n'u'unkës yë jyä'ä. Jëtu'un yë'ë ijxtëm xyuuktën yë aaypyijy ujts pëjy kamjotm tu'ujotm mëti'ipë, Dios kyënu'kxypyën jyëkyejpyën.

Salmos 126:6

Oy y'ëkjë'ë y'ëkya'axtë ma jam tmëjëtitën ja tëëmt, ëëp yaxp nëjkx wyimpijnëtë mëët ja xoontakën; ujts ja kyë'ë y'aaw tmëwinpijnëtëty mëët ja tsajpmok aak atsuumtä'äky.

Salmos 24:5

Yë Wintsën mëti'ipë Tios'ajtypyën mëti'ipë yajnitsokpën, yë'ë kënu'kxanëp ets nyipaye'eyä'änyë.

Isaías 44:3

Jä'ä koos nyajpëyë'ëkäämpyës yë nëë jam të'ëts'itjotm, nyajye'eyäämpyës yë nëë jap wokjoty mëti'ipë të tyëtsnën. Nmo'ojäämpyës ja jyuukyajtën ja m'u'unk m'ok ets nkënu'kxäämpyës näjyëtu'un.

Ezequiel 34:26

Jamës yë nkupixyny nyajtänëja'any maas yë nkopkën wa'atspë etsës nkënu'kxa'antë; yë'ëjës ntuknikäxantëp ja nëë tuu mëti'ipë kënu'kxën yajkëtäkpyën ma ënety mëtëy myëyätyën.

Oseas 10:12

Tëë n'ënëëmëtës: Yë'ë oypyë nipaye'eyën ni'iptë ets xyajmuktëty yë nätsyok näjyawë. Nipëjktaakëtë yë naax ets xynyi'iptëty jemypyë tëëmt, jä'ä ko yë'ë nyixëëw'ajtyp ets Wintsën yaj'ijxta'ajëty, koonëm tyajminëty ja nitsokën ma miitsëtyën tä nëë tuujën.

Malaquías 3:10

Mëmintë yë m'ayajk m'ako'onënëty maas yë njëën ntëjkën, ma mpaatëtën xyaktëty tu'kpëky ja majk pëkpyë; jëtu'un jyam'atëty ja ka'ayën ukën maas yë ntsajpjëën mtsajptëjkën. Ëk winma'any'ijxtëkës ets xy'ixtëty pën këtiis yë nëë tuu n'ëkyajtsoony jam tsajpkëjxm ets kënu'kxën kyëta'akëty ma miitsëtyën mëjwiin këjää.

Mateo 7:8

Jä'ä ko pën tii y'amëtoopy, yajmoopy; ko pën tii t'ixta'ay, pyätyp; ets pën pyijkxnojkpy ja tëjk'aaw, ëwatsxëyëp.

2 Timoteo 2:6

Yë ja'ay mëti'ipë naax tuunpën myëët'ajtyp ja tëyajtën ets jëyëjp tpëkëty ja pëjktä'äky mëti'ipë paat'ajtëpën.

Santiago 5:7

Miits mëku'uktëjkëty mëët'atë ja mä'kxtujkën koonëm ja Wintsën myinëty, ijxtëm ja kam tuunpëtëjk mëët ja mä'kxtujkën t'ëwxitë ja nëë tuu koonëm tyajpëtë'ëky ja pyëjktä'äky.