Hebreos 6:2 - Biblia Dc en Mixe de Quetzaltepec

² ëkë ja nëëpäjtën, wi'ix ja mëpëjkpëtëjk yajkë'ënixajtëtyën, wi'ix ja o'kpë jyuukpyëktën ets yajpaye'eytyë ja nyëë pyokyëty xëmëkyëjxmëpë.

Biblia Mixe de Quetzaltepec

² ëkë ja nëëpäjtën, wi'ix ja mëpëjkpëtëjk yajkë'ënixajtëtyën, wi'ix ja o'kpë jyuukpyëktën ets yajpaye'eytyë ja nyëë pyokyëty xëmëkyëjxmëpë.

Hebreos 6:2 ပူးပေါင်းရင်းမြစ်များ

Eclesiastés 12:14

Yë Dios yë'ë xyajtëwa'anëmë wi'ix tu'uktu'uk të njuuky'ajtëmë, oy ënety ëxëëk ëkë oy të njuuky'ajtëmë ets oy ënety tii yu'utsy me'ty të ntu'unëmë.

Isaías 26:19

E ja mja'ay mëti'ipë të y'ooktën juuky'atantëp jatëkok, juukpyëkaanp jatëkok ja wyääy pyajkëty. Mëti'ipë jap naaxjoty maatëpën ma'aywyijjantëp jatëkok ets jotkujk jyuuky'ata'antë. Jä'ä ko mijts jëtu'un ja mtë'kxën mjajën të xykyexy tä tu'uk maanik kyä'äyën, mëti'ipë të y'ooktën juukpyëkantëp jatëkok naaxwiiny naaxkëjxy.

Daniel 12:2

May ja mëti'ipë maatëpën jap naaxjoty, nëjkxëp jyuukywyijtë: Tam mëti'ipë nëjkx jyuuky'ätyën xëmëkyëjxm ets tam mëti'ipë nëjkx je'eyë tsyëtyuny jyääypyätë ets nëjkx ja ëyo'on tpaaty ja xëmëkyëjxmëpë.

Mateo 28:19

Nëjkxtë naaxwiinyëtë apëtsëmy ets xyaj'awinpitëty yë ja'ay ëjts n'ijxpëjkpë; yajnëëpätë mëët yë Dios yë xyëëw, Dios U'unk ets mëët yë Kënu'kxymyëkajtën yë xyëëw,

Mateo 3:14

Ka'ap ja Juan tjayajnëëpätany ja Jesús, paaty t'ënëmaay: Mijts mpaat'ajtëp ets ëjts xyajnëëpätëty ¿wi'ix koos xynyëëmës ets nyajnëëpätëty?

Marcos 16:16

Pën myëpëjkpy ets nyëëpety, yë'ë nëjkx nyitso'oky; e pën kamëpëjkp, yë'ë nëjkx yajkpoky'ixy.

Marcos 7:4

Ets ko pën maayjoty tsyoony, pën ka'ap të kyë'ëpujy, nän ka'ap kyäyëty. May ja tsëna'ayën mëti'ipë pyatuuntëp, ijxtëm ko yajpujy ja a'ukën, tu'ts, texy taza, pujxn apëjkën ets ja maapäjn näjyëtu'un tpujtë.

Marcos 7:8

M'ëxmajtstëp ja Dios ja y'ënä'ämën ets yë'ë xypyanëjkxtë mëti'ipë ja ja'ay tyuuntëpën.

Lucas 11:38

Ja fariseë ja'ay wiink ojts t'ixy ko ka'ap ja Jesús kyë'ëpujy ijxtëm ja ja'ay tuunk'atën ko kyäya'antë.

Lucas 12:50

Kopkpëky koos n'ëyo'onpaata'any ets njotmaypyaata'any, mëkës n'ëyoy koos njëjp'ixy jëna'a jëtu'un jyata'any.

Lucas 14:14

Jä'ä ko yë'ëjëty ka'ap myäyëtë tkujuytyëty mëti'ipë ënety të xymyo'oyën; je'eyëp ko mijts nëjkxëp ja mkuma'ayën xy'ëxajë ko ënety jyuukpyëktë ja wa'ats ja'ayëty.

Lucas 3:16

Tääts ja Juan y'ënëmaayëtë ni'ëmukë: Nëë mëët miits nyajnëëpätë, je'eyëp ko xypyamiinpës tu'uk ja ja'ay mëti'ipë myajnëëpätanëtëp mëët ja Kënu'kxymyëkajtën. Ka'apës ëjts xypyääty etsës ja kyë'ëk n'akäjëty.

Juan 1:33

Ka'apës ënety ëjts nijawë pën yë'ë, je'eyëp ko mëti'ipës xykyäjxën etsës nyajnëëpätëty nëë mëët, yë'ëjës xynyëmaay: Yë'ë mtuk'ixëp ko ja Kënu'kxymyëkajtën tyukëta'akëtëty ets nyäpyëjkta'akëtëty ma yë'ëjën, yë'ë ënety mëti'ipë nëjkx yajnëëpetyën mëët ja Kënu'kxymyëkajtën.

Juan 5:29

ets pyëtsëmtëty jap jutjoty. Pën të tuntën mëti'ipë oyën, nëjkxëp jyuukpyëktë ets tmëët'atëty ja juukyajtën; ets pën të tuntën mëti'ipë ëxëëkën, juukpyëkantëp ets yajmo'otëty ja ëyo'on.

Hechos 10:47

Tääts ja Pedro y'ënäny: ¿Mëpaat jëtää pën t'ëtukëty ets ya'atë ja'ay ka'ap nyëëpätëtyë? Tëë ja Kënu'kxymyëkajtën t'ëxajëtë näjyëtu'un ijxtëm ëëtsajtëmën.

Hechos 13:3

Tëë ënety ja Dios tja'amyäjta'atë ets y'ayuu'ajta'atë, ënät ojts tkë'ënixajtë ja Bernabé ets ja Saulo ets mëët nyäjyëkajpxëtë.

Hechos 16:15

Tää ojts nyëëpety mëët ni'ëmukë mëti'ipë jam tsënaaytyëpën ma tyëjkën. Täätsës xymyënu'kxtaktës ets y'ënäny: Tuntë mëyajtën, mintë maas yë ntëjkën, pën m'oyjya'awëtëp miits koos nmëpeky ja Wintsën. Ënätës kwanë ojts xyajnëjkxtë.

Hechos 16:33

Näy ënätyë ja pujxntëjk këwent'ajtpë ojts tpujy ja Pablo ets ja Silas ja tsyëtyutëty ets nyëëpäjtë ni'ëmukë mëti'ipë tsënaaytyëpën jam ma jyëën tyëjkën.

Hechos 17:18

Mäjtskpëky ënety ja wijyjyä'äytyëjk jam yajpaatë: epicúreos tu'pëky yajtijtë, ets jatu'kpëky estoicos, ets y'ëna'antë: ¿Tii tääpë ja'ay atsä'pxy nyimëtyaktëp? Ets ja wiinkpë y'ënantë: Wiink tios yë yowë nyikajpxtëp. Paaty jëtu'un y'ënantë jä'ä ko ënety ja Pablo tnikäjpxy tnimëtyä'äky ja Jesús ets ko o'kpë jyuukpyëka'any.

Hechos 2:38

Tää ja Pedro y'ëtsooy: Ixmatstë ja m'ëxëëk winma'anyëty, jootwinpitë ets mnëëpätëty tu'ukjaty Jesús xyëëwkyëjxm ets ja mpoky yajmä'kxtëty, ets näjyëtu'un ja Kënu'kxymyëkajtën myajmo'otëty.

Hechos 2:41

Mëti'ipë myëpëjktën ja aaw ayuk mëti'ipë ja Pedro nyikajpxën, ënätyë ojts nyëëpätë. Jä'ä xëëw, nitëkëëk milën ojts ja ja'ay nyäpyäätyë.

Hechos 23:6

Nyija'awëy ja Pablo ko mäjtskpëky ja ja'ay të nyäwya'kxëtë, tam mëti'ipë ja saduceos ja y'ijxpëjkën pyatuuntëpën ets tam mëti'ipë ja fariseë ja'ayëty mëët y'itën. Paaty ja Pablo ojts janty mëk kyäjpxy ma ja tsajptëkotyëtë yajjuntë'ajtpën: Miits, mëku'uktëjkëty, fariseë ëjts, nän fariseë ja'ayës ëjts nteety'äjtyp. Paaty miits xypyaye'eytyës koos nmëpëky ko ja o'kpë jyuukpyëka'any.

Hechos 24:15

Nmëpëjkpyës ja Dios näjyëtu'un ijxtëm yë'ë tmëpëktën, ko ja Dios ja o'kpë jatëkok tyajjuukpyiky, mëti'ipë oy ka'oy të jyuuky'atën.

Hechos 24:21

Ëkë wä'än jëtää yë'ëty xytyukpoky'ixtës ko janty mëk ojts nkäjpxyës yë'ë wyintuuyëty, koos n'ënany: Paatyës tyam xypyaye'eytyë koos nmëpeky ko ja o'kpë jyuukpyëka'antë.

Hechos 24:25

Tääts ja Pablo ojts nimëtyä'äky wi'ix pyaat'atyën ja'ay jyä'äy'atëty, wi'ix nyäyajt'itëtëty ets wi'ix ja Dios nëjkx ja naaxwiinyëtë ja'ay tpaye'eyën. Ënet ja yajkutujkpë Félix tsyë'këy ets ja Pablo yajnëmaay: Nëjkx tyämyë. Jää jatëkok nwoowtsowëty koos ënety n'ëwaatsë'aty.

Hechos 26:8

¿Tii ko miitsëty ka'ap xymyëpëktë ko yë Dios yajjuukpyikyë yë o'kpë?

Hechos 4:2

Tëë ënety jyoot'anpëktë, jä'ä ko ja Pedro ets ja Juan ja ja'ay tyaj'ijxpëktë ko tëë nyikëxë'ëky ma ja Jesusën ko ja o'kpë jyuukpyëktë.

Hechos 6:6

Tääts jam tyajmiintë ma ja ijxpëjkpëtëjkëtyën ets ja Dios tuknija'amyäjtsëtë ets ojts tkë'ënixajtë.

Romanos 2:16

ko ënety ja xëëw tpaaty ma ja Dios tnipaye'eyä'änyën tëkokyë mëti'ipë yu'utsy'ijtpën mëët ja Jesukristë ja xyëëw, jëtu'un ijxtëmës ja oy aaw oy ayuk të nimëtyä'äkyën.

1 Corintios 10:2

Ko ojts ni'ëmukë ja mayjyä'äy mëët ja Moisés yajpaatë yootsjoty ets tuknajxtë ja Tsaptsmejy; jëtu'un ojts nyäxy ijxtëm jeexyë nyëëpäjtën. Tu'ukyë ja wyinma'any tpëjktaktë ets tuuntë wi'ix ja Moisés y'ënä'änyën.

1 Corintios 12:13

Yë'ëkyëjxm ko tëë ni'ëmukë nnëëpäjtëmë mëët ja Kënu'kxymyëkajtën paaty tu'ukyë nyajpatëmë ijxtëm ja ni'kx kopkën tu'ukyëpë, wä'än tjutiis ja'ayëty ëkë wä'än tkajutiis ja'ayëty, wä'än tmëtuunpëty ëkë tkamëtuunpëty.

2 Corintios 5:10

Jä'ä ko ni'ëmukë nëjkx nwa'këxë'këmë ma ja Kristë ja kyutujktaknën, ets nitu'ukjaty n'ëxajëmëty mëti'ipë xypyaat'ajtëmën ijxtëm ënety tii oy ka'oy të ntu'un të nkajpxëmën ko të njuuky'ajtëm ma ja ni'kx'ajt nkopk'ajtëmën.

Filipenses 3:21

mëti'ipë ja ni'kx'ajt nkopk'ajtëm yajtëkatsäämpyën ets yë'ë xymyo'oja'anëmë ja kyë'ëm nini'kx mëti'ipë mëj'ajtën jaanty'ajtën myëët'ajtypyën ets tyunäämpy mëët ja myëk'ajtën mëti'ipë myëët'ajtypyën ets tmëmëtakta'ajëty oy tyimtiijëty.

Colosenses 2:12

Jëtu'un miitsëty ijxtëm ja Kristë jeexyë mëët të mnaaxtëkëtën nëëpäjtënkyëjxm ets tëë mëët mjuukpyëktë jä'ä ko të xymyëpëktë ja Dios ja myëk'ajtën, ja Dios mëti'ipë Kristë yajjuukpyëjkën.

2 Timoteo 2:18

mëti'ipë të t'ëxmajtsnëtën ja tëyajtën ko y'ëna'antë ko ka'ap ja'ay y'ëkjuukpyëkanë, jëtu'un tyajkma'atëtë ja ja'ay ja myëpëjkënëty.

Hebreos 11:35

Ojts y'itë ja to'oxytyëjkëty mëti'ipë jyiiky myëku'uk juuky pyatën mëti'ipë ënety të y'ooky'itën. Wiinkëtypë ojts y'ooktë ëyo'onjëjp'am, ets ka'ap tkupëjktë ets y'ëwaatsëpëtsëmtëty, jä'ä ko yë'ë tsyojktëp ets jatëkok jyuukpyëktëty ma wäänë oypyë juukyajtënën.

Hebreos 9:10

Ka'ayën ukën ja je'eyë nyikäjpxyp ets wi'ix ja ja'ay wa'ats nyäyaj'itëtëty, nëkëjxypyë ënä'ämën yë'ë, yë'ë tyuuntëp xëmë koonëm ja Dios tyajtëkatsëty.

2 Pedro 3:7

E ja naax ets ja tsajp mëti'ipë tyam n'ijxëmën, tëë ja Dios tuknipëjktaakë ko tyajkutëkoyä'äny mëët ja jëën, ets ko tyajkutëkoyä'äny ja ëxëëkja'aytyëjk ko ënety ja tëytyu'unën ets ja paye'eyën tyunyë jyätyë.