Hebreos 6:19 - Biblia Dc en Mixe de Quetzaltepec

¹⁹ Ya'atë ëwxijt mä'kxtujkën yë'ë mëk yaj'ijtyp ja njoot'ajt nwinma'any'ajtëm, jëtu'un ijxtëm ja pujxnën nëëjotypë two'on'ityën ja kepy nëëwinye'epyë. Yë'ë ja ëwxijt mä'kxtujkën mëti'ipë të tuknaxyën ja wit'atëëytyuk japë tsajptëkoty yajpaatyën mëti'ipë tsajpjotm ijtpën,

Biblia Mixe de Quetzaltepec

¹⁹ Ya'atë ëwxijt mä'kxtujkën yë'ë mëk yaj'ijtyp ja njoot'ajt nwinma'any'ajtëm, jëtu'un ijxtëm ja pujxnën nëëjotypë two'on'ityën ja kepy nëëwinye'epyë. Yë'ë ja ëwxijt mä'kxtujkën mëti'ipë të tuknaxyën ja wit'atëëytyuk japë tsajptëkoty yajpaatyën mëti'ipë tsajpjotm ijtpën,

Hebreos 6:19 ပူးပေါင်းရင်းမြစ်များ

Salmos 43:5

¿Wi'ixës ko nkumon nkutukëty, ¿wi'ixës ko nkumay nkutajëty? Ëjts Tiosës ntuk'ijxpejtyp, mëti'ipës je'eyëm nyajmëjnaxäämpyën. Tääpë Dios yajtsokp yë'ë ets yaj'ëwaatsëpëtsëëmp.

Hebreos 9:7

Ma ja mëmäjtskpë ja tëkotën yi'iyë teety jap tëjkëp winjëmëjt; ko jap tyëkë myënëjkxyp ja jëyujk ne'pyny ets ja pyoky tukunaxy ets ja mayjyä'äy ja pyoky näjyëtu'un mëti'ipë tyuuntëpën oy jëtu'un tkatuknipëjktaakëtë.

Hebreos 9:3

Ma ja mëmäjtskpë tëkotën jä'ä xyëëwajt Tëkot ni'ik wa'atspë;

Mateo 27:51

Ojts jap tsajptëkoty kyë'ëtswä'kxy këëkujkm ja wit mëti'ipë ja tsajptëjk y'ayä'ptujkpyën, tyimtso'ontä'äky naaxkëjxy ets kyë'ts këpejty. Ojts ja naaxwiinyëtë yu'kxy ets ojts pyu'uwä'kxy ja tsaa,

Colosenses 3:1

Jä'ä ko m'itë ijxtëm jeexyë të mjuukpyëktën mëët ja Kristë, ixta'atë mëti'ipë tsajpjotmën, ma ja Kristë jap y'u'unyën Dios y'aka'anytsyow.

Salmos 42:11

¿Wi'ixës ko nkumon nkutukëty? ¿Wi'ixës ko nkumay nkutajëty? Ëjts Tiosës ntuk'ijxpejtyp, mëti'ipës je'eyëm nyajmëjnaxäämpyën. Tääpë Dios yajtsokp yë'ë ets yaj'ëwaatsëpëtsëëmp.

2 Timoteo 2:19

E Dios tëë tu'uk ja potsy ëjx tpëjktä'äky ta'tspëkpyë, ma kyëxja'ayëtyën: Wa'ats ja Dios t'ixy'äty mëti'ipë jyä'ä'ajtypyën, ets Ni'ëmukë mëti'ipë kyajpxpatëpën ja Wintsën ja xyëëw, näjyëpëkëtëp ma ja ëxëëkpën.

Hechos 27:29

Ënet tsyë'këtyë ja ja'ayëty ko ja kepy nëëwinye'epyë ajotkumonë twinkuja'tëja'any ja tsaa, tääts tnëëkujëpijtë ix'amtsow taxk ja pujxn ajo'kn mëjëtypë ets t'amëtoowtë ja Dios ets xyiinyëty.

Romanos 4:16

Jëtu'un ja waantakën xëmë tsyoowpaatëty mëti'ipë ja Abraham tyuunën ets tuk'oy'atëty ja y'u'unk y'ëna'k; tyaapë oyajtën namëyajtën ojts tpaatë, yë'ëkyëjxm ko myëpëjktë. Ka'ap yi'iyëty mëti'ipë pyatuuntëpën ja ënä'ämën tëyajtën, näjyëtu'un ja mëti'ipë mëpëjktëpën jëtu'un tä ja Abrahamën. Jëtu'un'äämpy ja Abraham teety nyäjxy ma ëëtsajtëmën.

Hechos 27:40

Tääts tmëtsujkëtyë ja pujxn ajo'kn mëti'ipë ja kepy nëëwinye'epyë myajts'ijtypyën ets jäpyë tyajwë'ëmtë mejyjoty, jëtu'un ojts jyo'onyë mëti'ipë ja kepy tyuka'ptëpën ja mejy. Ënet tkëxtëëytyë ja wit mëti'ipë pojmajtspën ets wyinkoontë ma ja nëëpa'ajën.

Isaías 28:16

Paaty ja Wintsën y'ënä'äny: Ëjts npëjkta'akäämpyës yam tu'uk yë tsaa jam Sión, tu'uk yë mëjtsaa, oytsyaa ets tsoowpaatypë, mëti'ipë mëj'äämpy itëpën, ets yë'ë potsy ëjx'atëp. Pën ënety tyukjotkujk'ajtypyën, nëjkxëp jam tpaaty ja po'kxtakn.

Isaías 12:2

Yë Dios yë'ëjës xyajtsokp, yë'ëjës ntuk'ijxpejtyp, paatyës ka'ap ntsë'ëkë njawë. Yë Wintsën yë'ëjës ntsoktakn'ajtyp ets yë'ëjës xymyëjaawmoopy, yë'ëjës nwäämpy yaj'ëwaatsëpëtsëëmpë ets yajnitsokpë.

Hebreos 4:16

Tsojk nmëwinko'onëm ja Dios ja kyutujktakn akujk jotkujk, ets xypya'ëye'emyëty mëët ja y'oywyinma'any ets xypyutëjkëmëty ma ënety tii nyajmëyajtëmën.

Efesios 2:6

Tëë ja Dios xyajjuukpyëjkëm tu'ukyë mëët ja Kristë Jesús ets yë'ë mëët të xyajnaaxwä'tsëmë jam tsajpjotm.

Salmos 42:5

¿Wi'ixës ko nkumon nkutukëty, ¿wi'ixës ko nkumay nkutajëty? Ëjts Tiosës ntuk'ijxpejtyp, mëti'ipës je'eyëm nyajmëjnaxäämpyën. Tääpë Dios yajtsokp yë'ë ets yaj'ëwaatsëpëtsëëmp.

1 Corintios 15:58

Paaty, mëku'uktëjkëty mëti'ipës ni'ik ntsojktëpën, tu'ukyë ja mwinma'any xyaj'itëty; tuun'ëtë'ëtstë mëti'ipë ja Wintsën tsyojkpyën; jä'ä ko mnija'awëtëp miits ko ka'ap nyama'ata'any ja tuunk mëti'ipë mtuuntëpën mëët ja Wintsën.

Salmos 39:7

E ko jyëtu'un'aty, Wintsën, ëjts ¿tiijës njaak'ëwxitëp? Ëjts jämyës yë n'ëwxijtën nmä'kxtujkën njaakpëjktä'äky ma mijtsën.

Zacarías 9:12

Miitsëty jënu'un tsumy matsy myajpaatën, mëti'ipë ka'ap të xyjyä'äytyëkoytyën ja jotkujk'ajtën, winpitë jatëkok jam ma ja kajpnën mëti'ipë ta'tspëky ets këwent'atyën yajpatpën. Jëtu'un miits n'ënëëmëtë ko mäjtsk'oknipety nmo'oja'antë yë kënu'kxën ko të m'ëyowtë.

Hechos 23:6

Nyija'awëy ja Pablo ko mäjtskpëky ja ja'ay të nyäwya'kxëtë, tam mëti'ipë ja saduceos ja y'ijxpëjkën pyatuuntëpën ets tam mëti'ipë ja fariseë ja'ayëty mëët y'itën. Paaty ja Pablo ojts janty mëk kyäjpxy ma ja tsajptëkotyëtë yajjuntë'ajtpën: Miits, mëku'uktëjkëty, fariseë ëjts, nän fariseë ja'ayës ëjts nteety'äjtyp. Paaty miits xypyaye'eytyës koos nmëpëky ko ja o'kpë jyuukpyëka'any.

Romanos 4:18

Ko ënety ka'ap tii ja Abraham t'ëkjëjp'ijxnë, jää ojts myëpëky ets jatëkok winë tjëjp'ijxy; jëtu'unts ojts nyäxy, teety ma ni'ëmukë ja naax kajpnën, jëtu'un ijxtëm ja Dios ënety të y'ënë'ëmxëtyën: Jëtu'un nëjkx ja m'u'unk m'ok myäyë.

Romanos 5:4

Ko mëk nyajpatmëty ma mëpëjkënën, yë'ë xyajnaxa'anëm oy, ets ko ntuknajxmëty ja tsipë jotkujk näjya'awëmëty.

1 Corintios 13:13

Tëkëëk ja mëti'ipë tim kopkpëkyën: ja mëpëjkën, ja jëjp'ijxën ets ja tsojkën ja'awën; je'eyëp ko mëti'ipë wäänë kopkpëkyën ma ya'atë tëkëëkpën, yë'ë ja tsojkën ja'awën.

Colosenses 1:27

Jëtu'unts yë'ë të tuknijawë mëti'ipë ka'ap jyutiis ja'ay'atën ets tnijawëtëty ja mëj'ajtën jaanty'ajtën mëti'ipë ijty ka'ap yajnijawën. Ja yu'utsypë ijty y'ityën yë'ë ja Kristë, mëti'ipë tyam yajpatpën ma miitsëtyën, mëti'ipë mjëjp'ijxtëpën ets mtukpaatëtëty ja mëj'ajtën jaanty'ajtën.

1 Pedro 1:3

Tsojk nmëjja'aw njaantyjya'awëm ja Dios, ja Wintsën Jesukristë Tyeety, ko të xypya'ëyo'owëmë ets ja nwinma'any'ajtëm të tyaj'ajämë mëët ko ja Jesukristë të jyuukpyiky. Jëtu'un ëëtsajtëm nija'awëmë ko nmëët'ajtëm ja juukyajtën.