Hebreos 6:17 - Biblia Dc en Mixe de Quetzaltepec

¹⁷ Dios ojts jëtu'un tuknipëjktaakë ets tyajnikëxë'ëka'any pën y'ëxajëjantëpën ja kuma'ayën mëti'ipë të ënety të twinwanën, ka'ap nijëna'a tyëkatsyën. Paatykyëjxm ojts kë'ëm nyäxyëëwkukäjpxyë ko ja waantakën tpëjktäky.

Biblia Mixe de Quetzaltepec

¹⁷ Tios ojts jëtu'un tuknipëjktaakë ets tyajnikëxë'ëka'any pën y'ëxajëjantëpën ja kuma'ayën mëti'ipë të ënäty të twinwanën, ka'ap nijëna'a tyëkatsyën. Paatykyëjxm ojts kë'ëm nyäxyëëwkukäjpxyë ko ja waantakën tpëjktäky.

Hebreos 6:17 ပူးပေါင်းရင်းမြစ်များ

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Dios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Dios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.

Proverbios 19:21

Yë ja'ay kanaakpëky winë tnimay tnitajë, e yi'iyë tyuunpy mëti'ipë Dios të tyajkutukyën.

Isaías 55:11

jëtu'un ja n'aaw n'ayukës mëti'ipës nkäjpxypën ka'ap tukwa'ats wyimpity, jëtu'un winë tyunyë jyätyë tääjës të ntuknipëjktaakën etsës nikäjpxy wi'ixës ntsokyën.

Hebreos 11:9

Mëët ko myëpëjky jëtu'un tsyënaay tä jaaypyaat jaaypyo'kxyën wiink naax wiink kajpn, ma ja Dios ënety të tyukwinwanëtyën. Yë'ë tyuktsënaay yë wit tëjk, ujts tëjk, näjyëtu'un ja Isaac ets ja Jacob mëti'ipë y'ëxajëtyën ja waantakën.

Isaías 14:24

Yë Wintsën mëti'ipë maaytyääyëpën winë, jëtu'un y'ënä'äny: Jëtu'un ijxtëmës të ntuknipëjktaakën, jëtu'un tyuna'any jyata'anyë; jëtu'un tääjës të nyaj'oyën, jëtu'un y'atëwa'any.

Salmos 110:4

Yë Wintsën tëë tu'uk yë käjpxytyu'unën tuny ets ka'ap jëtu'unyë tyajninaxa'any: Mijts xëmë mteety'ata'any jëtu'un tä y'ijtyën yë Melquisedec.

Juan 10:10

Yë mä'tspë, yi'iyë nyimiimpy ets myäätsa'any, yaj'ooka'any ets yajkutëkoyä'äny. Ëjts yë'ëjës të niminy ets ja ja'ay jyuuky'atëty akujk jotkujk.

Salmos 33:11

Mëti'ipë Wintsën të tuknipëjktaakën, ijtëëp xëmë.

1 Pedro 3:7

Näyjyëtu'un miits ye'etyëjkëty, wintsë'ëkëtë ja mto'oxytyëjkëty. Mëj'äämpy xyajnaxtëty ijxtëm pyaat'atyën. Mnijawëtëp ko yë'ëjëty ëmaay yajpaatë ets jä'ä të yajtuknipëjktaakëtë ets ja jyuukyajtën tpuyaktëty mëti'ipë ja Dios të tyukwinwanëtën tä tu'uk yë näkyumayën. Jëtu'unts tuntë këtiipë tii m'atsipëtëty ko ënety ja Dios xyjyä'ämyätstë.

1 Pedro 1:3

Tsojk nmëjja'aw njaantyjya'awëm ja Dios, ja Wintsën Jesukristë Tyeety, ko të xypya'ëyo'owëmë ets ja nwinma'any'ajtëm të tyaj'ajämë mëët ko ja Jesukristë të jyuukpyiky. Jëtu'un ëëtsajtëm nija'awëmë ko nmëët'ajtëm ja juukyajtën.

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Dios yë yäjkpy, ja Dios mëti'ipë pyëjktakën winë jam tsajpwinm mëti'ipë ajajp atë'kxpën. Yë Dios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

Hebreos 6:16

Ko ja ja'ay tii tyajtëytyëkëja'antë, yë'ë kyajpxpatëp mëti'ipë ni'ik mëj'äämpyën këtiinëm yë'ë kë'ëmëty ets ko jëtu'un tii tyajtëytyëkëtë ka'ap t'ëkjëkyäjpnë wi'ix jyaak yajnimëtya'akëty.

Hebreos 6:12

Ka'apës ntsoktë ets miits ni'ikyë nuux m'awinpijnëtëty, yë'ëjës ntsojktëp ets xynyi''ijxtu'utëty ja oyjyuuky'ajtën mëti'ipë yajpatpën ma ja ja'ayëtyën tëëpë t'ëxajëtën ja kuma'ayën mëti'ipë ja Dios të tyukwinwanëtën.

Gálatas 3:29

Ets pën Kristë miits të xymyëpëktë, ja Abrahamën näjyëtu'un m'u'unk'ajt m'ok'ajtëtëp ets miits xyjyä'ä'atë ja kuma'ayën mëti'ipë ja Dios të tuknipëjktaakën.

Romanos 11:29

Ka'ap ja Dios wyinma'any tyëkatsy ko pën tii tmo'oy mëti'ipë të twin'ixyën.

Malaquías 3:6

Ëjts Wintsën, ka'apës nyajtëkatsy yë njot nwinma'any, paaty miitsëty Jacob yë y'u'unk y'ok ka'ap m'atëkoytyë.

Isaías 55:7

Ja ëxëëk ja'ay wä'än ja ëxëëk në'ë ëxëëk tu'u t'ëxmatsy, mëti'ipë je'eyë ëxëëkpë myëmääpy myëtäjpyën, wä'än t'ëxmatsy; ijxkaptë pën Wintsën'ajtp, ets mpa'ëyow mnajts'ëyowëtëty; yë'ë Wintsën mëjwa'kpätë, mëti'ipë yäjkpyën winë ets mpokymyä'kxëtëty.

Hebreos 11:7

Noé ojts myëpëky, paaty ojts ja kepy nëëwinye'epyë tyajkojy ko ja Dios y'ënëmaayë ko ja ëyo'on y'ita'any ets jëtu'un ja y'u'unk y'ëna'k, y'u'unk tyo'oxytyëjk tyajtsoky. Ya'atë jëtu'unpë mëpëjkën yë'ë ojts ja Noé tuk'ixy ja naax kajpn paaty ojts yajtukumay ja tëyajtën mëti'ipë yajpatpën mëët ja mëpëjkën.

Romanos 8:17

Ets ko yë'ë xy'u'unk'ajtëmë, näjyëtu'un ja Kristë mëët xypyaat'ajtëmë ja kuma'ayën mëti'ipë ja Dios të xytyukwinwa'anëmën, jä'ä ko tu'ukyë ja Kristë mëët nyajpatëmë ja myëj'ajt jyääntyajtën, jä'ä ko tu'ukyë mëët n'ëyo'owëmë ets jam nyajpatmëty ma myëj'ajt y'oyajtënën.

Isaías 46:10

Tëëyëpës nikäjpxy mëti'ipë tunan jatanëpën, ojts nimëtyä'äkyës mëti'ipë ënety ka'ap jyätyënëm kyëpetynyëm; tëëjës n'ëna'any: Mëti'ipës të ntuknipëjktaakën kopkpëky ko tyuna'any jyata'anyë; ëjts ntuunta'ajäämpyës mëti'ipës nmääpy ntäjpyën.

Cantares 5:1

Tëës ntëkë jam maas yë npëjy kyamën, to'oxytyëjk mëti'ipës ntsojkpy nja'apën. Tëës npaaty ja mirra ets ja on mëti'ipë oy xu'kp jojkpën, tëëjës njawë ja uuxpa'ak ets tëëjës n'uuky yë tsatym nyëë mëti'ipë tëë nyimaanaxyën ets tsi'tsknëë. Jëëkytyëjk mëku'uktëjkëty, kaytyë uuktë, uuktë jënu'un xytyimtsoktë.

Éxodo 22:11

Ja ja'ay mëti'ipë ënety jëtu'un të y'ëyo'onpaatyën, nëjkxëp tmëëtmëtyä'äky ja kujëyujk ets Dios tyukkajpxpätëp, ko ka'ap ënety wi'ix ja jëyujk të tuny, mëti'ipë ja myëku'uk tukmëët'ajtëpën. Ja mëti'ipë kujëyujk'ajtpën ja'akyukëp näjyëtu'un ets kyupëkëp tä ënety yaj'ënëëmën ets ja tu'ukpë ka'ap nitu'kjënu'un tkujuyëty.

Santiago 2:5

Mëku'uktëjkëty, mëtowtë ets ja'akyukëtë ya'atë: Dios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Dios të tukwinwanën ja ja'ay mëti'ipë tsojkëpën;

Salmos 36:8

Ku'uxyë wyë'ëmtë mëët ja ka'ayën ukën mëti'ipë jam yajpatpën ma mjëën mtëjkën; e ja nëë mëti'ipë mtuk'ukpyën yë'ë mëti'ipë tso'onpën ma taxnëëjën mëti'ipë jämyë mu'tpën,

Génesis 26:28

Ënet y'ëtsoowtë yë'ëjëty: Ëëtsëty n'ijxtëpës jëtu'un, ko yë Dios oy tsuj mëët'atyë, paaty ëëtsëty njamay njatajtë ets jeexyë tu'uk yë käjpxytyu'unën ntu'unëmë. E ya'atë jëtu'un käjpxy tyu'unën'atëp.

Efesios 1:11

Tiosës të xywin'ixy etsës ja kuma'ayën n'ëxajëty ko ja Kristë mëët n'ityës, jëtu'un ijxtëm të tuknipëjktaakën yë Dios mëti'ipë tu'kë'ëyë winë tyuunpyën ijxtëm tsokyën.