Hebreos 6:12 - Biblia Dc en Mixe de Quetzaltepec

¹² Ka'apës ntsoktë ets miits ni'ikyë nuux m'awinpijnëtëty, yë'ëjës ntsojktëp ets xynyi''ijxtu'utëty ja oyjyuuky'ajtën mëti'ipë yajpatpën ma ja ja'ayëtyën tëëpë t'ëxajëtën ja kuma'ayën mëti'ipë ja Dios të tyukwinwanëtën.

Biblia Mixe de Quetzaltepec

¹² Ka'apës ntsoktë ets miits ni'ikyë nuux m'awinpijnëtëty, yë'ëjës ntsojktëp ets xynyi''ijxtu'utëty ja oyjyuuky'ajtën mëti'ipë yajpatpën ma ja ja'ayëtyën tëëpë t'ëxajëtën ja kuma'ayën mëti'ipë ja Tios të tyukwinwanëtën.

Hebreos 6:12 ပူးပေါင်းရင်းမြစ်များ

Proverbios 12:24

Mëti'ipë ja'ay tuunpën, kopkpëky ko myëta'aka'any, e mëti'ipë nuuxën, yë'ë yajmëmëta'akaanp.

Proverbios 13:4

Yë nuux mëti'ipë jyatsojkën'ajtypyën ka'ap tpaaty. Mëti'ipë ja'ay tuunp ye'epyën, yajxon nyäyajjotkujktä'äkyë.

Proverbios 15:19

Ja'ay mëti'ipë nuuxën äpnyjyot tu'u t'ixy; e yë ja'ay mëti'ipë oy winë tyuunpyën, mëjwiin ëwaatsë tu'u t'ixy.

Proverbios 18:9

Yë ja'ay nuuxpë ets mëti'ipë je'eyë winë yajma'typën, jëëky mëku'ukën y'awinpity.

Proverbios 2:20

Paaty, mijts, panëjkx yë në'ë tu'u oypyë, ets yë'ë tun mëti'ipë tëyajtënën.

Proverbios 26:14

Jëtu'un tä tëjk'aaw myë'ëwtityën yë pujxn mëti'ipë majts'ijtëpën, jëtu'un yë nuux ja'ay kyi'it'ëwtity janaam jatsojk ma myaapäjnën.

Proverbios 28:10

Mëti'ipë ja'ay yë myëku'uk wyoownëjkxypyën ma ëxëëk tu'ujën, kë'ëm ëxëëk jyata'any kyëpäta'any; e mëti'ipë ka'ap tii tëko'oyën tunyën, oypyë y'ëxajëjantëp.

Cantares 1:8

Pën ka'ap xynyijawë, mijts janty'oy janty tsuj myaj'ixy ma to'oxytyëjktëjkëtyën oyëtypë, yë'ë paye'ey yë kupixyny yë kyë'ë tyeky ets jam këwent'at yë mtsajppax ma jëyujkëwent'ajtpë tyëjkëtyën.

Jeremias 6:16

Jëtu'un ja Wintsën ja nyaax kyajpn t'ënëmaay: Nëjkxtë jam muum mtänëtë në'ëjoty tu'ujoty ets xy'ixtëty ma patu'ujën; xyajnitëwëtëty mëti'ipë oyën, yë'ëts panëjkxtë ets mpo'kxtëty. E yë'ëjëty tyaa ojts y'ëna'antë: Ka'ap, ka'apës mpanëjkxa'antë.

Mateo 22:32

Ëjts xyTios'ajt ja Abraham, Isaac ets ja Jacob? Dios ka'ap yë'ëjëty niTios'aty o'kpë, yë'ë nyiTios'ajtyp mëti'ipë juuky'ajtëpën.

Mateo 25:26

Tääts ja wyintsën y'ëtsoowë: Mijts, ka'ap oy mmëtuunpëty, nëkoo m'ëk nuux'ajnë. Pën mnija'ap koos ja pëjktä'äky nyajpëtë'ëky ma ka'ap ni'ipy nkojyënës ets nyajpëtë'kpyës ma ka'ap tii ni'ipyënës,

Lucas 16:22

Ënet ojts y'o'knë ja Lázaro ets yajnëjkxë ja Dios ja y'anklës jam tsajpjotm ma ja Abraham yajpaatyën; ok ja kumeenyjyä'äy näjyëtu'un y'o'ky, tääts nyaaxtëjkëy.

Lucas 8:15

Ja tëëmt mëti'ipë ojts kyä'äyën jë'kxynyaaxjoty, jëtu'un yë'ë ijxtëm ja ja'ayën mëti'ipë ja Dios ja y'aaw y'ayuk y'amëtoow'ijtëpën ëmuumtu'ukjot ets tpatuntë, jëtu'unts ja jyuukyajtën tyajtu'uye'eytyë ijxtëm ja Dios tyukmëtsokëtën.

Romanos 12:11

Tuk'o'kpätë ja oypyë tuunk. Ka'ap mnuuxta'aktëty. Mëtuntë Dios ëmuumtu'ukjot.

Romanos 2:7

Myo'ojäämpy ja juukyajtën xëmëkyëjxmëpë mëti'ipë y'ijxtaaytyëpën ja mëj'ajt oyajtën, xoontakën ets ka'apë kyixy nyäxyën, ets të tuntë xëmë ja oypyë;

Romanos 4:12

Näy Abraham y'ap'ajt y'ok'ajtëp ja jutiis ja'ayëty mëti'ipë tsukyëtyën ets tmëpëktë ja Dios ijxtëm ja Abraham myëpëjkyën ko ënety ka'anëm yajnatsujk'ëwtity ja ye'etyëjkajtën.

1 Tesalonicenses 1:3

Xëmës miits nja'amyätstë nTeety'ajtëm Dios nmëpëjktsoy ko mtuntë mëët ja mëpëjkën ets ko xyjyëjp'ixtë ja Wintsën Jesukristë ets ko të mputëkëtë ets xymyënax xyajnaxtë amëk jotmëk ja ëyo'on jotmay.

2 Tesalonicenses 1:4

Paatykyëjxm miits jotkujk nimëtya'aktë maajëty ja Dios ja jyä'äy ye'eymyuktën, tääts jëtu'un mëj'äämpy mnaxtë mëët ja mëpëjkën, oy ja ja'ay ëxëëk mja'ixëtë ets mjapajëtitëtë.

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Dios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

Hebreos 10:36

Mëët'atë ja mä'kxtujkën. Ko xytyuntëty ijxtëm ja Dios tsokyën, ënät nëjkx xyjyä'ä'atë mëti'ipës ja Dios të twaantä'äkyën.

Hebreos 11:33

Mëët ko myëpëjktë ojts tmëmëta'aktë ja myëtsip wiink kajpnëpë, ojts oy nyipaye'eytyë ijxtëm pyaat'atyën, ko të tpaatë mëti'ipë ja Dios ënety të tyukwinwanëtën, ko ja kaa të tyajmujkëtë ja y'aaw,

Hebreos 12:1

Paaty, ko të nnija'awëmë ko may ja ja'ay na'ëwtity yajpaatë mëti'ipë të myëpëktën, tsojk n'ëxmajtsëm tu'kë'ëyë mëti'ipë ëxëëktuunpën, ets ja poky mëti'ipë yajwinma'anyjyo'pën ets ntu'unmëty mëti'ipë ja Dios tsyojkpyën, ijxtëm ja ja'ay myëjaaw t'ixyën mëti'ipë pëyë'kijpxtëpën.

Hebreos 13:7

Ja'amyätstë mëti'ipë të mkajpxwijëtën ets të m'ëwa'anxëtën ja Dios ja y'aaw y'ayuk. Mëmay mëtajtë wi'ix ja jyuuky'ajtënëty të kyukëxëtë ets patuntë ijxtëm ja mëpëjkën të tmëët'atën.

Hebreos 5:11

May ya'atë aaw ayuk kyayajnimëtyä'äkynyëm, je'eyëp ko tsip ets yajkajpxtë'kxëty, jä'ä ko ëtyä'äkyë miits tii xyjyä'äkyukëtë.

Hebreos 6:15

Abraham mëët ja mä'kxtujkën ojts y'ëwxity ets t'ëxajëy mëti'ipë ënety ja Dios të tyukwinwanëtyën.

Santiago 1:3

Jä'ä ko miitsëty mnija'awëtyëp ko ja mmëpëjkën yaj'ijxp pën mëk, ënät xymyëwij xymyëkäjtë wi'ix xymyëtänëtëty amëk jotmëk ja ëyo'on jotmay.

2 Pedro 1:10

Mëku'uktëjkëty, yë'ëkyëjxm ko ja Dios të mtsokëtë ets të mwin'ixëtë, yajkopkpëktë ja oypyë winma'any këtiipë ja poky xy'ëktuunëtëty.

1 Juan 2:25

Ets yë'ë ya'atë mëti'ipë ja Wintsën Jesukristë të xytyukwinwa'anëmën, ja juuky'ajtëm xëmëkyëjxmëpë.

Apocalipsis 13:10

Mëti'ipë nitëjkëyëpën yajtsumëty, nëjkxëp ja yajtsumy; pën nitëjkëyëp yajkupuxëty, nëjkxëp ja yajkupuxy. Yaa yaj'ixa'any pën jotmëkën ets pën mëpëjkpën ma ja Dios ja nyaax kyajpnën.