Hebreos 5:7 - Biblia Dc en Mixe de Quetzaltepec

⁷ Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Dios, pën mëpaat yaj'ëwaatspëtsëmyë ma ja o'kënën, e ja Dios wa'ats ojts myëtoyë jä'ä ko kyäjpxykyupëky.

Biblia Mixe de Quetzaltepec

⁷ Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Tios, pën mëpaat yaj'ëwaatspëtsëmyë ma ja o'kënën, e ja Tios wa'ats ojts myëtoyë jä'ä ko kyäjpxykyupëky.

Hebreos 5:7 ပူးပေါင်းရင်းမြစ်များ

Salmos 22:24

Jä'ä ko yë'ë ka'ap tii jëtu'unyë tna'ixy ets ka'ap jëtu'unyë tyajninaxy ko ëyoopëja'ay ëxëëk jyäty kyëpety, ka'ap je'eyë nyäyu'tsënë. Yë'ë myëtoopy ko y'amëtoyë näypyutëkë.

Salmos 69:1

Yajtsokës, Dios, mëti'ipës nTios'ajtypyën, mëpaatëpës nji'kxnë ets nnëë'o'knë;

Salmos 88:1

Wintsën mëti'ipës nWintsën'ajtypyën ets mëti'ipës xyajnitsokpën, jopy ux mijts n'amëtoy npëjktsoy yë putëjk pupäjtën,

Isaías 49:8

Tëë tpaaty ja xëëw po'o maas nyaj'ixa'anyën ja n'oyajtënës, ets të n'ëtsoy; tëë tpaaty ja xëëw ma ja nitsokën y'itëtyën. Tëë nkuwa'any jä'ä ko yë'ëjës ënety mëët ja naax kajpn ja käjpxytyu'unën ntuna'any, ets tpëktëty ja it naaxwiinyëtë mëti'ipë ëxëëk të jyäty të kyëpetyën,

Isaías 53:11

E oy ënety ëxëëk të jyäty të kyëpety, y'ixäämpy jatëkok ja të'kxën jajën, jotkujk yajpaata'any ko ënety nnijawë; ja wa'ats ja'ay mëti'ipë ja Wintsën të tmëtunyën mayjyä'äy yajtso'okäämpy, jä'ä ko yë'ë nëjkx tmënëjkxta'ay ja mayjyä'äy ja tyuuntëko'oy kyajpxtëko'oyën.

Isaías 53:3

Jëkäm jëxkë'ëm ja'ay pyëjktakë ets ka'ap pën tsyojkë, myëënajx yajnajx ja pëjkën ijxën, ojts y'ëyoy jyotëkoy; jëtu'un kyëxë'ky ni'ikyë yowë ojts një'ijxëmë ko ojts xyjyawintë'kxa'anëmë, ka'ap ja'ay nijënu'un tyim'ijxpatë, ets ka'ap ojts yajtsoky yajjawë.

Mateo 27:46

Jä'ä xëëw ojts ja Jesús mëk yujkyä'äxy: Eli, Eli, ¿lamá sabactani? jä'ä yajja'akyukë: Dios, Dios, ¿tiijës ko xy'ëxmatsy?

Mateo 27:50

Tääts ja Jesús jatëkok mëk yujk'ënany ets y'o'ky.

Marcos 15:34

Näy jää, mëj jënäkyxyëëw ja Jesús ojts mëk y'ënä'äny: Eloí, Eloí, ¿lamá sabactani? Jä'ä nyiwijy: nTiosës, nTiosës, ¿tiijës ko të xy'ëxmatsy?

Marcos 15:37

Ënet ja Jesús mëk yujk'ënany ets y'o'ky.

Lucas 23:46

Tääts ja Jesús mëk yujk'ënany: Dios Teety, mijts ntukë'ëtëjkëp yë njot nja'awënës. Ko jëtu'un y'ënaantaay, tääts y'o'ky.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Juan 11:35

Ënet ja Jesús yäxy.

Juan 11:42

Nija'apës ko xëmë mijts xy'amëtoow'ityës ets yë'ëjës xyaj'ënaanp ets ya'atë ja'ay oyajtën tpaatëty mëti'ipë tyam yaajëtyën ets tmëpëktëty ko mijts të xykyexyës.

Juan 17:1

Ko ja Jesús jëtu'un y'ënaantaay ënät jam tsajpkëjxm pya'at'ijxy ets ja Dios nja'amyejtsy: Dios Teety, tëë ja xëëw jëmëjt tpatnë, mëjjaw jaantyjawë ja m'U'unk ets näjyëtu'un nmëjjaw njaantyjawëtëty.

Romanos 8:3

Tëë ja Dios tuny mëti'ipë ja ënä'ämën ka'ap myääyën tunëty, jä'ä ko ënety ja myëk'ajtën kyujënäkyëty ets ko ja ja'ay ëmaay paki'ix yajpaatë. Paaty ja Dios ja y'u'unk të tkexy ets yaj'ijxy ijxtëm ja pokyjyä'äyën ets wyintsë'kën'atëty, tkunaxëty ja ja'ay ja pyoky, jëtu'un tyajkutëkoy ja poky ma ëëtsajtëmën.

Gálatas 4:4

E ko ja tiempo ojts tpaaty, tääts ja Dios ja y'u'unk ojts tkexy, to'oxytyëjk ojts yajminy yajja'tyë ko tyuuny ja Moisés ja y'ënä'ämën,

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Hebreos 10:10

E tëë ja Dios xykyënu'kxëmë jä'ä ko ja Jesukristë të tuny mëti'ipë ja Dios tsyojkpyën, tëë tkë'ëyäky ja nyi'kx kyopk ets të wyintsë'kën'aty je'eyë tu'ktëkokyë.

Hebreos 10:5

Paaty ja Kristë t'ënëmaay ja Dios ko myiiny naaxwiiny: Mijts ka'ap xytsyoky ets myajtukwintsë'ëkëty ja jëyujk, ëjts tëëjës xymyo'oy ja ni'kx kopk.

Hebreos 11:7

Noé ojts myëpëky, paaty ojts ja kepy nëëwinye'epyë tyajkojy ko ja Dios y'ënëmaayë ko ja ëyo'on y'ita'any ets jëtu'un ja y'u'unk y'ëna'k, y'u'unk tyo'oxytyëjk tyajtsoky. Ya'atë jëtu'unpë mëpëjkën yë'ë ojts ja Noé tuk'ixy ja naax kajpn paaty ojts yajtukumay ja tëyajtën mëti'ipë yajpatpën mëët ja mëpëjkën.

Hebreos 12:28

Ja Dios xymyo'oja'anëm mëti'ipë ka'ap yu'kxyën, paaty ja Dios nkukajpxëmëty ets nmëjja'awëmëty njaantyja'awëmëty oyjyot oywyinma'any mëët ijxtëm tsokyën.

Hebreos 13:20

Ja Dios mëti'ipë yäjkpyën ja jotkujk'ajtën ets mëti'ipë ojts tyajjuukpyikyën ja Wintsën Jesús, jëtu'unpë yajpaatyën tä kupixyny këwent'ajtpën, mëti'ipë mëët ja nye'pny ja käjpxytyu'unën të tyaj'apaatën xëmëkyëjxm,

Hebreos 2:14

Jëtu'un ijxtëm ja ja'ay tu'kjëëky tu'kmëku'ukpë ja jot ne'pyny tmëët'atën, jëtu'un ja Jesús y'ijty mëët ja Dios ets mëët ja o'kën tmëmëtaktaay ja ëxëëkpë, mëti'ipë ijty o'kën tëko'oyën myëët'ajtypyën.

1 Juan 4:3

E pën ënaanpën ko ja Kristë ka'ap të myiny, ka'ap ënety ja Kënu'kxymyëkajtën tmëëtëty, ja ku'oypyë ënety myëët'ajtyp. Tëë xymyëtoy'atë ko y'ita'any ja jëtu'unpë win'ë'ëmpë winxajpë ets tää tyam yajpaatë yaa naaxwiiny.

2 Juan 1:7

May ja win'ë'ëmpë yaa naaxwiiny mëti'ipë ënantëpën ko ja Jesukristë ka'ap myiiny tä ja'ayën. Pën jëtu'un ënantëpën, win'ë'ëmpë jä'äjëty ets myëtsip'ajtëp ja Kristë.