Hebreos 5:13 - Biblia Dc en Mixe de Quetzaltepec

¹³ Pën yajpatëp ijxtëm ja pi'k ëna'kën mëti'ipë tsi'tstëpnëm, ka'ap tnijawëtë mëti'ipë oy ëkë mëti'ipë ëxëëkën.

Biblia Mixe de Quetzaltepec

¹³ Pën yajpatëp ijxtëm ja pi'k ëna'kën mëti'ipë tsi'tstëpnëm, ka'ap tnijawëtë mëti'ipë oy ëkë mëti'ipë ëxëëkën.

Hebreos 5:13 ပူးပေါင်းရင်းမြစ်များ

Salmos 119:123

Tëës yë nwiin nya'ënu'kxënë koos yi'iyë ntsäty'ëwxity jëna'ajës xyajtso'oky, koos ntsäty'ëwxity jëna'ajës xy'ëkyaj'ëwaatsëpëtsëmy, ijxtëm të xywyinwanën.

Isaías 28:9

Xynyimëtyaktëpës ets y'ëna'antë: ¿Pën minaanp ets xyaj'ijxpëka'anëmë? ¿Pën minaanp ets xytyuknijawëja'anëmë mëti'ipë ja Dios të tnikäjpxyën?

Mateo 11:25

Näy jä'ä xëëw ja Jesús y'ënäny: Tatë, nmëjja'ap nkënu'kxyjya'ap mijts; tsajpjotmëpë ets naaxwiinypë Wyintsën'atyën, jä'ä ko tëë ja ja'ay yu'unkpë naxymyëpë jyuuky'atën xytyuknijawë ja winma'any tsippëpë, ja winma'any mëti'ipë të xytyukwinkuyu'utsyën ja ijxpëkyjyä'äytyëjkëty ets wijyjyä'äytyëjk.

Marcos 10:15

Tëy miits n'ënëëmëtë, pën ja Dios ja kyutujkën ka'ap tkupëjkë ijxtëm ja pi'k ëna'kën, ni wintim nijëna'a kyatëkëty jam ma Dios kyutujktaknën.

Romanos 2:20

jyëkyejpy xytyu'uwinwowëty ja tsuuja'ay ets xykyajpxwijëty mëti'ipë tii kyanija'apën; jä'ä ko mmëët'ajtyp ja ënä'ämën paaty winët xynyijawë ets paaty xymyëët'aty ja tëyajtën.

1 Corintios 13:11

Ko ijty nmutsk'atyës, kajpxpës, winmääpyës, ja'akyujkëpës, ijxtëm ja pi'k ëna'kën; ets koos të nyä'knë, tëëjës n'ëxmajtsnë wi'ixës të nmutsk'atyën.

1 Corintios 14:20

Mëku'uktëjkëty, këtii mmaytyëty mtajtëty ijxtëm ja pi'k ëna'kën. Jëtu'un tä pi'k ëna'kën mnäyajnaxëtëty ma ja ëxëëkpën, je'eyëp ko mëmay mëtajtë winë yajxon ets xyaj'ixëtëty ko mëj ja'ay'ajnëtë.

1 Corintios 3:1

Mëku'uktëjkëty, ko ojts miits nyaj'ijxpëktë, ka'ap ojts jëtu'un nmëmëtya'aktë ijxtëm ja ja'ayën mëti'ipë ja Kënu'kxymyëkajtën tu'unwinwoowëpën, jëtu'un miits nyaj'ijxpëjktë ijxtëm ja ja'ayën mëti'ipë yajtuumpyën ja naaxwiinyëtë winma'any ëkë ijxtëm tu'uk ja mëxu'unkën ka'apë tii tja'akyukën ma ja Kristë.

2 Corintios 3:9

Jä'ä yajwinjawë, pën ni'ik ja mëj'ajt jaanty'ajtën ojts tmëët'aty ja ënä'ämën mëti'ipë nyi'ënä'ämëpën ja o'kën, ¿wi'ixpëm? jëtää ni'ik ja mëj'ajtën jaanty'ajtën tmëët'ata'any ja aaw ayuk mëti'ipë nyikäjpxypën wi'ix ja Dios xyajtso'oka'anëmën.

Efesios 4:14

Ka'ap jëtu'un n'ëkja'ay'ajtënëty ijxtëm ja pi'k ëna'kën, mëti'ipë maaymyiin maayxyëjptëpën, ka'apë tnijawëtën mëti'ipë tëy katëyën, mëti'ipë pojën myëpëjktëpën ko ja ja'ay nyë'ëmxëtë ets t'ëxmatstë ja ijxpëjkën mëtëypyë.

2 Timoteo 3:16

Tu'kë'ëyë ja Dios ja y'aaw y'ayuk mëti'ipë këxja'ay miinpën aak Dios të tnikajpxta'ay, ets tuunp ma ijxpëjkënën, ma kajpxwijënën, ma tu'uwinye'eyën, ma jëjpwijtswinpijtën ets ma tëyajtënën,

1 Pedro 2:2

Tsoktë ja Dios ja y'aaw y'ayuk, ijxtëm ja mëxu'unk janaam tsyi'itsyën ets miits mwinpäjt'ëtë'ëtstëty ma ja Dios ja nyë'ë tyu'ujën ets jëtu'un ja nitsokën xypaatëty,

2 Juan 1:11

Pën kyajpxpo'kxyp yë'ë ënety mëët yajpaaty.