Hebreos 5:12 - Biblia Dc en Mixe de Quetzaltepec

¹² Tam kanaak jëmëjt nyëjkxnë ets jeexyë miits ja Dios ja y'aaw y'ayuk xyaj'ijxpëjkëtë. Myaj'ijxpëjknëtëp jeexyë miitsëty, je'eyëp ko yë'ë jatëkok mtsojktëp ets wäänëni'ik mjaaktukyaj'ijxpëktëty mëti'ipë ka'ap tsyipëtyën ma ja Dios ja y'aaw y'ayukën. Jëtu'un miitsëty ijxtëm ja pi'k ëna'kën mëti'ipë tsi'tstëpnëm, ka'apë tjatën wi'ix kyäytyëtyën.

Biblia Mixe de Quetzaltepec

¹² Tam kanaak jëmëjt nyëjkxnë ets jeexyë miits ja Tios ja y'aaw y'ayuk xyaj'ijxpëjkëtë. Myaj'ijxpëjknëtëp jeexyë miitsëty, je'eyëp ko yë'ë jatëkok mtsojktëp ets wäänëni'ik mjaaktukyaj'ijxpëktëty mëti'ipë ka'ap tsyipëtyën ma ja Tios ja y'aaw y'ayukën. Jëtu'un miitsëty ijxtëm ja pi'k ëna'kën mëti'ipë tsi'tstëpnëm, ka'apë tjatën wi'ix kyäytyëtyën.

Hebreos 5:12 ပူးပေါင်းရင်းမြစ်များ

Hebreos 6:1

Tsojk nyajtu'uye'eyëm ja Dios ja y'aaw y'ayuk koonëm kä'pxy nnija'awëmëty mëti'ipë ja Dios tsyojkpyën. Ka'ap yi'iyë ntukjotkujk'ajtmëty mëti'ipë të nyajtukni''ijxëmën ko Kristë ojts ëka'any nmëpëjkëmë. Ka'ap jatëkok n'a'ijxpëjkëmëty, wi'ix ja ja'ay jootwinpittëty, wi'ix t'ëxmatstëty ja ëxëëk juukyajtën mëti'ipë tukpatpën ja o'kën, ëkë wi'ix tmëët'atëty ja mëpëjkën ma Tiosën,

1 Pedro 2:2

Tsoktë ja Dios ja y'aaw y'ayuk, ijxtëm ja mëxu'unk janaam tsyi'itsyën ets miits mwinpäjt'ëtë'ëtstëty ma ja Dios ja nyë'ë tyu'ujën ets jëtu'un ja nitsokën xypaatëty,

Hebreos 5:13

Pën yajpatëp ijxtëm ja pi'k ëna'kën mëti'ipë tsi'tstëpnëm, ka'ap tnijawëtë mëti'ipë oy ëkë mëti'ipë ëxëëkën.

Colosenses 3:16

Wä'än xëmë t'ity mjootjoty mwinma'anyjyotyëty ja Kristë ja y'aaw y'ayuk. Neykajpxwijëtë ets näjyotmëkwinkajpxëtë nixim niyam mëët tu'kë'ëyë ja mwijy'ajtënëty mkejy'ajtënëty ets kuuy'ëwtë ja Dios, mmëjjaw jaantyjyawëtë.

Salmos 34:11

Mintë, u'unk ëna'këty ets mëtoow'ijtëkës yë n'aaw n'ayuk: tyam ntukni''ixëja'antë wi'ix yë Wintsën xy'ëwtatëtyën.

Mateo 17:17

Tääts ja Jesús y'ëtsooy: Miitsëty jä'ä mja'ay'atë mëpëjkëntuk ets je'eyë ja m'ëxëëkjot m'ëxëëk winma'anyëty. ¿Jëna'a jëtu'un xyä'äkyukëja'antë koos nyajpaaty ma miitsëtyën? ¿Maapaat jëtu'un mëk näpyëjkta'akëtëtyës ko miitsëty ka'ap mja'akyukëtë? Yaa yajmintë ja yujkyeeky ëna'k.

Isaías 55:1

Mintë pënjaty tëtsëpën; mintë pënjaty ka'ap wit meeny tmëëtëtyën, jë'kxtë pëktë, kaytyë uuktë namëyajtën; uuktë pëktë tsi'tsknëë, uuktë pëktë tsatym nyëë, ka'ap meeny tsyokyë.

Esdras 7:10

Yë Esdras tëë ënety jyot wyinma'any tu'ukyë tpëjktä'äky ko t'ixpëka'any ets tpatuna'any ja Wintsën ja y'ënä'ämën tyiyajtën ets tukni''ixëja'any ja Israel ja'ayëty wi'ix ja Wintsën ja kyutujkën ets y'ënä'ämën tyajminyën.

2 Samuel 16:23

jä'ä xëëw, ko ijty yë ja'ay tii tyajtëwtë ja Ahitófel, jëtu'un ijty nyäxy tä pën tii yë Dios tyajtëyën; jä'ä ko yë Ahitófel mëj'äämpy yë ja'ay jyëkyepyë, paaty yë David mëj'äämpy muum nyäxy ets Absalón mëët yë'ëkyëjxm ko ja Ahitófel jyamëty.

1 Pedro 4:11

Pën jää pën kyäjpxy myëtyä'äky, jëtu'un kyajpxëty ijxtëm ja Dios ja y'aaw y'ayuk y'ënä'änyën. Pën jää pën myëku'uk tii tukputëkëja'any, yajtunëp ja myëjaaw mëti'ipë ja Dios mooyëpën. Tu'kë'ëyë tiijaty mtuuntëp mkajpxtëp, tuntë winë ijxtëm mëpaat ja Dios yajmëjjaw yajjaantyjawën ma ja Jesukristë ja xyëëwën, mëti'ipë ijta'ayxyëyëp ja mëj'ajt oyajtën. Jëtu'un y'itëty.

1 Corintios 14:19

je'eyëp ko ma ja mëpëjkpëtëjkën, nikë oyës je'eyë mëkoxk aaw nkajpxpëtsëmëty ets yajja'akyukëp këtiinëm koos majk mil aaw ayuk nkajpxnajpxëty ets ni pën tkaja'akyukëty.

Romanos 3:2

Tuunp mëk ets kanaakpëky. Mëtu'kpëky ko jam ojts ja Dios ja y'aaw y'ayuk najtskäxë ma jutiis ja'ayëtyën.

Hechos 7:38

Ko ënety ja Israel ja'ayëty jam të ye'eymyuktë të'ëts'itum, yë'ë ja Moisés ojts kyäjpxynyäxy ma ja Dios kukäjpxy ets maa ja naax kajpnën ko jam myëkajpxë ma ja Sinaí kopkën; yë'ë ojts yajmo'oy ja aaw ayuk mëti'ipë yajjuuky'ajtpën ets ëëtsajtëm ojts xytyuk'ëwa'anëmë.

Marcos 9:19

Tääts ja Jesús y'ëtsooy: Miits ka'ap mmëpëktë. ¿Wi'ix ko miitsëty ka'ap tii xytyuntë, jä'ä xytyimtsoktë aak'ëjts winë ntunëty? Yajmintë yaa ya'atë yujkyeeky ëna'k.

Filipenses 3:1

Jëtu'un mëku'uktëjkëty, tukxoonta'aktë ja Wintsën. Ka'apës näy'atsipë njawë oyës yam jatëkok nja'ay mëti'ipës të n'ëkjääpyën, jä'ä ko mtuna'anxëtëp yë'ë.

Isaías 28:13

Paatykyëjxm ja Wintsën jëtu'un myëkajpxa'anëtë tä pi'k ëna'k yajmëkäjpxyën, mëti'ipë nokykyapxtso'ontëpën. Ko ënety muum nyëjkxtë, jëtu'unyë yuntëty kyëtawtëty ets nyäyajtsëtyutëtëty, nyäyajkuka'anaxëtëty muum ets koonëm tsyiptëkëtëty.

1 Corintios 14:20

Mëku'uktëjkëty, këtii mmaytyëty mtajtëty ijxtëm ja pi'k ëna'kën. Jëtu'un tä pi'k ëna'kën mnäyajnaxëtëty ma ja ëxëëkpën, je'eyëp ko mëmay mëtajtë winë yajxon ets xyaj'ixëtëty ko mëj ja'ay'ajnëtë.

Gálatas 4:3

Näyjyëtu'un ijty ëëts nyajpatëmë ko ja Kristë ënety ka'anëm myiny, jëtu'un ijty nyajpatëmë ijxtëm ja pi'k ëna'kën, jëtu'un ntsëna'ayëm njuuky'ajtëmë mëët ja naaxwiinyëtë winma'any.

Hebreos 5:11

May ya'atë aaw ayuk kyayajnimëtyä'äkynyëm, je'eyëp ko tsip ets yajkajpxtë'kxëty, jä'ä ko ëtyä'äkyë miits tii xyjyä'äkyukëtë.

Hebreos 10:32

Këtii xyjyä'ätyëkoytyë ja xëës jëmëjt mëti'ipë të nyäxyën ma të xymyëpëktën ja Dios ja y'aaw y'ayuk, amëk jotmëk ojts xymyënax xyajnaxtë ja ëyo'on jotmay.