Hebreos 5:11 - Biblia Dc en Mixe de Quetzaltepec

¹¹ May ya'atë aaw ayuk kyayajnimëtyä'äkynyëm, je'eyëp ko tsip ets yajkajpxtë'kxëty, jä'ä ko ëtyä'äkyë miits tii xyjyä'äkyukëtë.

Biblia Mixe de Quetzaltepec

¹¹ May ya'atë aaw ayuk kyayajnimëtyä'äkynyëm, je'eyëp ko tsip ets yajkajpxtë'kxëty, jä'ä ko ëtyä'äkyë miits tii xyjyä'äkyukëtë.

Hebreos 5:11 ပူးပေါင်းရင်းမြစ်များ

Mateo 13:15

Jä'ä ko tëë ya'atë ja'ay jyot wyinma'any juun y'awinpitë, ëtuky yë tyatskëty, ets ëtuky yë wyiinëty, këtiipë y'ixtëty ets këtiipë myëtowtëty, këtiipë jyä'äkyukëtëty ets këtiipë xynyiwinpitëtyës, ets jëtu'un ka'ap tjëkyepy nyajtso'oktëtyës.

2 Pedro 3:16

Ets aak jëtu'unpë ja ijxpëjkën kyäjpxyp myëtyäkpy ja Pablo jënu'un ja mëpëjkpëtëjk ja noky të tuknijayën. Tap mëti'ipë tsip yajwinmëtoopën, yë'ëts aak wiink jyä'äkyujkëtëp mëti'ipë ka'ap nëkoonëm ëmuumtu'ukjot ja Dios tmëpëktënëm; ka'ap jëtu'un tja'akyyukëtë ijxtëm ja Pablo tjatijyën, näjyëtu'un aak wiink tnikäjpxy tnimëtya'aktë ja Dios ja y'aaw y'ayuk ets kë'ëm nyäyaj'ëxëëktëkëtë.

Hechos 28:27

Jä'ä ko ya'atë ja'ay yë jyot wyinma'anyëty juun yajpaatë, ëtuky yë tyatskëty, ets pi'its yë wyiinëty, këtiipë y'ixtëty ets këtiipë myëtowtëty, këtiipë jyä'äkyukëtëty ets këtiipë wyimpitëty ma ëjtsën, ets jëtu'un ka'apës nyajtso'oktëty.

Juan 16:12

Tapnëm may mëti'ipë miits ntukmëmëtya'akantëpën, je'eyëp ko tyam tsip ets ntukmëmëtyakta'atëty.

Juan 6:6

Paaty ja Felipe ojts jëtu'un yaj'ënëëmë, yë'ë ja Jesús ënety y'ixäämpy wi'ix ja Felipe y'ëk'ëtsoy, jä'ä ko tëë ënety ja Jesús kë'ëm tnijawë wi'ix tii tuna'anyën.

Lucas 24:25

Ënet ja Jesús y'ënëmaayëtë: Ka'ap miits mja'akyukëtë, ka'ap xytsyojkmëpëktë mëti'ipë ja Dios ja kyäjpxynyajxpë nyikajpxtën.

Marcos 8:21

Ënet ja Jesús ja y'ijxpëjkpëtëjk t'ënëmaay: ¿Ka'anëm xyjyä'äkyukëtë?

Isaías 6:10

Jëtu'unyë ja naax kajpn nëjkx xyajwinkumon xyajjotkumonë, wiinkutsum wiinkumotsëpën nëjkx yajpaatë ets ka'ap nëjkx jyä'äkyukë, oy tii tja'ix tjamëtowtëty, ka'ap nëjkx t'ijxkuk tja'akyukëtë.

1 Reyes 10:1

Ja to'oxytyëjk mëti'ipë jam Sabá yajkutujkpën ojts tmëtoy'äty ko ja Salomón mëj'äämpy ja'ay nyikäjpxyë oy tyimmaajëty, mëët ko ja Wintsën ënety jëtu'un të tuknipëjktaakë; ënät tnitso'ony ets tninëjkx jam Jerusalén ets t'ëk'ixa'any wi'ix ja Salomón wyijyëtyën, ojts tuknipëjktaakë tsipëtypë yajtë'ëwën. Ko jyäjty mëj'äämpy jyä'äjty may ja tyuunpëtëjk, ets tmëmiiny may'äämpy ja ujts mëti'ipë pa'akxu'kpën ets tsowëtyën, may näjyëtu'un tmëmiiny ja pu'ts pujxn ets ja tsaa oyëtypë. Ko jam jyä'äjty ma Salomón yajkutukyën, ojts tyajtëëwta'ay tëkokyë winë mëti'ipë ënety të tnimay të tnitajën.

Hebreos 5:10

ets ja Dios pyëjktakë teety wintsën, jëtu'un ijxtëm ja Melquisedec y'ijtyën.

Hebreos 5:12

Tam kanaak jëmëjt nyëjkxnë ets jeexyë miits ja Dios ja y'aaw y'ayuk xyaj'ijxpëjkëtë. Myaj'ijxpëjknëtëp jeexyë miitsëty, je'eyëp ko yë'ë jatëkok mtsojktëp ets wäänëni'ik mjaaktukyaj'ijxpëktëty mëti'ipë ka'ap tsyipëtyën ma ja Dios ja y'aaw y'ayukën. Jëtu'un miitsëty ijxtëm ja pi'k ëna'kën mëti'ipë tsi'tstëpnëm, ka'apë tjatën wi'ix kyäytyëtyën.