Hebreos 4:9 - Biblia Dc en Mixe de Quetzaltepec

⁹ Paatykyëjxm ja po'kxtakn të jyaak wë'ëmy ets ja Dios ja jyä'äy tpaatëty ma pyo'kxtëtyën.

Biblia Mixe de Quetzaltepec

⁹ Paatykyëjxm ja po'kxtakn të jyaak wë'ëmy ets ja Tios ja jyä'äy tpaatëty ma pyo'kxtëtyën.

Hebreos 4:9 ပူးပေါင်းရင်းမြစ်များ

Salmos 47:9

Tëkokyë yë ja'ayëty mëj'äämpyë y'itën ma naax kajpnën, tëë tyu'ukmujkta'atë ma Dios ja nyaax kyajpnën, mëti'ipë Abraham Tiosajtën,

Éxodo 16:30

Ënet ja ja'ayëty ojts ya'atë xëëw tjantypyo'kxtë ma wyëxtujk xëëwpetyën.

Isaías 11:10

Jä'ä xëëw yë Jesé mëti'ipë jëtu'un tä kepyjyi'tskën, ijxpäjtën nëjkx wyi'imy ma wiinkëtypë naax kajpnën; nëjkxëp nyiminyë wiinkëtypë naax kajpn, ja it naaxwiinyëtë ma tääpë kajpn yajpaatyën, mëj'äämpy nëjkx y'ity.

Isaías 57:2

ets po'kxpë nyëjkxnëtë. Oy të nyëye'ey të tyu'uye'eytyë, tyam po'kxnëtëp jap je'eyë o'kpëjutjoty.

Mateo 1:21

Ye'eytyëjk y'ita'any. Jä'ä xytyukxëëwatëty Jesús, jä'ä ko ja jyä'äy tyajpokynyiwa'atsa'any.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Hebreos 11:25

wäänëni'ik ojts t'atsoky ets yajtëytyunëty mëët ja Dios ja jyä'äy këtiinëm ko jeexyë pokyjotm xyoontä'äky, mëti'ipë tsojkyë najxpën.

Hebreos 3:11

Paatyës ojts nnikäjpxy koos xyajjoot'anpëjktë: Nijëna'a kyatëkëtëty maas ja npo'kxtaknën.

Hebreos 4:1

Paatykyëjxm ma tyam njaakyajpatëmën ets ntëjkëmëty ma Dios ja pyo'kxtaknën, mëpaat näkyëwent'ajtëmë këtiipë pën wyë'ëmëty.

Hebreos 4:10

Pën tëjkëp ma ja Dios ja pyo'kxtaknën, po'kxëp jä'ä ko ënety ja tyuunk tyaj'apaatë, jëtu'un ijxtëm ja Dios ojts pyo'kxyën ko tyaj'apatëy ja tyuunk.

Hebreos 4:3

E ëëts'ajtëmë, mëti'ipë ja Dios nmëpëjkëmën, tëkëja'anëm ma ja pyo'kxtaknën, ijxtëm ja Dios y'ënänyën: Paaty ojts n'ëwa'antä'äkyës ko xyajjoot'anpëktës ets n'ënanyës ko: Nijëna'a kyatëkëtëty maas ja npo'kxtaknën. Jëtu'un ja Dios y'ënäny oy tjayaj'apatëy ja tyuunk ko tyajtso'ontäky ja naaxwiinyëtë.

Hebreos 4:8

Ko jeexyë ja Josué ojts tmo'oy ja po'kxtakn ja Israel ja'ayëty, ka'ap jeexyë ja Dios ja wiinkpë xëëw të tnikäjpxy.

1 Pedro 2:10

Miitsëty ka'ap ijty yë Dios mkajpn niwa'anëtë; tyam, Dios miits mkajpn'ajtëtëp. Ka'ap ijty miits ja Dios mpa'ëyowëtë, tyam mpa'ëyoowënëtëp.

Apocalipsis 14:13

Ënätës nmëtooy tu'uk ja ayuk mëti'ipës xynyëmaayën: Kuja'a ya'atë: Jotkujk mëti'ipë tyam o'ktëpën ets mëti'ipë ookantëpën, mëti'ipë tu'ukyë ja Wintsën mëët y'itën. Jëtu'un ja Kënu'kxymyëkajtën y'ënä'äny: Jatëp jëtu'un. Po'kxantëp jä'ä, jä'ä ko oy të tyuntë, jääpaat ja tyuunk y'ëyo'on të tyajnaxtë.

Apocalipsis 21:4

Yajtëkooytya'ajäämpy ja Dios tu'kë'ëyë ja jë'ëyën yaxën ets ka'ap ma nyäky'ita'any ja o'kën tëko'oyën, ni ja amay jotmay ets ni ja pëjkën ato'onën, jä'ä ko mëti'ipë të y'ityën, tëë ja nyäxy.