Hebreos 4:7 - Biblia Dc en Mixe de Quetzaltepec

⁷ Paaty ja Dios jatëkok të tpëjktä'äky tu'uk ja xëëw, tyampë, mëti'ipë ja Dios ojts tuknikäjpxyën ja David, ko y'ënäny: Pën mëmëtoowtëp miits ja Dios ja y'aaw y'ayuk, këtii ja mjot mwinma'any juun xypyëjkta'aktëty.

Biblia Mixe de Quetzaltepec

⁷ Paaty ja Tios jatëkok të tpëjktä'äky tu'uk ja xëëw, tyampë, mëti'ipë ja Tios ojts tuknikäjpxyën ja David, ko y'ënäny: Pën mëmëtoowtëp miits ja Tios ja y'aaw y'ayuk, këtii ja mjot mwinma'any juun xypyëjkta'aktëty.

Hebreos 4:7 ပူးပေါင်းရင်းမြစ်များ

1 Reyes 6:1

Salomón jää ja tsajptëjk tkojtso'ontä'äky ma ënety mëmajktaxk jëmëjt tyajtu'uye'eyën ja jyëmëjt ma y'ityën yajkutujkpë jam Israel, yë'ë ënety aanp yë po'o mëti'ipë tyijtëpën Ziv, yë mëmäjtskpë, ma të nyajxnën taxk mëko'px jëmëjt maju'unëm tsyoontën jap Egiptë.

Salmos 95:7

Jä'ä ko Dios yë'ë n'ëwtajtëmë ets xykyajpn niwa'anëmë, jëtu'un xymyëët'ajtëmë tä yë ja'ay yë tsyajppax tkëwent'atyën. Mëtoow'itë tyam mëti'ipë ntukmëmëtya'akanëtëpën.

Mateo 22:43

Ënet ja Jesús y'ënëmaayëtë: Pën jëtu'un, ¿wi'ix ko ja David yajkajpxpëtsëmyë ja Dios ma tmëkäjpxyën ja Kristë, Wintsën. Ma y'ënä'änyën ja David:

Marcos 12:36

Kë'ëm ja David y'ënäny ko ja Kënu'kxymyëkajtën ojts yajkäjpxyë: Jëtu'un ja Wintsën t'ënëmaay ja nWintsënës: U'nyë yaatsow maajës yë n'a'oykyë'ëjën, koonëm yë mmëtsip nmëmëta'akëtyës.

Lucas 20:42

David ojts kë'ëm y'ënä'äny ma ja Salmos: Jëtu'un ja Wintsën t'ënëmaay ja nWintsënës: U'nyë n'aka'any'äämpyës,

Hechos 2:29

Mëku'uktëjkëty, ëmuumtu'ukjot yam nëëmëtë ko ojts y'ooky ja n'ap'ajt nteety'ajtëmë David ets ojts nyaaxtëkë. Tää ja yaa yajpaaty ma ëëtsajtëmën ja it naaxwiinyëtë ma nyaaxtëjkëyën.

Hechos 2:31

Jëtu'un ja David ojts jëwyiinyëp nijawë ets ojts nikäjpxy ko ja Kristë ënety jyuukpyëka'any jatëkok ets ka'ap y'ëk'ijnëty o'kpëjutjoty, ni kyawintëkoyëty ja nyi'kx kyopk.

Hechos 28:25

E jä'ä ko ka'ap ënety tu'knax myäytyë tyajtë, ënät nitu'uk patu'uk tsyo'ontë ets ja Pablo y'ënëmaayëtë: Mëtëy ojts ja Kënu'kxymyëkajtën y'ënä'äny, ko ojts tyajkäjpxy ja käjpxynyajxpë Jeséas mëti'ipë nteety'ajt n'ap'ajtëmën:

Hebreos 3:15

Ijxtëm y'ënä'änyën: Pën mmëtoowtëp tyam ja Dios ja y'aaw y'ayuk, këtii ja mjot mwinma'any juun xypyëjkta'aktëty ijxtëm y'ëtëtstën ja m'aptëjkëty ko ja Dios tukjoot'anpëjktë.