Hebreos 4:15 - Biblia Dc en Mixe de Quetzaltepec

¹⁵ Jä'ä ko ja nteety wintsën'ajtëmë, xypya'ëyo'owëm yë'ë ets nyija'awëp wi'ix nkamëtakëmën, jä'ä ko näjyëtu'un të yajpëjktä'äky wi'ix jeexyë pyokytyunyën, jëtu'un ijxtëm ëëtsajtëm nyaj'ijxmajtsëmën.

Biblia Mixe de Quetzaltepec

¹⁵ Jä'ä ko ja nteety wintsën'ajtëmë, xypya'ëyo'owëm yë'ë ets nyija'awëp wi'ix nkamëtakëmën, jä'ä ko näjyëtu'un të yajpëjktä'äky wi'ix jeexyë pyokytyunyën, jëtu'un ijxtëm ëëtsajtëm nyaj'ijxmajtsëmën.

Hebreos 4:15 ပူးပေါင်းရင်းမြစ်များ

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Dios pyëjktakë ijxtëm jeexyë ja poky tmëët'atyën, jëtu'unts ja Dios xyaj'ëwaatsëpëtsë'emëty mëët ja Kristë.

1 Juan 3:5

Tëë miits xynyijawëtë ko ja Jesukristë, yë'ë të tniminy yaa naaxwiiny ets xyajpokywyatsmëty, yë'ë, ka'ap tii poky tmëëtëty.

1 Pedro 2:22

Nitii poky ja Kristë tkatuuntëkooy ets ka'ap ojts ni pën twin'ëëny.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënety nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

Hebreos 4:14

Jesús, ja Dios U'unk, yë'ë ja nTeetywintsën'ajtëmë mëti'ipë të pya'tëkën tsajpjotm. Paatykyëjxm mëk ja mëpëjkën nmëët'ajtmëty mëti'ipë të mpatëmën.

Hebreos 5:2

Jä'ä ko näjyëtu'un ja teety wintsën pyokyjyä'äy'atë, jyëkyejpy tpa'ëyowëty mëti'ipë kyanija'awëtëpën ets mëti'ipë tëkooytyëpën.

Juan 8:46

¿Pën nyikajpxäämpy koos pokymyëëtës? E pën jaantyës nmëtyä'äky, ¿tii ko xykyamëpëktë?

Isaías 53:9

Ets tyajnaaxtëjkëtyë jam ma ëxëëkja'aytyëjkën, mëët ja tuuntëkoopyë kajpxtëkoopyë ojts nyaaxtëkë, oy ënety ka'ap tii tuuntëko'oyën tmëëtëty ets oy ojts mëtëy jyakäjpxy.

Lucas 22:28

Miitsëty xëmë të myajpaatë mëët ëjts oyës ëxëëk të njaty të nkëpety.

Lucas 4:2

Jamts ojts y'ity wëxtyikxy xyëëw ets ja mëjku'u jyayajpokytyunanë. Ka'ap tii tkaay ets ojts ja yuu pyäätyë.

Oseas 11:8

¿Wi'ix n'ëk'ëxmatsëty mijts Efraín? ¿Wi'ix n'ëkmajtstu'utëty mijts Israel? ¿Jyëkyäpëp jëtää nyajkutëkoyëty tääjës ojts nyajkutëkoyën yë Admá kajpnën, ëkë tääjës nyajkutëkooyën yë Seboím kajpnë? Je'eyës nmëkxejy n'o'kxejy, ko njapa'ëyoy.

Éxodo 23:9

Këtii ëxëëk xytyunëty yë jaaypyo'kxyjyä'äy, jä'ä ko miitsëty ojts jap mjëpyo'kxyjyä'äy'atë Egiptë ets wa'ats xynyijawëtë wi'ix y'ixëtyën ko muum pën yajpaaty wiinkë'ëy wiink kajpn.

Mateo 12:20

Jëtu'un yë'ë ijxtëm tu'uk ja ja'ayën mëti'ipë ka'ap tëjyën ja tsajpkäpyny mëti'ipë tëjjanëpën, ets ijxtëm tu'uk ja ja'ayën mëti'ipë kyayajpi'tsypyën ja jëën mëti'ipë pi'itsanëpën, koonëm tyajmëta'akëty ja oypyë ja nipaye'eyën,

Mateo 4:1

Tääts ja Jesús ja Kënu'kxymyëkajtën ojts yajnëjkxyë të'ëts'itjotm ets ja mëjku'u wyinma'any'ixa'anyë.

Romanos 8:3

Tëë ja Dios tuny mëti'ipë ja ënä'ämën ka'ap myääyën tunëty, jä'ä ko ënety ja myëk'ajtën kyujënäkyëty ets ko ja ja'ay ëmaay paki'ix yajpaatë. Paaty ja Dios ja y'u'unk të tkexy ets yaj'ijxy ijxtëm ja pokyjyä'äyën ets wyintsë'kën'atëty, tkunaxëty ja ja'ay ja pyoky, jëtu'un tyajkutëkoy ja poky ma ëëtsajtëmën.

Hebreos 9:28

Näyjyëtu'un ja Kristë të wyintsë'kën'aty tuk'okyë ets ja mayjyä'äy të pyokywya'atstë. Ok jatëkok myina'any ja mëmäjtsk okpë, je'eyëp ko ka'ap yë'ë t'ëkniminanë ja nëë poky, yë'ë nyiminäämpy ets tyajnitso'oka'any ja mëti'ipë jëjp'ijxëtëpën.