Hebreos 4:13 - Biblia Dc en Mixe de Quetzaltepec

¹³ Nitii tkajëkyepy ja Dios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.

Biblia Mixe de Quetzaltepec

¹³ Nitii tkajëkyepy ja Tios yajtukwinkuyu'utsëty mëti'ipë të tyajkojyën, aak wyintum wyinkujkm winë yajpata'ay, ets ma yë'ëjën nëjkx nkë'ëyajkta'ayëm tëkokyë tii të ntu'un të nkajpxëmën.

Hebreos 4:13 ပူးပေါင်းရင်းမြစ်များ

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

2 Crónicas 16:9

E Wintsën yë'ë wa'ats nyija'awëtyääpy tiijaty tuunëp jajtëp muum naaxwiinyëtë apëtsëmy ets tjotmëkmo'oy ja ja'ay mëti'ipë winë aaw winëjot tuk'ijxpäjtëpën. Mijts tëë jëtu'un mwinma'anytyëkoy, paaty winë të xytyuny tä tu'uk ja'ayën mëti'ipë winma'anytyukën. Jä'ä ko tyam wäänëni'ik yë tsip käjpxy xymyëtata'any.

Job 26:6

Yë o'ktakn, ma o'kën yajkutukyën, ka'ap jap tii yu'utsy'ity mëët yë Dios.

Job 34:21

Dios wa'ats t'ixy tuny wi'ixjaty ja'ay nyë'ëye'ey tyu'uye'eyën ets nyija'ap wi'ix nyäxy tyëkën.

Job 38:17

¿Tëë xy'ëk'ijxpë maa yajpaatyën ja nyitëjk'aaw ja akootstuuyajtën ma y'ityën ja o'kën tëko'oyënë?

Salmos 139:4

Ka'anëmës ëjts nkajpxpëtsëmnyëm tii ayuk, ko mijts Wintsën, tëë xynyanija'awënë.

Salmos 44:21

Mijts wa'ats jeexyë xy'ixy xynyijawë, jä'ä ko mijts mtuk'ijxnajxyp yë jot winma'any.

Salmos 7:9

Wintsën mëtëypyë nyipaye'eyën, mëti'ipë y'ijxypyën ja jot winma'any ets ja jot ja'awën këkpaat. Mijts myajkëx myajnaxëp ja y'ëxëëktu'unën ja ëxëëkja'aytyëjkëty, e ja ja'ay mëti'ipë mëtëy winë tyuunpyën jotmëk xyaj'itëty.

Salmos 90:8

Ëëts yë nnëë npokyëty, yë ntuuntëko'oy nkajpxtëko'oyënëty mijts tëkokyë mkëwentëpëjktääpy ets mnija'awëtyääpy.

Proverbios 15:11

Yë Dios nyija'ap jëna'a jyää'aty o'kën tëko'oyën; ets jëna'a o'kpë nyaaxtëkë. Paatykyëjxm näjyëtu'un wa'ats nnijawë yë naaxwiinyëtë ja'ay jyot wyinma'any.

Proverbios 15:3

Yë Dios, tää yajpaaty oy tyimmaajëty, y'ijxyp oyjyä'äy ets ëxëëk ja'ay.

Proverbios 5:21

Yë Dios wa'ats t'ixy wi'ix yë naaxwiinyëtë ja'ay tyu'uye'eyën, ka'ap t'ijxtëkoy ma ye'ey nyäxyën.

Eclesiastés 12:14

Yë Dios yë'ë xyajtëwa'anëmë wi'ix tu'uktu'uk të njuuky'ajtëmë, oy ënety ëxëëk ëkë oy të njuuky'ajtëmë ets oy ënety tii yu'utsy me'ty të ntu'unëmë.

Jeremias 16:17

Jä'ä ko wa'atsës n'ijxtaay ntuuntaay tiijaty tyuuntëp kyajpxtëpën ëxëëkjaty; nitii kyayu'utsy'ity ma ëjtsën, ni yë'ë nyëë pyokyëty tkajëkyepy tkuyu'utstëty.

Jeremias 17:10

Ëjts, mëti'ipë Wintsën'ajtpën, mëti'ipë nyija'awëtyääpyën yë jot winma'any, mëti'ipë wa'ats y'ixy'äjtypyën wi'ix ja'ay tu'ukjaty myäy tyäjyën, mëti'ipë myooytyääpyën nitu'ukjaty yë ja'ay kyuma'ayën ijxtëm të tyuny të kyäjpxyën.

Jeremias 23:24

¿Pën ëkmayëtëp nyäyu'utsëtëty maajës winë n'ixyën? Ëjts tamës nyajpaaty tsajpkëjxm ets naaxwiiny. Ëjts Wintsën, ëjts ënaanp.

Jeremias 29:23

Jëtu'un nëjkx mjatë mkëpätë ko ënety ëxëëk winë të xytyuntë jam Israel: ko ojts ka'ap ja mto'oxytyëjk xywyintsë'ëkëtë ets xymyëët'ajnëtë ja mjëëky mmëku'uk ja tyo'oxytyëjkëty ets ojts winë xynyikajpxtë ëjts nxëëwkyëjxmës ka'apë myëtëyëtyën mëti'ipë ënety ka'ap të ntuk'ënä'ämtën. Ëjts nija'apës yë'ë yajxon ko jëtu'un m'ëtëtstë m'ënantë. Ëjts Wintsën, ëjts ënaanp.

Daniel 2:22

Yë'ë yaj'ijxëp ets yë'ë yajnikëxë'kpy ja jot winma'any tsipë ets yu'utsypë; nyija'ap mëti'ipë akootstuuy yajpatpën, jä'ä ko yë'ë myëët'ajtyp yë jajën të'kxën.

Mateo 6:4

yu'utsy y'itëty mëti'ipë mtuumpyën. Jëtu'unts ja mTeety mëti'ipë y'ijxypyën tii yu'utsy, mmo'ojëtëty ja mkuma'ayën.

Juan 2:24

E ja Jesús ka'ap tuk'ijxpety ja mayjyä'äy, jä'ä ko nyija'ap wi'ix jyä'äy'atën ni'ëmukë.

Juan 21:17

E mëtëkëëk ok yajtëëwkojënëpë: Simón, Juan yë myaank, ¿xytsyojkpësë? Ets ja Pedro jyotmaytyëjkëy ko mëtëkëëk ok yajtëyë pën tsyojkpy ets t'ëtsooy: Wintsën, mnija'ap mijts tu'kë'ëyë winë, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

Juan 4:16

Ënet ja Jesús y'ënëmaayë: Nëjkx ja mniye'etyëjk woy ets mmintëty yaa jatëkok.

Hechos 17:31

Jä'ä ko tëë ja Dios tuknipëjktaakë jëna'a ja naaxwiinyëtë ja'ay tpaye'eyä'änyën ijxtëm pyaat'atyën. Yë'ë të tuknipëky tu'uk ja ja'ay mëti'ipë të twin'ixyën; ets tëë xytyuk'ijxëmë ja myëk'ajtën ko ojts tyajjuukpyiky jatëkok oy ënety të y'ëk'ooky.

Romanos 2:16

ko ënety ja xëëw tpaaty ma ja Dios tnipaye'eyä'änyën tëkokyë mëti'ipë yu'utsy'ijtpën mëët ja Jesukristë ja xyëëw, jëtu'un ijxtëmës ja oy aaw oy ayuk të nimëtyä'äkyën.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Dios myo'ojëtëty ja oyajtën wi'ix nitu'ukjaty pyaat'atyën.

2 Corintios 5:10

Jä'ä ko ni'ëmukë nëjkx nwa'këxë'këmë ma ja Kristë ja kyutujktaknën, ets nitu'ukjaty n'ëxajëmëty mëti'ipë xypyaat'ajtëmën ijxtëm ënety tii oy ka'oy të ntu'un të nkajpxëmën ko të njuuky'ajtëm ma ja ni'kx'ajt nkopk'ajtëmën.

1 Samuel 16:7

Tä ja Wintsën y'ënëmaayë: Këtii yë'ë xy'ixëty yë wiin jëjp, wi'ix y'ixë'atyën yë ja'ay, wi'ix kyonëtyën ëkë yenyëtyën. Jä'ä ko ka'apës yë jëtu'unpë nmëjpëjktä'äky. Ka'ap yë'ë tyuna'any mëti'ipë yë naaxwiinyëtë ja'ay y'oy'ijxypyën. Yë naaxwiinyëtë ja'ay yë'ë y'oy'ijxyp mëti'ipë je'eyë nëkëjxy oykyëxë'kpën, ëjts ka'apës yë'ëjëty jëtu'unpë n'ixy, yë'ëjës n'ijxyp wi'ix yë ja'ay jyot wyinma'anyëtyën.