Hebreos 4:11 - Biblia Dc en Mixe de Quetzaltepec

¹¹ Tsojk njotmay'ajtëm ets ntëjkëmëty ma ya'atë po'kxtaknën këtiipë ja jëtu'unpë ja winma'any npanëjkxmëty ijxtëm y'ëtëtstën mëti'ipë ka'ap tmëpëjktën ja Dios.

Biblia Mixe de Quetzaltepec

¹¹ Tsojk njotmay'ajtëm ets ntëjkëmëty ma ya'atë po'kxtaknën këtiipë ja jëtu'unpë ja winma'any npanëjkxmëty ijxtëm y'ëtëtstën mëti'ipë ka'ap tmëpëjktën ja Tios.

Hebreos 4:11 ပူးပေါင်းရင်းမြစ်များ

Mateo 11:12

Ma jyuuky'ätyën yë Juan Yajnëëpäjtpë ets tyampaat, yë tsajpjotmëpë kuttujkën mëk tsyippaaty. Mëti'ipë kumëjaaw näjya'awëyëtëpën ëxëëk tjanty ixtë ets tyim yajkutëkoyantëp.

Mateo 7:13

Jap mtëkëtëty ma ja najxtaknën xu'utspë, jä'ä ko mëj ja najxtakn ets ja tu'u mëti'ipë nëjkxpën ëyoowtaknjoty. May ja ja'ay jap tyëkëtë.

Lucas 13:24

Jam mëpaat mtëkëtë ma ja tëjk'aawën xu'utspë. Jëtu'un miits nëëmëtë ko may ja ja'ay nëjkx jyatëkëja'antë, je'eyëp ko ka'ap nëjkx nyaxtë.

Lucas 16:16

Yë ënä'ämën tëyajtën ets käjpxynyajxpëtëjk jääpaat jyëjpkëxy ma ja Juan Yajnëëpäjtpë jyuuky'äjtyën. Ets tsyo'ontä'äky ja oy aaw oy ayuk mëti'ipë Dios kyutujkën'ajtypyën ets may ja ja'ay jam tyëkëja'antë.

Juan 6:27

Ko tii xytyuntëty ka'ap yë'ëkyëjxmëty ko ja kääky uuky xytsyoktë mëti'ipë këjxp najxpën, yë'ë mnituntëp mëti'ipë mmo'ojëtëp ja juukyajtën xëmëkyëjxmëpë. Ya'atë ja kääky uuky yakäämpy ja naaxwiinyëtë ja'ay ja y'U'unk, jä'ä ko yë'ë Dios Teety yë kuttujkën të myo'oyë.

Hechos 26:19

Mijts, yajkutujkpë Agripa, koos ja Jesús ojts jëtu'un xymyëkäjpxy tsajpjotm, ojtsës jëtu'un npatuny.

Efesios 2:2

Yë'ë ijty mpatuuntëp ja naaxwiinyëtë ja'ay ja wyinma'any ets ja ku'oypyë mëti'ipë jëtijtpën pojjotm ets tjotmëkmo'oy ja ja'ay mëti'ipë ka'ap tmëmëtowtën ja Dios.

Efesios 5:6

Këtii pën mnätyukwin'ëënëtëty mëët ja aaw ayuk mëti'ipë ka'ap tyunyën; jä'ä ko yë'ëkyëjxm jëtu'un ja Dios ja tsyäätsy tyu'unën myina'any ma ja ja'ayëtyën mëti'ipë ka'ap të myëmëtoyën.

Filipenses 2:12

Jëtu'un yam nëëmëtë mëku'uktëjkëty, ijxtëm xëmë të xymyëmëtowtënës, ka'ap jyääyëty koos të njam'aty ma miitsëtyën; mmëmëtoowtëkës tyam ni'ik maas jëkäm nyajpaatyën. Yajtsowpaatë mëët ja ko ëwaatsëtum myajpaatë,

Colosenses 3:6

Jä'äkyëjxm ja Dios tkäxa'any ja ëyo'on ma ja ja'ayëtyën mëti'ipë ka'ap myëmëtoyën,

Tito 1:16

Jëtu'un y'ëna'antë ko Dios t'ixy'atë, je'eyëp ko tii tuntë jëtu'un yaj'ixy ka'ap yowë t'ixy'atë, ëxëëk'ijxtëp ets käjpxy kumëtoownajxtëp, ka'ap tukjatë wi'ix tii oy tuntëtyën.

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Dios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

Hebreos 3:12

Mëku'uktëjkëty, näkyëwent'atëtë këtiipë nitu'uk ja mjot mwinma'any xymyëët'atëty ëxëëk, mëti'ipë tuk'ëxmajtspën ja Dios Juukpyë, ko ënety xykyamëpëktë.

Hebreos 3:18

¿E pën jëtää ja Dios tyij ko y'ënäny ko nijëna'a kyatëkëtëty ma Dios ja pyo'kxtaknën? Yë'ë mëti'ipë ka'ap myëtoowtën, ¿këtiijë?

Hebreos 4:6

Jaaktëkoy'ajtëpnëm yë ja'ay ets jyaak tëkëtë ma tääpë po'kxtaknën, mëët jä'ä ko kyäjpxykyumëtoownajxtë mëti'ipë jëyëjp jyamëtoow'ijtën ja aaw ayuk paaty ojts ka'ap tyëkëtë.

Hebreos 6:11

Ntsojktëpës ets miits nitu'ukjaty xyaj'ixëtëty ja mëpëjkënëty mëët ja xoontakën, koonëm ja oyajtën xypyaatëty mëti'ipë mjëjp'ijxtëpën.

Josue 7:3

E ko wyimpijnëtë tä t'ënëmaaytyë ja Josué: ka'ap kyopkpëkyëty nyëjkxta'atëty yë ja'ay tsiptuunpë ets Aí kajpn yajnitëkëty. Jyëkyejpy je'eyë nyëjkxtëty mäjtsk mil ëkë tëkëëk mil, këtii ja'ay xykyäjxta'ajëty, jä'ä ko mëti'ipë kyuwantëpën yë kajpn niwäänë jam yajpaatë.

2 Pedro 2:6

Näyjyëtu'un ja Dios tyajkutëkooy jëënmëët ja Sodomë kajpn ets ja Gomorra kajpn, koonëm tyaj'awinpijtaay kuyjaam ets jä'ä t'ijxpajn'atëty ja ëxëëkja'aytyëjkëty mëti'ipë ënety juuky'atantëpnëm.