Hebreos 3:7 - Biblia Dc en Mixe de Quetzaltepec

⁷ Paaty, ijxtëm y'ënä'änyën ja Kënu'kxymyëkajtën: Pën tyam mmëtoow'ijtëp wi'ix ja Dios y'ënä'änyën,

Biblia Mixe de Quetzaltepec

⁷ Paaty, ijxtëm y'ënä'änyën ja Kënu'kxymyëkajtën: Pën tyam mmëtoow'ijtëp wi'ix ja Tios y'ënä'änyën,

Hebreos 3:7 ပူးပေါင်းရင်းမြစ်များ

Hebreos 3:15

Ijxtëm y'ënä'änyën: Pën mmëtoowtëp tyam ja Dios ja y'aaw y'ayuk, këtii ja mjot mwinma'any juun xypyëjkta'aktëty ijxtëm y'ëtëtstën ja m'aptëjkëty ko ja Dios tukjoot'anpëjktë.

Isaías 55:3

Nimiintëkës ets ja'akyukëtë n'aaw n'ayukës, mëtoow'ijtëkës ets mjuuky'atëty. Ëjts ntunäämpyës tu'uk käjpxytyu'unën xëmëkyëjxmëpë y'itëtyën, ets nyaj'atëwa'anyës ja waantakën mëti'ipës ja David ojts ntukwinwanën.

Apocalipsis 3:20

Ixtë, ëjts yamp tëjk pijkxp; pën xyyo'kmëtoopës ets tyaj'ëwa'atsy ja tëjk'aaw, tëkäjaanpës jap ma tyëjkën ets mëët n'a'ux'ata'anyës.

Hebreos 4:7

Paaty ja Dios jatëkok të tpëjktä'äky tu'uk ja xëëw, tyampë, mëti'ipë ja Dios ojts tuknikäjpxyën ja David, ko y'ënäny: Pën mëmëtoowtëp miits ja Dios ja y'aaw y'ayuk, këtii ja mjot mwinma'any juun xypyëjkta'aktëty.

Juan 10:27

Yë nkupixynyës xyo'kmëtoowtëpës yë'ëjëty, etsës xypaye'eytyë.

Salmos 81:13

Koos jeexyë yë nnaax nkajpn të xymyëmëtoy ets ko jeexyë Israel kajpn të tpanëjkxy yë nnë'ë ntu'ujës,

Hebreos 3:13

Näjyjyotmëkmo'ojëtë nixim niyam winjëpom naam jaakjäänëm ja xëëw, mëti'ipë nyikäjpxypën ja Dios ja y'aaw y'ayuk, këtiipë pën yajwin'ëënëty ets juun ja y'aaw jyot tpëjkta'akëty.

Mateo 17:5

Tam ënety ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Salmos 81:11

E ja nnaax nkajpnës ka'apës ja n'aaw n'ayuk të xymyëtoow'ijtë: yë Israel ja'ay ka'apës të xymyëmëtoy.

Juan 10:3

Ja kemy kyëwent'ajtpë yë'ë ja kemy yaj'ëwatsyp, ja kupixyny këwent'ajtpë xëëwpety tmëkäjpxy ja kyupixyny, e ja kyupixyny nän yo'kmëtoowëp; ets tyajpëtsëmy jap kemyjoty.

Juan 5:25

Tëy miits nëëmëtë ko tää wyinkony ja xëëw jëmëjt ets tyamën jä'ä, ko ja o'kpë tmëtowtëty ja Dios U'unk ja y'aaw y'ayuk, ets mëti'ipë y'amëtoow'ijtëp, pyaatëp y'ixtëp ja juukyajtën.

Isaías 55:6

Ixta'atë ja Wintsën tyam ma tjëkyepyën wi'ix yajpaatëtyën, mëkajpxtë ma tyam winkon yajpaatyën.

Juan 10:16

Tääs ja kupixyny wiinkpë nmëëtëty mëti'ipë ijtëpën ma wiinkpë kemyën; nyajminäämpyës ja näjyëtu'un yaa. Xymyëmëtowantëpës yë'ëjëty ets tu'ukyë y'ita'antë yaa ma tu'ukpë ja kupixyny këwent'ajtpën.

Eclesiastés 9:10

Mëti'ipë jyëkyejpyën mëpaat xytyunyën tun ets winë aaw winëjot xytyunëty; jä'ä ko jap o'kpëjutjoty ma mnëjkxa'anyën ka'ap jap tii yajtuny yajkäjpxy, ka'ap jap tii yajmëmay yajmëtajy ets ni ijxpëjkën ets ni wijyajtën jap kyä'ty.

2 Pedro 1:21

Jä'ä ko ka'ap ja kyäjpxynyajxpëtëjk ojts yë'ë tnikajpxtë mëti'ipë kë'ëm myääytyëp tyajtëpën, kënu'kxymyëk'ajtën ojts winma'any myo'ojëtë.

2 Samuel 23:2

Yë Wintsën yë myëk'ajtën y'oyajtën jëtu'un y'ënä'äny maas ëjtsën; yë'ë kë'ëm ja aaw ayuk të tpëjktä'äky maas ëjts ja nyä'änën.

Hebreos 9:8

Mëët ya'atë ja Kënu'kxymyëkajtën tyajknikëxë'ëky ko ja Dios twintsë'ëkëtë ma ja mëjëwyiimpë tëkotën, ka'anëm ënety nyikëxë'ëkynyëm wi'ix ja ja'ay tyëkëtëty ma txëëwatyën ni'ik wa'atspë ja tëkot.

Mateo 22:43

Ënet ja Jesús y'ënëmaayëtë: Pën jëtu'un, ¿wi'ix ko ja David yajkajpxpëtsëmyë ja Dios ma tmëkäjpxyën ja Kristë, Wintsën. Ma y'ënä'änyën ja David:

Proverbios 27:1

Këtii xynyikajpx xynyimëtya'akëty tii jëpom mtunäämpyën, jä'ä ko ka'ap xynyijawë tii jëpom tunan jatanëp.

Hechos 28:25

E jä'ä ko ka'ap ënety tu'knax myäytyë tyajtë, ënät nitu'uk patu'uk tsyo'ontë ets ja Pablo y'ënëmaayëtë: Mëtëy ojts ja Kënu'kxymyëkajtën y'ënä'äny, ko ojts tyajkäjpxy ja käjpxynyajxpë Jeséas mëti'ipë nteety'ajt n'ap'ajtëmën:

Marcos 12:36

Kë'ëm ja David y'ënäny ko ja Kënu'kxymyëkajtën ojts yajkäjpxyë: Jëtu'un ja Wintsën t'ënëmaay ja nWintsënës: U'nyë yaatsow maajës yë n'a'oykyë'ëjën, koonëm yë mmëtsip nmëmëta'akëtyës.

Hechos 1:16

Mëku'uktëjkëty, kopkpëky ko ënety jëtu'un tyuna'any jyata'anyë ijxtëm ja Kënu'kxymyëkajtën ojts tyaj'ëna'anyën ja David, ma tnimëtyä'äkyën ja Judas, mëti'ipë tyu'uwinwoowën ja ja'ayëty mëti'ipë myajtstën ja Jesús.

Hechos 8:29

Ënet ja Kënu'kxymyëkajtën ja Felipe y'ënëmaayë: Ninëjkx ya'atë kepy wintëkäämpë winkon.

Hebreos 10:15

Ets ja Kënu'kxymyëkajtën tnikajpxë ko y'ënä'äny: