Hebreos 3:5 - Biblia Dc en Mixe de Quetzaltepec

⁵ Jëtu'unts ja Moisés y'ijty ijxtëm tu'uk ja tuunpën ma tu'uk ja tëjkën, oy tyuuny ma ja Dios ja kyajpnën ets ojts tnikäjpxy mëti'ipë ja Dios ënety kyajpxäämpyën.

Biblia Mixe de Quetzaltepec

⁵ Jëtu'unts ja Moisés y'ijty ijxtëm tu'uk ja tuunpën ma tu'uk ja tëjkën, oy tyuuny ma ja Tios ja kyajpnën ets ojts tnikäjpxy mëti'ipë ja Tios ënäty kyajpxäämpyën.

Hebreos 3:5 ပူးပေါင်းရင်းမြစ်များ

Hebreos 3:2

Jä'ä ko ja Jesús kyuuytyuun ja tuunk mëti'ipë ja Dios tuknipëjkën, näjyëtu'un ijxtëm ja Moisés tkuuytyuunyën ja tuunk mëti'ipë ja Dios ojts tyuknipëkyën ma ja nyaax kyajpnën.

Éxodo 14:31

Ko ja Israel ja'ayëty t'ijxtë ja Dios ja myëj'ajtën mëti'ipë tyuunën ma ja Egiptë ja'ayëtyën, ënät ja Dios tmëjja'awëtyë ets tmooytyë ja näywyinkutsë'kën, tä ojts jam tu'ukyë timpyëjkta'aktë ja wyinma'anyëty ma yë'ëjën ets näjyëtu'un ma ja tyuunpën Moisés.

Salmos 105:26

Ënet yë Dios tkejxy yë tyuunpë Moisés ets Aarón, mëti'ipë ënety të twin'ixyën,

Hechos 28:23

Ënet tkäjpxy'ajtë jëna'a jatëkok ye'eymyuka'antë. Ko tpaty ja xëëw ets ja ja'ay nimay ye'eymyujktë ma ja Pablo ënety të jyajtä'äkyën. Ënet ja Pablo tyëjkëy mëtyakpë, jëtu'un kyutsu'ujëy, tuk'ëwaanë ja ja'ay wi'ix ja Dios ja kyutujkën. Jä'ä tyukmëmëtyak ja Moisés ja y'ënä'ämën ets wi'ix ja Dios ja kyäjpxynyajxpë y'ëna'antën, jëtu'un ojts tjatukmëpëka'any ko Jesús yë'ë jëtu'un Kristë.

Hebreos 8:5

E ya'atë teetyëty jap tyuntë ma tu'uk ja tëjkën ma ja tsajpjotmëpë të nyikojtu'utyën. Ets yajnija'ap ko je'eyë të nyikojtu'uty, jä'ä ko ja Moisés ënety jam tkoja'any ja tsajptëjk, jëtu'un ojts ja Dios nyë'ëmxëty: Mëtoowkukë yajxon ets näjyëtu'un xykyojëty ijxtëm të ntuk'ixyën jam kopkëjxm.

1 Timoteo 1:12

Nkukajpxëpës ja nWintsën'ajtëm Jesukristë koos të xymyo'oy mëk'ajtën, yë'ëjës të xyajnaxy wa'ats ja'ay etsës të xywinwitsy etsës nmëtunëty,

Josue 1:2

Jä'ä ko tëëjës ja ntuunpë Moisés y'o'knë, tyam mijts ënät mpatëp xytyuknaxëty yë Jordán mëjnëë ets xywyoownaxëty ja naax kajpn ets mja'tëty ma ja it naaxwiinyëtën mëti'ipë nmo'ojantëpën.

Deuteronomio 34:5

Jëtu'un'äämpy ojts ja Moisés y'o'knë mëti'ipë ja Dios oy myëtuunën, jam ojts y'o'knë Moab ets y'atëëy jëtu'un tä ënety ja Wintsën të tnikäjpxyën.

Hebreos 9:24

Jä'ä ko ja Kristë ka'ap jap tyëjkëy ma ja wit tëjkën mëti'ipë ja naaxwiinyëtë ja'ay të tkojtën, mëti'ipë je'eyë y'awinax'ajtypyën ja mëtëypyë ja tsajptëjk, ma tyam yajpaatyën Dios wyintum ets xëmë xynyinu'kxtakëmë.

Romanos 3:21

E tyam, tëë ja Dios xytyuknija'awëmë wi'ix oy nwë'ëmëtyën mëët yë'ë, oy ja ënä'ämën nkanija'awëmë, yë'ë këm jëtu'un nyimëtyäkpy ja ënä'ämën ets ja Dios ja kyäjpxynyajxpëtëjk:

Juan 5:39

M'ijxpëjktëp oy'ixyë ja Dios ja y'aaw y'ayuk këxja'aypyë, jä'ä ko jëtu'un mmaytyë mtajtë ko jap xypyaata'antë ja juukyajtën xëmëkyëjxmëpë.

Lucas 24:44

Tääts y'ënëmaayëtë: Mëti'ipës të xyäty të xykyëpetyën, yë'ë mëti'ipë ojts ntuk'ëwaanëtën ko ënety jää mëët miitsëty njaak'ityës, ko kopkpëky ko jëtu'un njata'anyës ijxtëm xynyimëtya'aktësën ja Moisés ja y'ënä'ämën, ja Dios ja kyäjpxynyajxpë ets ja Salmos.

Lucas 24:27

Tääts ja Jesús ojts tyuk'ixëtë ja Dios ja y'aaw y'ayuk ma kë'ëm yajnimëtyä'äkyën, tyimtso'ontä'äky mëti'ipë Moisés jyääyën ets tu'kë'ëyë jënu'un ja Dios ja kyäjpxynyajxpëtëjk tjaaytyën.

Josue 8:31

Jëtu'un tä ënety ja Moisés të tuk'ëne'emyën ja Israel ja'ayëty ma jyaak juuky'ätynyëmën ets tä jap myinyën ma ja ënä'ämën mëti'ipë ja Moisés jyääyën: Ja wintsë'këntyakn ka'apë wyopëtyën kyä'ätsyëtyën. Ënet ja Israel ja'ayëty jam ja wintsë'kën tyajktë, ojts ja tsajpkaa jam tnino'k tnixaamtë ets ja Wintsën tukwintsë'këtyë, jëtu'un tuuntë ja nay'ëëw'oy näykyajpx'oyë.

1 Corintios 4:2

Pën ja tuunk të t'ëxajë, yajnikëxë'ëkëp ko maayëp ja tuunk.

Hechos 7:37

Ya'atë Moisés yë'ë näjyëtu'un y'ënëmaay ja Israel ja'ayëty: Dios tyuknipëjktaakëjäämpy ets jam ma miitsëtyën tu'uk pyëtsëmëty ja kukäjpxy ijxtëm ëjtsën.

Lucas 12:42

Tääts ja Wintsën y'ënäny: ¿Pën jëtää oy myëtuumpy ja wyintsën, mëti'ipë ja wyintsën tuknipëjkëpën ets tkëwent'atëty ja jëën tëjk, ets tyajkayëty tyaj'uukëty mëti'ipë jam yajpatëpën?

Mateo 25:21

Tääts ja wyintsën y'ënëmaayë: Oy jëtu'un, oy ets tëy tëtä'äky winë të xytyuny të xykyäjpxy. Jä'ä ko oy tii yiin wään të myajtukë'ëtëkë, tëë oy mtuny mkäjpxy, jyëkyejpy winë mëjpë këjääpë myajtukmë'ëxmatsëty. Tëkë ma ja xoontakën yajpaatyën ets mjuuky'atëty akujk jotkujk mëët ëjts.

Mateo 24:45

¿Pën jëtää ja tuunk oy y'ëkmëpëtsëmëp? ko ja Wintsën tyajwë'ëmëty tu'uk ja tyuunpë ma ja tyëjkën mëti'ipë yajja'akyäyëpën tiempëpaaty.

Josue 8:33

Tëkokyë ja ja'ayëty jam nyäpyëjktakëtë, ma ja kaaxën mëti'ipë ja käjpxytyu'unën myë'ijtypyën mëti'ipë ja Dios jyä'ä'ajtypyën, yë kukajpn ets jaaypyaat jaaypyo'kxyëty. Näyjyëtu'un ja mëjja'aytyëjkëty, ënä'ämpëtëjkëty ets ja tsiptuunpë wintsëntëjkëty. Jëtu'un ja näkyënu'kxë tpaata'antë ni'ëmukë, jam ma ënety ja teetytyëjkëty mëti'ipë Leví ja'ayëtyën myëtënaaytyëpën kyejkyijxyëty. Nikujkwä'kxy jam yajpaatë ma ja Guerizim kopkën, ets ja kujkwä'kxy jam yajpaatë ma ja Ebal kopkën, jëtu'un tä ënety tëëyëp yë Moisés të tni'ënä'ämën, ja Wintsën ja tyuunpë.

Josue 1:15

koonëm tpaatëty ja y'it nyaaxwiinyëtë ma jotkujk tsyëënëtëty jyuuky'atëtyën, tä miitsëty ja m'it mnaaxwiinyëtë të xypyaatën; ko ënety yë'ëjëty ja nyaax të tjä'äpëktë tääts nëjkx miits mwinpijnëtë ets ya'atë it naaxwiinyëtë tu'ukyë xyjyä'äpëjknëtëty mëti'ipë ja Moisés, ja Dios ja tyuunpë, të mo'ojëtën.

Josue 1:7

Mëti'ipë mijts npëjktsoopyën, yë'ë ko jotkujk xëmë mnäjyawëtëty ets amëk jotmëk mtimy'itëty ets mjuuky'atëty tä ja ënä'ämën tëyajtën y'ënä'änyën mëti'ipë yë ntuunpës Moisés të nmo'oyën. Kopkpëky ko xyajwinkëxë'ëkëty ma mjuukyajtënën tä myinyën këxja'ay ets oy winë mwinpëtsë'ëm mjëjpëtsë'ëmxëtëty.

Deuteronomio 3:24

Wintsën mijts ëka'any të xytyuk'ixy ya'atë mtuunpë yë mmëkajtën ets m'oyajtën. Ka'ap ma wiinkpë jëtu'unpë Dios myëjëtyën tä mijtsën, jam tsajpkëjxm ets yaa naaxkëjxy ets jëtu'unpë tyajkëxë'ëkyën ja myëj'ajt y'oyajtën.

Nehemías 9:14

Ojts xytyukni''ixë ets tpo'kxtëty ja po'kxënxëëw, ojts xymyo'oy ja ënä'ämën tëyajtën ets ijxpëjkën mëtëypyë, mëti'ipë kyë'ëyajkën ja Moisés.

Éxodo 40:16

Moisés ojts tuunta'ay winë tä ënety ja Dios të tyuk'ëne'emyën.

Hebreos 1:1

Tëëyëp, kanaak ok ojts ja Dios tmëkäjpxy ja n'ap'ajt n'ok'ajtëm ets kanaakjëjp ja winma'any tja'ixtaay ko ojts tjayajkäjpxy ja käjpxynyajxpëtëjk.

Hebreos 3:4

Tu'kë'ëyë ja jëën tëjk aak ja'ay kyojtääpy; e ja Dios yë'ë yajkojtaay tu'kë'ëyë mëti'ipë jää'ajtpën.

Apocalipsis 15:3

Ets t'ëwtë ja ëy mëti'ipë ja Moisés y'ëëwën ets näjyëtu'un ja nyi'ëy ja Kupixynyën U'unk. Jëtu'un y'ëwtë: Wintsën Mëti'ipë Maaytyääyëpën Winë, mëj këjää mijts winë të xytyuny, tëy ets mëtëy mijts ja mnë'ë mtu'u, mijts myajkutujkp ma ni'ëmukë ja naaxwiinyëtë ja'ayën.