Hebreos 3:14 - Biblia Dc en Mixe de Quetzaltepec

¹⁴ Tëë mëët ja Kristë npatëm ja oyajtën, mëët yi'iyë ko ntukjotkujk'ajtmëty mapaat njuuky'ajtëmën ijxtëm të nyajtso'ontakëmën.

Biblia Mixe de Quetzaltepec

¹⁴ Tëë mëët ja Kristë npatëm ja oyajtën, mëët yi'iyë ko ntukjotkujk'ajtmëty mapaat njuuky'ajtëmën ijxtëm të nyajtso'ontakëmën.

Hebreos 3:14 ပူးပေါင်းရင်းမြစ်များ

Romanos 11:17

Jëtu'un ja jutiis ja'ayëty ijxtëm ja olivë kepyxye'entyën mëti'ipë të yajkatspuxyën; ets mijts mëti'ipë ka'ap jyutiis ja'ayëty, jëtu'un ijxtëm ja pa'olivos xe'entyën ets të myatukpu'ootsë ja olivë kepy mëti'ipë mëtëyën. Ets të m'awinpity ijxtëm jeexyë mijts mjanty olivë'atën.

Romanos 11:22

Ix, wi'ix ja Dios y'oyëtyën ets näjyëtu'un wi'ix tpëjktä'äkyën ja tsaatsytyu'unën; mëk tsaatsytyuny mëti'ipë pokyjotm ka'atëpën, e mijts oy të mmëët'atyë. Je'eyëp ko kopkpëky ko mjuuky'atëty xëmë oy ijxtëm yë'ë t'oy'ixyën; jä'ä ko tsojk näjyëtu'un myajkatspuxëty.

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

1 Corintios 10:17

Oy njanimay'ajtëmë, ni'ëmukë ëëts ja tsajpkääky ojts nka'ayëmë ja tu'ukpë, paaty tu'ukyë nyajpatëmë ijxtëm ja nyi'kx kyopkën tu'ukpë.

1 Corintios 9:23

Paatyës ya'atë jëtu'un ntuny koos ja aaw ayuk oypyë nkajpxwä'kxy, etsës ëjts näjyëtu'un npaatyës ja kënu'kxën.

Efesios 3:6

Ya'atë ijty kayajnija'ap: mëët ja oy aaw oy ayuk Dios tmëkajpxta'ay ja naax kajpn ets yajpaatëty mëët ja Kristë Jesús ets t'ëxajëtëty mëti'ipë ja Dios të twaantä'äkyën.

Deuteronomio 1:35

Nitu'uk yë ja'ay nëjkx kyaja'ty jam ma ja itjotmën ja oypyë, tyampë jyuuky'atën mëti'ipë je'eyë ja ëxëëk jot ëxëëk winma'any myëët'ajtëpën, mëti'ipës ntukwinwa'anëyën ja m'ap m'okëty.

1 Timoteo 6:2

Pën jää pën twintsën'aty ja mëpëjkpë, ni'ikyë mëpaat twintsë'ëkëtë ko myëpëky. Ni'ikyë mëpaat oy tmëtuntë, jä'ä ko ja mëti'ipë myëtuuntëpën mëpëjkpë jä'ä ets jëëky mëku'uk ja nyäxy. Tuk'ijxpëk ets kajpxwa'kx ya'atë.

Hebreos 11:1

Yë'ë mëpëjkën'ajtp ko njëjp'ijxmëty mëti'ipë tunan jatanëpën ijxtëm yajjëjp'ixyën ets ko tu'ukyë nmëpëjkmëty mëti'ipë ka'ap n'ijxëmën.

Hebreos 12:10

Ja nteety'ajtëm yaapë naaxwiinyëtën xytyuk'ojëm ijty ko tii oy nkatu'unëm, jëtu'un ijxtëm yë'ë oy tmëmay tmëtajtën; e ja Dios, yë'ë xytyukwijtswinpijtëm ets ntuk'oy'ajtmëty ets wa'ats n'ijtmëty ijxtëm yë'ë wa'ats y'ityën.

Hebreos 3:1

Paaty mëku'uktëjkëty, ninu'un ja Dios mja'ay'atëtën, tëëpë yajyaxtsowtën, pëjkta'aktë mjootjoty mwinma'anyjyotyëty ja Kristë Jesús, ja ayukkajpxwa'kxpë, ja mëj teety wintsën.

Hebreos 3:6

E ja Kristë, jëtu'un jä'ä ijxtëm tu'uk ja u'unkën, oy tmëtuny ja Dios ma ja jyä'äyën, ëëtsajtëm yaj'antijëm; pën nmëpëjkëm ëmuumtu'ukjot mëti'ipë njëjp'ijxëmën.

Hebreos 6:11

Ntsojktëpës ets miits nitu'ukjaty xyaj'ixëtëty ja mëpëjkënëty mëët ja xoontakën, koonëm ja oyajtën xypyaatëty mëti'ipë mjëjp'ijxtëpën.

Hebreos 6:4

Ja ja'ay mëti'ipë të tnijawëtën ja Dios ja jyä'ä, mëti'ipë të tuntën ja Dios ja tyuunk ets nän tëë ja Kënu'kxymyëkajtën t'ëxajëtë,

1 Pedro 4:13

Ni'ikyë mëpaat jotkujk myajpaatë ko xymyënax xyajnaxtëty ja ëyo'on jotmay mëti'ipë ja Kristë näjyëtu'un myënajx yajnajxën, ets näjyëtu'un mxoonta'aktëty ko ënety nyikëxë'ëky ja mëj'ajtën oyajtën ko Kristë myinëty.

1 Pedro 5:1

Nkajpxwijäämpyës tyam ja mëjja'aytyëjkëty ma miits jam mye'eymyuktën, ëjts mëja'aynyës näjyëtu'un ijxtëm yë'ëjëtyën ets n'ijxës ja Kristë ko y'ëyooy; xypyatpës näjyëtu'un tä yë'ëjëtyën ja mëj'ajtën oyajtën mëti'ipë ok nikëxë'ëkaanpën.

1 Juan 1:3

Yë'ë yam ntuk'ëwa'anëtyëp mëti'ipë të n'ijxtë nmëto'owëmën ets jëtu'un tu'kmukyë n'ijtmëty, ijxtëm mëët n'ijtëmën ja Dios Teety ets ja y'u'unk Jesukristë.