Hebreos 3:13 - Biblia Dc en Mixe de Quetzaltepec

¹³ Näjyjyotmëkmo'ojëtë nixim niyam winjëpom naam jaakjäänëm ja xëëw, mëti'ipë nyikäjpxypën ja Dios ja y'aaw y'ayuk, këtiipë pën yajwin'ëënëty ets juun ja y'aaw jyot tpëjkta'akëty.

Biblia Mixe de Quetzaltepec

¹³ Näjyjyotmëkmo'ojëtë nixim niyam winjëpom naam jaakjäänëm ja xëëw, mëti'ipë nyikäjpxypën ja Tios ja y'aaw y'ayuk, këtiipë pën yajwin'ëënëty ets juun ja y'aaw jyot tpëjkta'akëty.

Hebreos 3:13 ပူးပေါင်းရင်းမြစ်များ

Proverbios 28:26

Yi'iyë tsuuja'ay ënaanp ko oy myäy tyäjy; mëti'ipë ja'ay niwijy winë tyuunpyën, ëwaatsëtum nyäyaj'ita'anyë.

Isaías 44:20

Tyaapë jëtu'un tä ja'ay kuyjyaam tjë'kxyën. Jëtu'un tä ja'ay kë'ëm nyäwyin'ëënyën. Tääpë jëtu'unpë ja'ayëty ka'ap nijënu'un tjëkyepy wi'ix tsyo'oktëtyën. Ka'ap nijënu'un tja'akyukëtë ko mëti'ipë y'ëwtajtëpën nëkoopë nyätyukwin'ëënëtë.

Abdías 1:3

Tëë mwin'ëënyë ja mmëj'ajt mkëjxm'ajtën. Mijts jam muum mjuuky'äty tsaatunkëjxm ëkë muum tsaajutjoty, paaty të mmay të mtajy ko ka'ap jam nipën mkutijnaxëtëty.

Hechos 11:23

Ko jam jyä'äjty ja Bernabé ets t'ijxy wi'ix ja antioquiiëtë ja'ay ënety tëë ja Dios kyënu'kxëtën, ënät ojts jotkujk nyäjyawëty ets tjotmëkwinkajpxëy ets ëmuumtu'ukjot ja Wintsën tmëpëktëty.

Romanos 7:11

Jä'ä ko ja poky yë'ë tyukmëtak ja ënä'ämën ets ojts xywyin'ëënyës, ets ja poky nän yë'ë ja ënä'ämën të tukmëtä'äky etsës të n'ooky.

Efesios 4:22

Ixmajtsta'atë wi'ix ijty miits tëëyëp mjuuky'atën, ëxmatstë ja m'ëxëëk winma'anyëty mëti'ipë mnätyukwin'ë'ënëtëpën, jä'ä tëkokyë tääpë tëë mya'ta'ay ko yi'iyë të yaj'atsoky ka'apë myëtëyëtyën.

1 Tesalonicenses 2:11

Näy mnija'awëtëp wi'ix të njotmëkmo'otën ets të nyajjotkujkta'aktën nitu'ukjaty ijxtëm ja u'unkteety y'ixy myëyätyën.

1 Tesalonicenses 4:18

Näjyotmëkmo'ojëtë nixim niyam mëët ya'atë aaw ayuk.

1 Tesalonicenses 5:11

Paaty, näyjyotmëkwinkajpxëtë ets näyjyotmëkmo'ojëtë nixim niyam, jëtu'un ijxtëm jam xytyuntën.

2 Timoteo 4:2

ets xykyajpxpwa'kxëty ja Dios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

Hebreos 13:22

Mëku'uktëjkëty, n'amëtoow mpëjktsoowtëp miits yë mëyajtën, kupëktë ya'atë kajpxwijën mëët ja mä'kxtujkën. Mëti'ipë miits ntuknija'ayëtëpën yë'ë mëti'ipë mëj këjää mputëkëjanëtëp.

Santiago 1:14

Yë'ëkyëjxm yë ja'ay pyokytyuny ko je'eyë y'atsoky ets ko ja ëxëëkpë nyätyukwin'ëënyë.