Hebreos 3:12 - Biblia Dc en Mixe de Quetzaltepec

¹² Mëku'uktëjkëty, näkyëwent'atëtë këtiipë nitu'uk ja mjot mwinma'any xymyëët'atëty ëxëëk, mëti'ipë tuk'ëxmajtspën ja Dios Juukpyë, ko ënety xykyamëpëktë.

Biblia Mixe de Quetzaltepec

¹² Mëku'uktëjkëty, näkyëwent'atëtë këtiipë nitu'uk ja mjot mwinma'any xymyëët'atëty ëxëëk, mëti'ipë tuk'ëxmajtspën ja Tios Juukpyë, ko ënäty xykyamëpëktë.

Hebreos 3:12 ပူးပေါင်းရင်းမြစ်များ

Jeremias 17:5

Jëtu'un yë Wintsën y'ënä'äny: Poky yë ja'ay y'ity mëti'ipë yë jyot wyinma'any yajjëëwä'kpyën maas ëjtsën, mëti'ipë yë naaxwiinyëtë ja'ay tyuk'ijxpejtypyën ets yë'ë tyukjotkujk'ajtyp.

Jeremias 7:24

E yë'ëjëty ka'ap xymyëmëtoowtës ets ni xykyamëjpëjktaktës, ni'ikyë ojts winë tuntë tkajpxtë ijxtëm ja jyot wyinma'anyëtyën. Ijxtëm jeexyë ëjts xynyimiintën, ni'ikyës ojts xymyëjëkämkä'äktës.

Jeremias 17:9

Nitii jëtu'un kyawin'ëëny ets nitii jëtu'un kyayajtsojkën'aty tä yë jot winma'anyën. ¿Pën y'ëkja'akyukëp wi'ix ko jyëtu'unëty?

Jeremias 18:12

Yë'ëjëty jëtu'un m'ëtsowa'anëtë: Këtii nëkoo mxëëw mpo'o xyajtëkoy, ëëtsëty oyës jëtu'un njuuky'atë, yë'ëjës ntsojkën'ajtëp ëxëëk juukyajtën, oyës näjyawëtë koos jëtu'un winë ntuntë tääjës kë'ëm nmaytyën ntajtën.

Hebreos 12:25

Näkyëwent'atëtë, mëmëtowtë ja Dios. Mëti'ipë ja Dios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

1 Corintios 10:12

Jëtu'unts mëti'ipë maaytyëp tajtëpën ko oy tsyëënëtë, wä'än mëk näkyëwent'atëtë këtiipë pyokykya'atëty.

Hebreos 10:38

Yë n'u'unkës mëtëy jyuuky'ata'any mëët ja mëpëjkën; jää tëy ko tyu'utëkatsëty ka'apës nëjkx oy näjyawëty.

Jeremias 11:8

E ni pën të xykyamëj'ixyës ets ni pën të xykyamëmëtoyës, yi'iyë tyuuntëp kyajpxtëp ja ëxëëkpë ets mëti'ipë ja jyot wyinma'any nyi'ënantëpën. Ka'ap ojts tuntë ijxtëmës ënety të njatuk'ënä'ämtën, paatykyëjxm o'ktëy jyajtë kyëpäjtë jëtu'un tä ënety jap myinyën këxja'ay ma ja käjpxytyu'unënën.

Hebreos 12:15

Nämyëjotëkoyëtë këtiipë pën tyëkoy'ajtxëtëty ja Dios ja tsyojkën jya'awën. Nitu'uk mka'itëty ijxtëm ja ta'am ujtsën mëti'ipë pa'amtuunpën ets mayjyä'äy tukpaaty.

Jeremias 16:12

E miitsëty nän wäänë o'ktëy të m'ëtëtsnëtë këtiinëm ja m'ap m'okëty, nitu'ukjaty aakjëtu'un winë të xytyuunëtë tä kë'ëm mmaytyën mtajtën ets ka'apës të xymyëmëtowtë.

Hebreos 3:10

Paaty ojts ntukjoot'anpëktës tääpë ja'ayëty, ets n'ënanyës: Xëmë tëkatsy yë jyot winma'any tmëët'atë, ka'ap tkupëktë ja nnë'ë ntu'ujës.

Marcos 13:33

E näjyëjp'ixëtë miits xëmë ets ja'amyätstë ja Dios, jä'ä ko ka'ap xynyijawëtë jëna'ajës nwinpita'any.

Mateo 24:4

Ënet ja Jesús y'ëtsoowëtë: Näkyëwent'atëtë ets ka'ap pën mwin'ëënëtëty.

Jeremias 3:17

Ënet nëjkx yë Jerusalén kajpn yajtijy yë Wintsën yë kyutujktakn, jam nëjkx nitëkokyë yë naax kajpn tyu'ukmujkta'atë ets nëjkx xynyixëëwtuntës ets ka'ap nëjkx nëkoo y'ëknätyukwin'ë'ënënëtë ja jyot wyinma'anyëty.

Jeremias 2:13

Yë nnaax nkajpnës mäjtsk ok nipëtë'ëkës të xymyëtëkoy: ojtsës xy'ëxmatstë ma ënety ëjts xywya'antën nëëkopkën mëti'ipë yajjuuky'ajtpën, ojts tnitajëtë kë'ëm ja nyëë ma ja nëë tëyë nyäxyën.

Proverbios 1:32

Yë ja'ayëty mëti'ipë ka'ap tii tjatën tnijawëtën, mëpaatëp y'ooktë ko ka'ap tii tmëwinma'anypyaatë, ets mëti'ipë tsuujëtyën kë'ëm ëxëëk nyätyunëtë ko ka'ap tii yajxon tmëmay tmëtajtë.

Marcos 13:9

Yajxon mnäkyëwent'atëtëty, jä'ä ko myajkë'ëyakantëp miits ma kutuunkëtyën ets nëjkx myajwoptë tsajptëkoty. Myajmënëjkxantëp ma ja yajkutujkpëtëjkën ets ma wintsëntëjkëtyën mëët ëjtskyëjxm, jëtu'un ënety miits xyajnikëxë'ëktë ma yë'ëjëtyën koos të mymyëpëktë.

Oseas 1:2

Jëtu'un tsyo'ontä'äky ja Wintsën ja y'aaw y'ayuk mëti'ipë nyikajpxën ma Oseas: Jëtu'un yë Israel kajpn të y'ëti'itsy tä tu'uk yë to'oxytyëjkën mëti'ipë tyo'kpy yäjkpyën yë jyot nyini'kx mëët koos të xypyuwa'ktu'uty. Mijts näjyëtu'un ënät xytyunëty, yë'ë mpëkëp tu'uk yë to'oxytyëjk mëti'ipë jyot nyini'kx tyo'kpyën ets mëët yë m'u'unk m'ëna'k xymyëët'atëty; jëtu'un'äämpy yajtijtëty ko yë'ë tyaak'ajtëp tu'uk yë to'oxytyëjk mëti'ipë jyot nyini'kx tyo'kpyën.

1 Tesalonicenses 1:9

Yë'ë kë'ëm nyimëtyaktëp wi'ixës ojts miits jotkujk xykyupëktën ets wi'ix të xy'ëxmatstën ja wiink tios ets xymyëpëjktë ja Dios juukpyë mëtëypyë

Salmos 18:21

Ëjts Tiosës yë nyë'ë tyu'u të npanëjkxë, Ka'apës nijëna'a nTios të n'ixtijy.

Job 22:17

Jëtu'un ja Dios t'ënëmaaytyë: Ijxmajtstëk ëëtsëty, min n'ëkjuuky'atës jotkujk. ¿Tii jëtää yë Dios tyunëp mëët ëëtsajtëm mëti'ipë maaytyääyëpën winë?

Romanos 11:21

Pën ka'ap ja Dios ojts tnime'kxy ja jutiis ja'ayëty, mëti'ipë jëtu'unëtyën ijxtëm ja oy olivë kepyxye'entyën, nän ka'ap mijts mnimä'kxëtëty ko näjyëtu'un m'ëtë'ëtsëty.

Lucas 21:8

Ets ja Jesús y'ënäny: Näkyëwent'atëtë ets këtii pën mnätyukwin'ëënëtëty. Yë'ë ko nimay ja ja'ay myina'antë ets y'ëna'ana'antë: Ëjts jëtu'un Kristë ets Tëë ja tiempo tpatnë. Miitsëty këtii xymyëpëktëty.

Marcos 13:23

Näkyëwent'atëtë miits, tëë n'ëwaanëtë jëwyiin jëyëjp.

Mateo 16:16

Tääts ja Simón Pedro y'ëtsooy: MKristë mijts, ja juuky Dios ja y'U'unk.

Job 21:14

Jëtu'un yë Dios t'ënëmaaytyë: Jotkujk ëëts yajjuuky'ajtëk, ka'apës nijawëja'antë mëti'ipë m'ënä'ämën'ajtypyën.

Génesis 8:21

Ko jyä'äjty ja xu'kën janty'oy jam Dios wyintum, ënät y'ënäny yë Wintsën: Nijëna'ajës yë naaxwiinyëtë jëtu'un nka'ëkpojknëty mëët ko ënety yë naaxwiinyëtë ja'ay pyokymyëët'atë. Jä'ä ko yë naaxwiinyëtë ja'ay mutsknëm jëtu'un tmëtso'ontaakëtë tuuntëko'oy kajpxtëko'oyën. Yë jëyujkëty nän ka'apës nëjkx n'ëkyajkutëkooynyë, ijxtëm tyam të jyäty të kyëpetyën.

Isaías 59:13

Tëës yë Wintsën nkäjpxykyumëtoownaxtë ets ka'ap të nmëj'ixtës, ka'apës të ntsoktë mpanëjkxtëty; ja tsiptu'unën jä'äs të n'akajpxtë ets ja njëëky nmëku'ukëtyës të nkë'ëyaktë, yë'ë të yajmay të yajtajy wi'ix nwin'ëëntëtyës ja nmëku'ukëtyës.

Colosenses 2:8

Näkyëwent'atëtë këtiipë mwin'ëënëtëty mëti'ipë yaj'ijxpëjktëpën tëkatsy ets je'eyë mwin'ëënëtë; jä'ä ko yë'ëjëty ka'ap ja wyinma'any jam tpëjkta'aktë ma ja Kristën, jam ja wyinma'any tpëjkta'aktë ma ja ja'ay ja jyot wyinma'anyëtyën ets ma ja mëti'ipë mëj këjxm ijtëpën naaxwiiny.

Hebreos 3:1

Paaty mëku'uktëjkëty, ninu'un ja Dios mja'ay'atëtën, tëëpë yajyaxtsowtën, pëjkta'aktë mjootjoty mwinma'anyjyotyëty ja Kristë Jesús, ja ayukkajpxwa'kxpë, ja mëj teety wintsën.

Hebreos 3:19

Jëtu'unts nwinja'awëmëty ko paaty ka'ap tyëjkëtyë jä'ä ko ka'ap myëpëjktë.

Hebreos 9:14

Pën jëtu'un, ni'ik ja Kristë ja nye'pyny. Jä'ä ko mëët ja Kënu'kxymyëkajtën xëmëkyëjxmëpë y'ityën, ojts ja Kristë nyäkyë'ëyäkyë ets wyintsë'kën'atëty ma Tiosën wa'ats pëk, ets ja nye'pny yë'ë yajwatsyp ja njoot'ajt nwinma'any'ajtëmë oy ënety të njatu'unëmë mëti'ipë yaj'o'kpën, ets jëtu'un npatmëty ja juukyajtën.

Hebreos 10:31

Mëj ëyo'on yë'ë ko Dios Juukpyë xytyiytyu'unmëty.

Hebreos 12:22

E miitsëty tëë xymyëwinkontë ja Sión kopk, ma ja Jerusalén tsajpjotmëpën, ja Dios Juukpyë myëjkajpn, ma kanaak mil ja tsajpjotmëtë kukäjpxy nyämyukyën jotkujk ets ja Dios tyajmëjnaxtë.

Ezequiel 14:5

Ëjts ntuktëkëjäämpy yë jyot wyinma'any yë Israel ja'ayëty mëti'ipës të xy'ëxmatstën ko të tpanëjkxtëkëtë ka'apë tyiosëtyën.