Hebreos 3:10 - Biblia Dc en Mixe de Quetzaltepec

¹⁰ Paaty ojts ntukjoot'anpëktës tääpë ja'ayëty, ets n'ënanyës: Xëmë tëkatsy yë jyot winma'any tmëët'atë, ka'ap tkupëktë ja nnë'ë ntu'ujës.

Biblia Mixe de Quetzaltepec

¹⁰ Paaty ojts ntukjoot'anpëktës tääpë ja'ayëty, ets n'ënanyës: Xëmë tëkatsy yë jyot winma'any tmëët'atë, ka'ap tkupëktë ja nnë'ë ntu'ujës.

Hebreos 3:10 ပူးပေါင်းရင်းမြစ်များ

Salmos 95:10

Wëxtyikxy jëmëjt ojts tääpë kajpn ntukjoot'anpëkyës, etsës n'ënany: Tyaapë ja'ayëty xit ko'ow të jyajta'atë, jä'ä ko ka'ap të tuntë ijxtëm të njatuk'ënä'ämtënës.

Efesios 4:30

Këtii nëkoo xyajjotmaytyëkëtëty ja Dios ja kyënu'kxymyëk'ajtën, mëti'ipë të myajtuk'ijxwë'ëmtën ko Dios mjä'ä'atëtë mapaat ja nitsokën ënety tu'ukyë myajmooynyëtën.

Jeremias 4:22

Jëtu'un ja Wintsën y'ënä'äny: Ëxëëk kunëpap yë nnaax nkajpnës yajpaaty, ka'apës xy'ixy'äty. Yë'ëjëty jëtu'un tä u'unk ëna'kën mëti'ipë ka'ap jyä'äkyukën ets tä u'unk ëna'kën mëti'ipë ka'ap tii tmëmay tmëtajyën. Jëtu'un yaj'ixy nijënu'un yowë tsip tkatimjyawëtë ko tii tuuntëkoytyë; e ko tjatuna'antë ja oypyë ka'ap tmëwinma'anypyaatë.

Salmos 78:8

ka'ap jëtu'un jyä'äy'atëty tä ja y'ap y'okëty y'ëtëtstën, je'eyë kyäjpxykyumëtoownajxtë ka'ap ojts tëy tëtä'äky ja jyot wyinma'any tmëët'atë, ets ka'ap ja Dios oy tmëtuuntë.

Salmos 67:2

ets tëkokyë yë naaxwiinyëtë ja'ay nijawëtëty mëti'ipë mtuknipëjktakëpën ets ko mijts myajnitsokp.

Oseas 4:12

Yë nnaax nkajpnës jam winë tyajtëy ma kyepy tyë'ëtsën; tam yë kyepy tkë'ëkap'aty mëti'ipë tyuknasja'apën. Tëës xy'ëxmajtsnë. Jëtu'un ijxtëm tu'uk yë to'oxytyëjkën mëti'ipë tyo'kpy yäjkpyën nyini'kx, näjyëtu'un miitsëty tëë mnäyajkënë ets xywyintsë'ëkëtëty wiink tiosëty.

Isaías 63:10

E yë'ëjëty ojts yë Wintsën tkäjpxykyumëtoownaxtë ets tukxik tuk'ëwë'ktë yë wya'atsajtën, paatykyëjxm ojts myëtsiptsoonëtë ets y'ënëmaayëtë ko nikë oy tsip tyimtunëtëty.

Hebreos 3:12

Mëku'uktëjkëty, näkyëwent'atëtë këtiipë nitu'uk ja mjot mwinma'any xymyëët'atëty ëxëëk, mëti'ipë tuk'ëxmajtspën ja Dios Juukpyë, ko ënety xykyamëpëktë.

Juan 8:45

E ëjts, jä'ä ko tëyës nmëtyä'äky paaty ka'ap xymyëpëktës.

Marcos 3:5

Tääts ja Jesús wyintë'kxëtë mëët yë joot'an ets moonp tujkp jä'äkyëjxm ko juun ja jyot wyinma'anyëty tpëjkta'aktë. Paaty t'ënëmaay ja ye'etyëjk mëti'ipë ënety ja kyë'ëjën ooky: Xajtëw. Tääts ja ye'etyëjk xyajtëëy ets ja kyë'ë tsyoky.

Isaías 28:7

Näyjyëtu'un tää ja'ay mëti'ipë xëmë yuump këtaapën ko y'uuky myu'ukyë ets oy wi'ix jyäntynyijkxy ko ja nëë mëkpë t'uuky mëti'ipë mukpën. Yë teetytyëjkëty ets käjpxynyajxpëtëjkëty yë'ë jëtu'un yajnikajpxtëp, yuntë kyëtawtë ko ja mëknëë t'uuktë, wiinkjaty y'ënanëtë ko myukënëtë, je'eyë kyunëjkx kyukëta'awënëtë ko y'ijxma'atë. Näyjyëtu'un ko nëë poky nipaye'eytyë ëmu'ukyë jyëtijnëtë.

Salmos 147:20

Ka'ap ojts maa wiink naax wiink kajpn jëtu'unpë tuny, ja ja'ayëty ja wiink naax wiink kajpnëpë ka'ap ojts ma tnijawë'atë ja y'ënä'ämën tyiyajtën. Tukxoontä'äky mëjjawë Dios yë xyëëw nyaxëty.

Jueces 10:16

Ënet ja Israel ja'ayëty ojts tyajma'ta'atë ets tukpu'ujëtyääytyë ja wiink tios, ets ja Wintsën t'ënëmaaytyë ko yë'ë t'ëwtata'antë tu'ukyë, ko jëtu'un yë Dios t'ijxy ka'ap ojts jeky tmëmëtä'äky ets ja Israel ja'ayëty y'ëyowtëty.

Romanos 3:7

Pën tuunp koos n'antä'äky ets ja Dios ja tyiyajtën jaak'oy yajmëtoy: ¿Wi'ix koos xynyiwaanpätë koos mpokyja'ayëty?

Salmos 78:40

Kanaak ok ojts tkäjpxykyumëtoownaxtë yë Dios yë y'ënä'ämën ets ojts mëj këjää tyajmon tyajtuktë jam të'ëts'itjotm.

Génesis 6:6

Mëk ja Wintsën tja'awëy jä'ä ko kë'ëm ënety të t'ëkyajkojy ja ja'ay. Mëët ja mëkjotmay,

Romanos 1:28

E jä'ä ko ka'ap nijawëjantë ja Dios, paaty ja Dios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Mateo 20:24

Ko jëtu'un tmëtoowtë ja Jesús ja y'ijxpëjkpëtëjk ja nimajkpë, tääts tukjoot'anpëjktë ja nimäjtskpë ja myëku'ukëty tu'kkä'äxpë.