Hebreos 2:8 - Biblia Dc en Mixe de Quetzaltepec

⁸ mijts të xypyëjktakta'ay jam winë ma tyekpya'tkën. E ko të xypyëjktakta'ay winë ma tyekpya'tkën, ka'ap ja Dios tii të tyajwë'ëmy ëpëky mëti'ipë yë'ë ka'ap tnijawën. E kajts n'ijxëmnëm ko aakjam yajpata'ay winë ma yë'ëjën.

Biblia Mixe de Quetzaltepec

⁸ mijts të xypyëjktakta'ay jam winë ma tyekpya'tkën. E ko të xypyëjktakta'ay winë ma tyekpya'tkën, ka'ap ja Tios tii të tyajwë'ëmy ëpëky mëti'ipë yë'ë ka'ap tnijawën. E kajts n'ijxëmnëm ko aakjam yajpata'ay winë ma yë'ëjën.

Hebreos 2:8 ပူးပေါင်းရင်းမြစ်များ

Salmos 2:6

Tëës nkënu'kxy mëti'ipës nyaj'ënä'ämäämpyën ma Sión kajpnën, ma Sión kopkën wa'atspë.

Salmos 8:6

tëë xymyo'oy ja kuttujkën, ma tëkokyë winë të xyajkojyën, mëj'äämpy të xypyëjktä'äky ma winëjatyën,

Daniel 7:14

Ënet yajmooy ja kuttujkën ets ja mëj'ajt oyajtën, aak mëtuunëp ja naax kajpn mëti'ipë kanaakjëjp ja ayuk kyajpxtëpën. Yë kyutujkën yë'ë xëmë itaanp ets ja y'ënä'ämtakn ka'ap nijëna'a kyutëkoyëty.

Mateo 28:18

Tääts ja Jesús myëwinkoonëtë ets y'ënëmaayëtë: Tëës ja Dios xymyooytyä'äy ja kuttujkën jam tsajpjotm ets naaxwiinyëtë.

Juan 3:35

Ja Dios Teety tsyojkpy ja y'u'unk ets tëë tukkë'ëtëjkëtyä'äy mëti'ipë myëët'ajtypyën.

1 Corintios 15:27

Ja Dios tëë winë tpëjktä'äky ma ja Kristë ja tyekpya'tkën. Ko y'ënä'äny ko tu'kë'ëyë winë të tpëjktä'äky ma ja Kristë ja tyekpya'tkën, ka'ap yë'ëjëty tijy ko ja Dios ka'ap ja kuttujkën t'ëkmëët'ajnë, jä'ä ko yë'ë tyuknipëjktakëtyääpy winë.

Hebreos 1:13

Dios ka'ap ojts nitu'uk t'ënëëmë ja tsajpjotmëtë kukäjpxy: Yaa u'unyë n'aka'any'äämpyës koonëm ja mmëtsip nmëmëta'akëtyës, ets npëjkta'akëtyës maas yë nteky'ixpo'kxën.

Hebreos 1:2

Tyam ma kyëxanën ja xëëw jëmëjt, tëë xymyëkajpxëmë mëët ja y'U'unk, mëti'ipë ojts mëët tyajkojyën ja naax tsajp, mëti'ipë të tukumaaytyä'äyën winë.

Hebreos 2:5

Ka'ap ja Dios të tmo'oy ja anklëstëjk ja mëk'ajtën ets y'ënä'ämtëty ma ja xëëw jëmëjtën mëti'ipë wiinkoonpën, mëti'ipë tyam nikajpx nimëtyakëmën.

1 Pedro 3:22

mëti'ipë ojts pya'tëkën tsajpjotm ets nyaaxwe'tsy ma ja Dios Teety yajkutukyën a'oytsyow, ets yë'ë tyam y'ëne'empy ja anklëstëjk ets mëti'ipë ja mëk'ajtën ets ja kuttujkën myëët'ajtëpën.

Apocalipsis 1:18

Ëjts jëtu'un mëti'ipë juukyajtpën. Tëës n'ëk'o'kpë ets tëëjës jatëkok njuukpyiky. Xëmëkyëjxmës tyam njuuky'ajnë. Ëjts nmëët'ajtypës ja o'kën kuttujkën ja nyi'ëwatsn.

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,