Hebreos 2:3 - Biblia Dc en Mixe de Quetzaltepec

³ ¿Paaty wi'ix ëëtsajtëm nkuukäkmëty ja tëytyu'unën pën ka'ap nmëjpëjktakëm ja mëj nitsokën? Wintsën ojts kë'ëm tnikäjpxy jëwyiin ya'atë nitsokën; ets mëti'ipë ojts tmëtoow'itën, yë'ë të tnikajpxtë ma ëëtsajtëmën.

Biblia Mixe de Quetzaltepec

³ ¿Paaty wi'ix ëëtsajtëm nkuukäkmëty ja tëytyu'unën pën ka'ap nmëjpëjktakëm ja mëj nitsokën? Wintsën ojts kë'ëm tnikäjpxy jëwyiin ya'atë nitsokën; ets mëti'ipë ojts tmëtoow'itën, yë'ë të tnikajpxtë ma ëëtsajtëmën.

Hebreos 2:3 ပူးပေါင်းရင်းမြစ်များ

Isaías 12:2

Yë Dios yë'ëjës xyajtsokp, yë'ëjës ntuk'ijxpejtyp, paatyës ka'ap ntsë'ëkë njawë. Yë Wintsën yë'ëjës ntsoktakn'ajtyp ets yë'ëjës xymyëjaawmoopy, yë'ëjës nwäämpy yaj'ëwaatsëpëtsëëmpë ets yajnitsokpë.

Isaías 20:6

Tääts nëjkx y'ëna'antë ja'ayëty mëti'ipë mejy winkon tsënaaytyëpën: Ix ja jyajnë ja kajpn mëti'ipës të ntuk'ijxpäjtëmën, mëti'ipë ënety xëmë nmëye'eyëmën ets xynyiwaantutmëty ma ja Asiria ja'ayëtyën. ¿Tyam wi'ix ënät nnäkyuwa'anëmëty ets nnäyajtsokëmëty?

Isaías 51:5

Tim tëë jëtu'un maas nmëta'aka'anyën, miimp këtakp ja xëëw jëmëjt maas ja ëwaatsëtuuy'ajtën nyajnaaxkëta'aka'anyën; Mëëtës ja nkutujkën n'ënä'äma'any ja naax kajpn. Ja naax kajpn mëti'ipë yajpatëpën mejypyë'aay ëjts xy'ëwxitantëp ets yë'ë tyukjotkujk'atantëp ja nmëk'ajtënës.

Isaías 51:8

jä'ä ko yë'ëjëty jëtu'un jyata'antë tä tukwit kyiitsyën, tä tukwit tyënë'kën. Ëjts ja nmëk'ajtënës xëmë y'ita'any, ets nitsokënës xëmëkyëjxm yajpaata'any.

Isaías 62:11

Tëë ja Wintsën tuk'ëwa'anëtyä'äy ja naax kajpn naaxwiinyëtë apëtsëmy: jëtu'un të t'ënëëmë Ënëëmëtë yë Sión kajpn ko tëë jyä'ty ja Yaj'ëwaatsëpëtsëëmpë. Yë Wintsën tëë ja nyaax kyajpn tyaj'ëwaatsëpëtsëmy, yë'ë yajmiimpy.

Ezequiel 17:15

Je'eyëp ko ja Judá yajkutujkpë ja myaank ojts ja Babilonyë yajkutujkpë tmëtsiptsoony ets jap Egiptë tkejxy yë jyä'äy kwaay juupyë ets t'amëtooy ja mayjyä'äy. ¿Miitsëty wi'ix m'ëna'antë, wä'än jëtää tyaapë ja'ay myëta'akëtyë? ¿Wä'än jëtää yë ja'ay juuky wyë'ëmëtyë mëti'ipë ënety të tkäjpxy kyumëtoownaxyën tu'uk yë käjpxytyu'unënë?

Ezequiel 17:18

jä'ä ko tëë tnëxi'iky tukxi'iky ja käjpxytyu'unën ets ka'ap të tpatuny ijxtëm ojts yajkäjpxy'ätyën, je'eyë ojts winë tkupëky ets ka'ap t'ëkpatuunë. Paatykyëjxm ka'ap tjëkyepy juuky kyä'äkëty.

Mateo 23:33

Jëtu'un miitsëty tä tsa'anyën, tsa'any mteety'ajt mtaak'ajtëp, ¿wi'ix xykyukä'äka'antë ja tëytyu'unën mëti'ipë jap ëyoowtaknjoty?

Mateo 4:17

Tääts ja Jesús ojts ëka'any ja tyuunk tyajtso'ontä'äky, tkajpxwä'kxy ja Dios ja y'aaw y'ayuk ets y'ënäny: Wimpitë ma Tiosën, jä'ä ko wiinkoonp ja tsajpjotmëpë kuttujkën.

Marcos 1:14

Ko ja Juan ënety të yajtsumy, ënät ja Jesús tsyo'ony ets ojts nyijkx Galilea y'itjotm. Jamts ojts tkajpxwä'kxy ja oy aaw oy ayuk ma Dios yajnimëtyä'äkyën,

Lucas 1:2

jëtu'un ijxtëm ojts xytyuk'ëwa'anëmën ja mëti'ipë y'ijxtën nyija'awëtyën wi'ix tsyo'onë'ky tsyo'ontäkyën mëti'ipë tuunën jajtën, mëti'ipë ojts yajtuknipëktën tkajpxwa'kxtëty ja Dios ja y'aaw y'ayuk.

Lucas 1:69

Tëë xytyuknikäjxëm tu'uk ja mëj yajnitsokpë, David yë y'u'unk y'ok, mëti'ipë ijty ja Dios myëtuumpyën.

Lucas 24:19

Tääts ja Jesús tyajtëëy: ¿Tiixë të tyuny të jyätyë? Ets y'ëtsoowtë: Ja Jesús Nazaretëtë ja'ay, ja Dios ja kyäjpxynyajxpë mëti'ipë mëk'ajtën mëët winë tuunyën ma Tiosën ets ma ja ja'ayëtyën.

Juan 15:27

Ëts miitsëty nän nëjkxëpës xynyimëtya'aktë, jä'ä ko tëë myajpaatë mëët ëjts ets jëtu'un tyimtso'ontäky.

Hechos 1:22

tyimtso'ontäky ko ja Juan yajnëëpäjtpë ets koonëm tsyajpejty. Kopkpëky ko tu'uk yajpaatëty ma ëëtsajtëmën, ets näjyëtu'un tnikajpxëty ko tëë ja Jesús jyuukpyiky.

Hechos 2:22

Miitsëty, Israel ja'ay ja tyiktsëty y'aatsëty, mëtowtë mëti'ipës yam nkajpxäämpyën: Ijxtëm miitsëty wa'ats xynyijawëtën, ojts ja Dios tyaj'ixyë ja kyutujkën mëët ja Jesús, Nazaretëtë ja'ay, ko tyaj'ixyë ja myëj'ajtën y'oyajtën ets kanaakjëjp ja ijxpät.

Hechos 4:12

Ka'ap maa wiinkpë yajnitsokpë, ka'ap maa naaxwiinyëtë apëtsëmy ja ja'ay mëti'ipë ja Dios të xymyo'oyëmën ets xyajnitsokmëty.

Romanos 11:14

Njatsojkpyës ets jeexyë ja jutiis ja'ayëty wiink tjawëtë ko miits ja Dios të xymyëpëktë, jëtu'un tjëkyäpëty wi'ix tpaatëty ja nitsokën.

Romanos 2:3

Ijxtëm mijtsën, ko ja mmëku'uk ja pyoky xypyaye'eyë ets näjyëtu'un mpokytyuny ijxtëm yë'ëjëtyën, këtii m'ënaanpëty ko ka'ap ja mpoky xykyumëtowa'any.

1 Corintios 1:21

Ja Dios ja wyijy'ajtën, ka'ap ojts ja naaxwiinyëtë ja'ay tja'akyyukëtë mëët ja wyijy'ajtën kyejy'ajtënëty, tëë ja Dios tuknipëjktaakë ko tyajnitso'oka'any mëët ja y'aaw y'ayuk mëti'ipë mmëpëjkëpën, oy ya'atë jëtu'un jyayajmëtoy ijxtëm ja tsuuwinma'anyën.

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

1 Timoteo 1:15

Tëyajtën ya'atë, mëpëktë ni'ëmukë: Kristë Jesús yë'ë të myiny naaxwiiny ets të tyajtso'oky ja pokyjä'äytyëjk, maas ëjts jëyëjp ntuktso'ontä'äkyën.

Tito 2:11

Dios të xytyuk'ijxëm ja myëyajtën, ko tmooy ja nitsokën ni'ëmukë ja naaxwiinyëtë ja'ay.

Hebreos 1:1

Tëëyëp, kanaak ok ojts ja Dios tmëkäjpxy ja n'ap'ajt n'ok'ajtëm ets kanaakjëjp ja winma'any tja'ixtaay ko ojts tjayajkäjpxy ja käjpxynyajxpëtëjk.

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Dios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

Hebreos 1:2

Tyam ma kyëxanën ja xëëw jëmëjt, tëë xymyëkajpxëmë mëët ja y'U'unk, mëti'ipë ojts mëët tyajkojyën ja naax tsajp, mëti'ipë të tukumaaytyä'äyën winë.

Hebreos 12:25

Näkyëwent'atëtë, mëmëtowtë ja Dios. Mëti'ipë ja Dios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

Hebreos 4:1

Paatykyëjxm ma tyam njaakyajpatëmën ets ntëjkëmëty ma Dios ja pyo'kxtaknën, mëpaat näkyëwent'ajtëmë këtiipë pën wyë'ëmëty.

Hebreos 4:11

Tsojk njotmay'ajtëm ets ntëjkëmëty ma ya'atë po'kxtaknën këtiipë ja jëtu'unpë ja winma'any npanëjkxmëty ijxtëm y'ëtëtstën mëti'ipë ka'ap tmëpëjktën ja Dios.

Hebreos 5:9

Ets ko ojts tyaj'apaatë ja tyuunk, ënät ojts nyäxy yajnitsokpë xëmëkyëjxm ma ja mëti'ipë mëmëtoowëpën,

Hebreos 9:28

Näyjyëtu'un ja Kristë të wyintsë'kën'aty tuk'okyë ets ja mayjyä'äy të pyokywya'atstë. Ok jatëkok myina'any ja mëmäjtsk okpë, je'eyëp ko ka'ap yë'ë t'ëkniminanë ja nëë poky, yë'ë nyiminäämpy ets tyajnitso'oka'any ja mëti'ipë jëjp'ijxëtëpën.

1 Juan 1:1

Yë'ë miits yam ntuknija'ayëtëp ma yajnimëtyä'äkyën mëti'ipë ijty jää'ajtpën ma winë tsyo'ontäkyën, mëti'ipë të n'ijxëmën, të nmëto'owëmën ets të nto'on të nmajtsëmën.

Judas 1:17

Miits mëku'uktëjkëty, ja'amyätstë wi'ix ja Wintsën Jesukristë ja y'ijxpëjkpëtëjk mnëmaayëtën.

Apocalipsis 7:10

Ni'ëmukë mëk y'ëna'antë: Yë Dios të xyajnitsokëmë, mëti'ipë u'unyääpyën jam ma kutujktaknën ets mëti'ipë yajtijpën Kupixyny U'unk.